سهام الايام

السهم الثالث و الثلاثون

>>بين عزة النفس ، وشعور الملامه

....

صباح يوم جديد...يشرق بشمسه الدافيه على المدينه..وعلى تلك الحاره العتيقه... ويوم جديد بحياتنا...نعيشه...بحلوه ومرّه..

ونحلم ونتمنى ان تتحقق تلك الأحلام..

على اصوات حفريات البلديه بالشارع المقابل للبيت...فتحت سهام عيونها وهي تبسم برضا تااام...استقعدت بنشااط واتجهت للشباك وهي تناظر والابتسامه على محياها..وتتذكر أيام هالحاره....

بهاللحظات دخلت "ديم" وهي مبسوطه/السلام عليييكم

سهام ألتفتت عليها/وعليكم السلام

ديم اقبلت عليها/صباحك ورد...

سهام/هههههه اي ورد ياشيخه..قولي اصوات حفريات هههه

ديم/هههههههه اشوفك تتفرجين ع الشارع وشكلك مبسوطه مع هالسمفونيات

سهام بابتسامه هاديه/هالاصوات تذكرني بأيامي بهالحاره..رغم قساوة هذيك الأيام وشقاها إلا ان لها طعم..ضحكتنا،كانت صادقه.كانت دموعنا تنزل من كثر ضحكنا....وجمعاتنا كثيره ماكان عندنا شي يشغلنا عن بعض وكان أي شي يبسطنا..

ديم نغزتها/اللحين انتي مليونيره..وتحنين لهالاشياء هههه

سهام سكتت شوي وهي تناظر للحاره/هذيك الأيام كانت امي عايشه..وحسها مالي علي الدنيا...<<<سكتت بعدما خنقتها العبره..

ديم ربتت على كتفها/الله يرحمها..

سهام وهي تحاول تسكت مسحت دموعها/أمين...اسفه ضيقت صدرك مع هالصباح...

ديم دفتها بخفيف/اقوول انطمي بس..وتعالي نفطر..شغل الرومانسيه والاتيكيت ماحبه

سهام/هههههه اسسمع من تقول هالكلام...

ديم/هههه لا لا خبرك قديم...ماعدت الأوليه...ديم تغيرت حيل واحلام المراهقه نستها...

سهام/الحمدلله اللي عقلتي...علشان نزوجك

ديم/ههههه يارررب

سهام سكتت شوي وتكلمت بجديه/ديم شرايك باللي قلتلك البارحه...

ديم بجديه/شوفي انتي مبررات رفضك لراكان واقعيه وصحيحه ميه بالميه....بس لا تتجاهلين حبه الكبير لك..بعمري لو القى رجال يسوي لي سواته لاتزوجه لو اخسر العالم كله..

سهام/قولتك كذا

ديم/ايهه قولتي كذا...ويلا لا نتأخر ابيك بعدما نفطر تعلميني كيف استخدم اجهزة الضغط والسكر اللي شريتها لأبوي البارح..

سهام/الا وشلونه اليوم بعدتعب البارح

ديم بابتسامه عريضه/بخييير ابشررك والا ماشفتيني انكت معك من هالصباح