سهام الايام

السهم الخامسة و الثلاثون

<<<<بعدما ضاق فضاء الكون شفت اتساعه..!!

(الهوا اللي يحرك احساسي اليوم غرريب...حلووو..شعور يخليني ودي أرقص من نشوتي...!!

شالسبب ياترى؟ مدري...

بس حبيت احساسي اليوم يا عسى ربي يكون بشرى خير علي.)..

هذي ريم متجهه لمقر عملها في المستشفى كأخصائيه اجتماعيه..نزلت من سيارتها ودخلت المبنى بحيويتها ونشاطها...

وقفت تبي تفتح مكتبها ولقته مقفل!!(يالله شكل الممرضه ما بعد توصل)..

ألتفتت علي يمينها واتجهت للكونتر القريب من العيادات/تيييناا..تيناا

من وراها اقبل دكتور " بعدما سمع صوتها/تينا بإجازه اليوم

ريم التفتت عليه وهي متفاجأه ومرتبكه/!!

الدكتور/معك الدكتور سلطان..اخصائي عظام

ريم وهي منحرجه/أ...أنا جايه ابي مفتاح العياده...اليوم محد مداوم غيري..!!

د:سلطان بابتسامه خبيثه/اها....تعالي معي العياده..علبال ما تصل في نيرس سميره ..نشرب قهوه شرايك

ريم عطته نظرات ناريه،وهي تلفت تبي تشوف فيه احد،خافت...

سلطان/شرايك نشرب تركش كافي.

ريم حاولت تبعد بدون ما يصير مشكله..

تركي بهاللحظات طلع من عيادته وشاف سلطان واقف عند وحده..وعرف أنها ريم من شنطتها،عقد حواجبه من العصبيه لأنه يعرف نوايا سلطان، اتجه لهم...

سلطان شاف تركي اقبل وضاق صدره/شيبي ذااا

تركي كان عاقد حواجبه/السلام عليكم

ريم التفتت وشافت تركي وفرررحت وبدون تحس مسكت يده/تركي

سلطان استغرب!!!!

تركي فهم ان سلطان ضايقها وهي ماصدقت على الله انه جاء وانقذها،من سلطان/ليش منتي بالعياده

ريم تذكرت نفسها،وسحبت يدها من يده بهدوء/لقيتها مقفله..وتينا يقولون بإجازه

سلطان بخبث/شالسالفه...؟!!!

تركي/شقصدك؟!!

سلطان يغمز لتركي/ههه مادري

تركي/ايهه نسسيت اقولك...هذي زوجتي...توها متوظفه هنا...

ريم حبت هالكذبه ....

سلطان خااف/والله؟....مادريت...محد قال لي!!

تركي وهو يضبط اعصابه/هذا انت عرفت..

سلطان حاول يتهرب/اووكي انا عندي مرضى لازم اشوفهم..سلام

تركي/ سلام.

راح سلطان....

تركي التفت على ريم/هاك مفتاح عيادتك..واسمعيني زين..سلطان انتبهي منه وبعد واحد ثاني اسمه رائد.لا تحاكينهم ابدددد.اوكي