سهام الايام

السهم التاسع و الثلاثون

في معمة عمله واداء مسئولياته..كان راكان يلهّي نفسه لين تنتهي هالفتره...ويتم مراده...،

بجاد كان ملاحظه متغير للأفضل وهالشي انبسط منه طبعاً..

دخل بهاللحظات وهو يبتسم ومعه ملف/السلام عليكم

راكان/وعليكم السلام

بجاد جلس/ماشاء الله اشوفك متغير ونشيط هالفتره وش عندك

راكان ببتسامه/ابد شوفت عينك..روتيني ماتغير

بجاد/يارجاااال علمني بس وش عندك نشيط ومستاانس .خلنا نستانس معك بعد

راكان يبي يغير السالفه/بجاد مانبي سوالف وقت الشغل

بجاد/والله ان تقووول وش وراااك...انا حاااس ان في شي يحصل من وراي...يلاااا انطق

راكان ابتسم وقرر يقول له/خطبت

بجاد استغرررب/وماقلت لي!!!!...افااااا

راكان/يا رجال ارركد ماخطبت رسمي علشان اقولك

بجاد/مافهمت..!!

راكان/العروس شرطت ما تتم الخطبه الا بعد زواج طليقتي ريم..

بجاد وهو يخزّه/لا تكون سهام بنت عمي

راكان بسعااده/اي نعم

بجاد عقد حواجبه وسكت/...

راكان/مافي مبروك؟!!!

بجاد/مبروك....بس صاير تخش عني

راكان/هههههههه اقول خل عنك سوالف الحريم ...هذا انا قلتلك

بجاد بعد تردد/راكان ما تحس انك غلطت وتسرعت بزواجك من سهام؟!

راكان عقد حواجبه/لا...ليش؟

بجاد/مادري.....بس خايف عليكم من كلام الناس

راكان/ماعليك من الناس...اهم شي راحتي أنا..الناس ماراح يعيشون معي ببيتي..

بجاد/ع العموم الله يوفقك انت وسهام..

راكان/امين

/

/

/

/

/

/

/

في بيتها...وبالتحديد بالمطبخ..واقفه و تسوي قهوه وتصبها في الدله،بطنها برز بشكل وااضح لأنها خلصت الشهر السابع وتتكلم مع سهام/الا شخبار ديم بعدما زرتيها اخر مره

سهام كانت تطلع فناجين وصحون الحلى/ماعليها بخير...بس الوالد تقول حيل تعبان

سحاب وهي تحط الهيل/الله يشفيه...والله حيل تعبت معه ديوم..الله يجزاها خير

سهام/اميين.. هي بارّه بأبوها..وماقصرت معه...ونست نفسها...لكن ربي ماينسى عبيده

سحاب/الله كريم