ماضي الإخوة (جاري تعديل السرد)

ماضي الإخوة

#احداث الفصل السابق بالمختصر
أخبر قاسم حازم ومراد عما جري بينه وبين والده عندما قابله منذ سنوات،عرف كامل أن جاسر يأخذ مال من فايز بدون علمه ويستغله،وعد قاسم مراد ان ينفذ له طلب بمقابل ان يقنع المستثمر بالمشروع.
🕳🕳🕳🕳🕳🕳🕳🕳🕳🕳🕳🕳🕳🕳🕳🕳
#الفصل الثاني والعشرين#

في المساء كان قاسم لايزال يعمل في مكتبه فدخل عليه مراد قائلا/فاضلك كتير.

قاسم/دقيقة بس همضي دول وخلاص.

مراد/طب كويس علشان مافضلش غيرنا احنا والأمن في الشركة.

قاسم/خلصت....هاخد حاجاتي بس...... وانت أخد حاجاتك كلها.

مراد/مش شايف الشنطة مليانة.

ابتسم قاسم ثم قال/طب يلا.

خرج كلاهما وعندما وصلوا إلي سيارتهم وضعوا حقائبهم ثم بدؤا بالتحدث مع بعضهم .

مراد/المفروض نخلص كل الشغل ده النهارده صح.

قاسم/المفروض.

مراد/يعني بدل ماسهر في مكان يروق عقلي،أسهر مع حاجات تسّيح مخي.

قاسم/معلش استحمل النهاردة بس.

مراد/أمري لله وحده،هضطر مانمش لحد ماخلص....،بس متزعلش مني لو اتصلت بيك كل شوية علشان استفساراتي،انت عارفني بستفسر كتير.

قاسم/ولا يهمك اتصل زي ما أنت عايز،انا كده كده مش هنام لحد ماخلص.

مراد/أه،ولسه كمان الاجتماع...أنا مش عارف ايه اللي يخليك تعمله في الوقت ده.

قاسم/فرق التوقيت...وكمان اليوم كان مضغوط جامد،ماكنش عندي وقت تاني.

مراد/كنت أجّله وخلاص.

قاسم/ما ينفعش لازم ننجز شوية،علشان نلحق نفتتح الشركة في الوقت المناسب.

مراد/بس انتوا لسه ماحلتوش المشكلة.

قاسم/علشان كده احنا عاملين الاجتماع ده.... علشان نأكد علي كل حاجة ونحاول نلاقي حل للمشكلة.

مراد/طب ربنا معاكم بقي وتلاقوا الحل.

قاسم/وربنا معاك انت كمان.

مراد/طب يلا بقي علشان نخلص بدري.

قاسم/مع السلامه.

مراد/سلام.

صعد كل من مراد وقاسم الي سيارتهم،انطلق مراد بسيارته،وانطلق السائق بسيارة قاسم.
🕳🕳🕳🕳🕳🕳🕳🕳🕳🕳🕳🕳🕳🕳🕳🕳
وفي الطريق كان قاسم يفكر في حديثه مع عمه حازم ومراد وعما حدث بينه وبين والده ويفكر فيما قال عمه له عندما قال له ان والده تغير بعدما عاد، وظل يفكر ويتذكر كل الكلام،وفجأة عاد الي الواقع وظل صامتا لعدة ثواني ثم بدأ بالتحدث مع السائق.