ــــــــــالمشهدــــــــــ
طلعت اركض من الغرفه خايفه من الصوت والرمي العالي شفت اهلي بالصاله والخوف مبين عليهم رحت اركض عليهم وماما وبابا حضنوني يطمنون بيه
ام رمح : هلا بنيتي الحلوه شلونج يروحي
- ماما شنو هذا شنو هذا الصوت خايفه كلش
- يروحي ماكو شي هسه يرحون ويعوفونه بحلنا
- همه منو اليرحون
ابو رمح : ام رمح لازم اطلع اشوف شصاير
ام رمح : وين تطلع هسه تجيك طلقه تايها وتموت بمكانك استر علينا فدوه اروحلك
مهتدين : ماما بابا منو هنا ليش هيج الصوتت مامااااا
صرخت من سمعت صوت دفرت الباب بابا ضل يصيح على ماما
- روحي صعدي فوك بسرعههههه راح يدخلون علينا
امي ضلت ساكنه بمكانها بابا بسرعه سحبنا وصعدنا فوك واسمع صوت زلم داخل بيتنه ضليت ابجي وبابا يسكت بيه وماما ضلت تبجي وياي وبابا حتار بينا يسكت منو ضمنه على صدرة وضل يهدي بينه
- بابا حياتي شبيج هسه يرحون هسه انزل الهم واطلعهم دفرات
ام رمح : ابو رمح وين نازل فدوه اكعد استر علينا
-لازم انزل اطلعهم مايصير هيج البنيه راح يصير بيها سكر بأي لحضه
نزل بابا وامي ضلت تبجي وتسكت بيه واني مستمره ابجي شوي وسمعنا صوت إطلاق النار وصوت بابا يصيح ماما ضلت تبجي اكثر
ام رمح : مهتدين اني راح اموت بأي لحظه ابوج اكيد مات اريدج تلبدين هناك وأي صوت ما تطلعين مفتهمهه
صرخت باخر كلمه ضليت ابجي واني مافتهمت شي من كلامها
ام رمح : ولج احجي وياج افتهمي روحي لبدي بسرعه راح يجون حتى لو اموت كدامج لا تطلعين إذا احنا متنه ضلي انتي باقيه من عنده انتي واخوج
رحت اركض جوه الجربايه على المكان الي أشرت عليه وحطيت ايدي على حلكي سمعت صوت دفرت الباب وامي واكفه كدامه شفت رجلين زلم دخلت على الغرفه وصوت امي تصيح عليهم وراها بسرعه طلقو النار......
روايه احببت خاطفي ستكون مختلفه عن باقي الروايات
لَيـش. وشنو الي يميزها عن باقي الروايات راح تكتشفون ه̷̷َـَْـُذآ الشي
م̷ـــِْن البارات الاول لها
نباشر بها بتاريخ 15\7 ونمضي بها بحلاوتها ومرارتها
ويكونون ابطالنا جزء م̷ـــِْن حياتنا وذكرياتنا
شنو فهمتو م̷ـــِْن المشهد ؟
شنو رأيكم راح تكون حلـِوه لْـۆ لا ؟
اني احبكم انتم تحبوني ؟
فاطمة ضياء
أنت تقرأ
عذاب
Fantasyسأَصـُـرخُ في عُزْلتـي، لٱ لكـيْ أُوقِظَ النائمينْ. ولـكنْ لتُوقِظَني صَرْختي مِـنْ خيالـي السـجينْ! فاطمة ضياء
