نظرات جنوبية

"العرس2"

هَذا الجاي ،
يمَشي ويّاك
بايك نومتي وحلميّ
خِنجر نايم بّدميَ
يسهَرني ويبچِيني
ويخليّني ،
اعلگ جّرحي عالحَايط
و أنام وصّورتك يَمي .

- يا ضحكتي الصدگية كلش..

- أنوب صرت ضحكتك؟! مدافهمك أبد..

- خايبة گلبي ما أعرف شنو يتحرك بداخله!

مسحت دموعي و عدلت كعدتي، أتنفست بهدوء بس حتئ تروح الخنگة إللي صارت ببلعومي، و باوعتله..
بقيت أباوعله و أعاتبه بنظراتي! عيوني حچن كلام هواااي لعيونه..و بنفس الوقت عيونه بيهن ندم مو طبيعي، طول ما هو يباوعلي أبتسامته نفسها، مادري شلون گدرت أتحمل نظراته!

ورا خمس دقايق بالضبط..

- عيونج دَمرنّي.

- ليش؟

- بيهن سوالف يابو سوالف.

- عيونك هم.

- شبيهن..

- بيهن ندم مو طبيعي!

- وبعد؟

- و نظراتك مال واحد خسران..

- صح..
أتمدد علئ جربايته و أيده ورا راسه ومبتسم،
گال: چا تعاي اگلج ششفت بعيونج.

- احجيلي شنو شفت..

- عيونج بالبداية بيهن عتب، و بعدين العتب أتحول لكلمة "ليش"، وشفت قهر بعيونج علئ شكلي أكثر شي..

- صحيح، لأن كبران كلش.

- انا صرت شايب، وانتِ يوم عن يوم تزيد حلاتج.

- يا حلاة هاي التحجي عنها، مدتشوف هالات عيوني و التعب المبين بوجهي.

أتحسر و گال:
- حليااانة، و كبرانة وسمنانة هم.

- علئ فراگك صرت أكل حتئ تشريب، اني الجنت تصيحلي قبل بزر كنتاكي، تاليها صرت أم ثرب ههههههههه.

- قبل ما جنتي هيج.

- مو گتلك علئ فراگك سمنت، لأن قبل إذا أنت موجود بكلمة وحدة منك ما أكل ليوم كامل.

- چا همزين ما أخذتيني، أنوب صرت انا أضعفج.

- هاي الحقيقة.

- خربت انا مو الأولي و هلتشوف عيونج.

أبتسمت و گتله:
- ملامحك بعدها نفسها، بس كبران و لا عبالك بمنتصف العشرينات.

فجأة غمض عيونه و لزم گلبه، عدل كعدته بس جان متوجع، التلفون صار بفراشه وميبين شي منه، اني من شفته هيج خفت عليه حيل!

- جسار شبيك؟ جسار!! بس جاوبني فدوة!
الله عليك لتسوي هسوالف بيه والله گلبي خلصان!

أسمعه يون من الوجع واني حيلي راح، ايديه ترجف و مخليتهم علئ حلگي و عيوني مدمعة.