كل الامان في حُبك وكل الاماني قربك

B 24

فـ الليل تحديداََ الساعه 2:30
فبيت ابو سلطان
دخلوا بـتعب و اتجه كُلاََ منهم على غرفته
و عند بيان بـ الغرفه ، رفعت جوالها و بدأت تدق على الخلف و رد عليها بعد انتظار وقال : ارحبي يادهر قلبي و رجعانه
ابتسمت بهدوء وقالت : البقى ، مطول؟
زفر وقال : شوي
تنهدت وقالت : تمام انتبه لك من الطريق
ابتسم وقال : ابشري توصين؟
ابتسمت وقالت : سلامتك
-
و بـ المستشفى
دخلو كلهم مسرعين لعند احمد ، و اتجهوا لغرفته
دخل مسعود و نط بـرعب وقال : حمود فيك شي.؟؟
ضحك احمد بصدمه من شافهم : لا ي بعدي م فيني شي هدي هدي ، والله م دريت انكم بتجوون
ضربه غيث على راسه بخفه : ي الوصخ مهوب حن الي نسحب على خوينا وهو مكسور
ابتسم وقال : لا خلا ولا عدم منكم
خلف : ايه شقالو متى تطلع ؟
احمد : بكره ان شاء الله
نادر : ايه اجل الصبح نجهز الأمور و نمر لك
خلف ضحك وقال : صح عليك
لؤي : اهلك يدرون ؟
تنهد وقال : وشو اهلك الله يهداك م طقوا لي خبر
قرب مسعود و قال : حنا اهلك و حنا سندك وكلشي لك !
ابتسم وقال : و يلوموني فيكم !! ي بعدي انتم
ابتسم غيث وقال : كلام مسيعيد صحيح اي شي تبيه تجينا ي حمود لو اهلك م طقوا لك خبر هنا بنطق لك خبر
ضحك وقال : حبيبي غيوث في ذمتي اطلق مدير
ابتسم نادر وقال : يلبيه والله انك صادق
ابتسم غيث وقال : ي بعد حيي والله م سويت شي
فزوا كلهم على جوال غيث الي يدق وقال : اوه
نادر : منهو
ضحك و لصق الجوال فوجهه : اممي اميي
انفجر نادر ضحك وقال : ايه احسب
ضربه خلف وقال : نويدر بس !
طلع غيث يرد على امه : لبيه ي يمه أمري
ام غيث : وش فيك يمه للحين م رجعت ؟
ابتسم وقال : لا تشغلين بالش يمه كم شغله و اجي
ام غيث : وينك فييه
ضحك وهو يسمع عصبيتها : ب المستشفى
شهقت وقالت : وش تسوي هنااكك فيك شيي؟
غيث : لاا لا يمه م فيني شي بسم الله عليش استهدي بالله
ام غيث : خوانك فيهم شي ؟؟
قطب حواجبه وقال : خواني ؟
ام غيث : قصدي اخوياك ي وليدي وهم خوانك
ابتسم وقال : ابد يمه لا تحاتين م عليه شي حادث بسيط والصبح بيطلع ان شاء الله
تنهدت براحه وقالت : زين يمه انتبه لك
ابتسم وقال : ابشري
....
دخل الغرفه عندهم
ذياب : طيب يخواني توصون ؟
احمد : بدري
ضحك وقال : المدام لحالها
انفجروا ضحك وقال : اجل الله معك
مسعود : اذلفوا كلكم انا معاه
ابتسم وقال : لبى قلبك ي مسيعيد
نادر : اص اص حنا وشو انا و لؤي و خليف و غيث ؟
احمد : يوه بس جيبو لي مويه
خلف : ابشر الحين اجيب لك
طلع خلف لل كفيتيريا مسرع يجيب ل أحمد و العيال اكل خفيف و مويه
و بـ غرفة احمد تحديداََ
يسولفون طبيعي م حسوا الا بـ جوال واحد فيهم يدق
فز غيث وقال : مهوب جوالي !
احمد : ولا جوالي
مسعود : ولا انا
كلهم ناظرو لجهة نادر و ضحك : والله مب انا بعدين جوالي صامت اساساََ
أشر احمد على الكرسي وقال : جوال خليف !!
سحب نادر جوال خلف و قطب حواجبه
غيث : شفيك
نادر : اميرتي ؟
شهق غيث وقال : ي الوصخخ خل الجوال مكانه
رفع مسعود حاجبه و ضحك : اهاهاا
ضربه غيث وقال : نعم شفيك ؟
احمد : خله خله م عليك منه
اخذ غيث الجوال و طلع من الغرفه و بطل الاتصال : سمي ؟
ردت اميره و قطبت حواجبها : وش سمي ؟
غيث : علامش تدقين؟
فزت و ضحكت : خللييف شبلاك انجنيت شنو علامش ؟؟
ابتسم وقال : بس انا مب خليف ؟
شهقت وقالت : اجل مننو وين خلفف ي الحيوان انت وش جايب جوال خلف عندككك
رفع عيونه بصدمه وقال : وش فيش بسم الله هدي هدي تراني غيث خويه !!
رفعت عيونها بصدمه : وو ... وشو ؟؟؟
غيث : ايه ايه غيث الخلف راح شوي و نسى جواله هنا
اميره بتوتر : طط..يب ، معليش على الشتم
ضحك وقال : ابد لا يهمش ، وخلها بيننا لا يدري خليف
ضحكت و قفلت المكالمه : اللهجه !! يجنن يربيي
ركضت للصاله عند البنات وقالت : تخخيلوو
بيان : رد عليس؟؟
جلست وقالت : رد بس مو خليف
ريهام : اجل منو
ضحكت وقالت : غيث
شهقت سُميه وقالت : غيث غيث نفسه ؟؟
انفجروا البنات ضحك وقالت : غيث نفسه
بيان : وش يسوي جوال خلف عنده وجع
اميره : مدري قال خلف راح شوي و نسى جواله
سُميه : ياراسي ذا بعد ناوي يخطبس
زفرت وقالت : تهقين ؟
بيان : والله شوفي اذا هو يبيس بيجي يخطبس
اميره : يصير خير ان شاء الله
بيان : اهخ ي بنات م شفته اليوم الا وقت الغداء بس
ضربتها اميره على كتفها : إذا رحنا جده بدونه وش بتسوين انتي
شهقت وقالت : تكفين ي اميره ان شاء الله بيجي
زفرت وقالت : ان شاء الله ، بطلع بنوم سيوف توصون؟
سُميه : سلامتس
ريهام : يوه حتنا بطلع انام تعبت
ضحكت اميره وقالت : اطلعي اطلعي
-
اليوم الثاني تحديداََ بـ الصاله متجمعين
ابو سلطان : جاهزين ؟؟
ام سلطان : اصبر ي علي البنات يتجهزون
ضحك وقال : منتظركم ب السياره عجلو عليي
ام خلف : ي خاله خلف و فهد مب معانا
ام فهد : ايه الله يعينهم على الشغل
ام سلطان : م عليهم شي يجونا الخميس و الجمعه ان شاء الله
ام فهد : ان شاء الله
-
بـ غرفة بيان الخلف
جالسه تحط مكياجها و سيف يلعب بـ العابه على جمب ابتسم خلف و قرب من وراها وقال : وش ذا الزين كله
ابتسمت وقالت : حلو ؟
ابتسم وقال : كلشي فيس حلو ي دهر قلبي
فزت و قالت : خليف م فيه امل تجي ؟
زفر وقال : والله م فيه لو فيه كنت جاي
تنهدت وقالت : اف طيب
ضحك وهو يحاوط خصرها : ليه الزعل طيب ؟
زفرت وقالت : منت جاي يعني وش تبيني اسوي افرح ؟
ابتسم وقال : البنات معتس ليه تزعلين روحي غيري جو كلها اسبوعين و ٣
ابعدت وهي تلبس عبايتها و طرحتها : والله كثير
اخذ سيف لحضنه وقال : طيب الحين لا اشوف خاطرس ضايق استانسي ان شاء الله جاي إذا فضيت
تنهدت و اخذت سيف لعندها : تمام ، استودعك الله
ابتسم وقال : يالله حفظكم ربي ، وأن بغيتي شي علمي سعيدان م بيقصر معس
ابتسمت وقالت : ان شاء الله انتبه لك
خلف : ابشري
-
عنـد محمد و ديم
جالسه بـ المطبخ تجهز الغداء و طلعت للغرفه مسرعه فتحت النور و طفت المكيف ابتسمت و همست بهدوء : حمود قم قم كفايه نوم
فز و ابتسم وهو يحك شعره : قمت قمت
ابتسمت وقالت : انتظرك تحت لا تطول
قام وقال : ابشري من عيوني
لفت و ضحكت بهدوء : تسلم لي عيونك
'
بعد م خلص محمد نزل للصاله و جلس مقابلها بـ طاولة الطعام ابتسمت وقالت : شسمه بنزل عند اهلي بعد م نخلص
رفع انظاره لها وقال : ان شاء الله
-
و فـ الطريق إلى جِده تحديدا سيارة الجد ابو سلطان
وليد : يبه شلون جت الفكره فبالكم
ضحك وقال : والله ي ابوي انت قلنا نغير جوي
ام سلطان : صادق ابوك نغير شوي و تشوفون هناك اخوياكم
وليد : اي اخوياء يمه الله يهديتس
ضحكت وقالت : بتتعرف عليهم ي وليدي
-
وفـ الشركه و فـ مكتب الخلف تحديداََ فز على جواله الي يدق رفع جواله و كان اتصال من غيث فتح وقال : امر يخوك
ابتسم غيث وقال : خليف انا ب المستشفى مع مسعود عند حمود جايين الحين
خلف : خلاص تم
طلع خلف من مكتبه و راح للاستقبال تحت وقال : ادم الحين احمد و غيث جايين قل للسكرتيره ترتب مكتب احمد
هز براسه بالأيجاب بمعنى طيب وقال : ثواني و يكون جاهز
ابتسم وقال : مشكور
-
بعد مشوار طويل وصلوا إلى جِده
نزلو بحماس و كانو مندهشين بجمال البيت من الخارج و حجمه الكبير
ريهام : بسم الله ماشاء الله
ابتسمت ام فهد وقال : امشوا وراي ي بناتي
تقدموا و دقوا الباب و فتحت لهم أديم الباب
*
تعريف بسيط
العائله في جِده متكونه من جده اسمها ( بشرى )
و بناتها رتيل و اسماء
اسماء متزوجه و عندها بنتين و ولد
اخوهم الكبير : عزام ، له من العمر 24
الاخت الكبرى : أديم ، لها من العمر 22
اصغرهم الحبوبه فيهم : نجد ، لها من العمر 18
و اما عن رتيل فـ تزوجت و لٰكن م توفقت معاه و تطلقت منه وعندها ولدها الوحيد : طارق له من العمر 22
*
ابتسمت أديم وقالت : حياكم
دخلوا و تجمعوا كلهم بـ الصاله الكبيره
ام سلطان : أديم وين امتس فيه
قطبت حواجبها وهي مو فاهمه على اللهجه : ايش ؟
انفجرت بيان ضحك وقالت : ي جده البنت مو فاهمه عليتس
ضحكت ام سلطان وقالت : مشكله والله
ام فهد : امك امك وين هي
ابتسمت وقالت : دحين تجي جالسه تجهز الشاهي
سعود : عجيب أمرهم
نزل طارق و قرب يبوس راسه عمته : يهلا والله
ابتسمت وقالت : البقى ، ماشاء الله طويرق كبرت
ضحك وقال : وحشتينا والله
ابتسمت وقالت : يحبيبي والله
رفع وليد حاجبه وقال : يمه منهو ذا م ارتحت له
ضربته على كفته وقالت : ذا طارق سلم عليه وانت ساكت
ابتسم بقرف وقال : تشرفنا
ابتسم طارق : الشرف لي
سعود : تصدق لو اننا ف البيت ابرك لنا من ذا الجو
بيان : وين الغرفه ؟
أديم : تعالي معايا ادُلِك عليها
ابتسمت وقالت : تمام
طلعوا الطابق الثاني و أشرت أديم على الغرفه وقالت : دي غُرفتِك و هِنا الحمام
ابتسمت بيان وقالت : يحليلتس ي اديمو
ابتسمت وقالت : تبغين شي ؟
بيان : لا ي حبيبتي مشكوره
قفلت الباب و نزلت مسرعه و دخلت للصاله و جلست جمب البنات
سُميه : من هي امتس انتي
ابتسمت وقالت : اسماء
سالم : وين هو المجلس ؟
اسماء : نجد يماما دليه على المجلس
لبست طرحتها و تقدمت و مشى سالم وراءها وهو مندهش يشوف مشيتها و ملامح وجهها البريئه الي اجذبته لها اخذ شهيق و زفر : استغفرالله العظيم
ابتسمت نجد وقالت : هوا دا المجلس
دخل و قال : ابن مشاري صدز ماشاء الله
طلعت نجد و تقدمت للصاله وقالت : ترا سالم بالمجلس تقدرون تروحون لعِندُه
تقدموا العيال و خرجوا كلهم للمجلس عند سالم
و بـ الصاله
اسماء : والله نورتو
ام خلف : بوجودس والله
ابتسمت وقالت : ليه خلف و فهد م جوا ؟
ام فهد : والله وراءهم شغل و دوام م يقدرون
اسماء : اها الله يقويهم
ابتسمت وقالت : امين يارب
-
بعد أذان العشاء
دخلت نجد للمجلس وقالت : تبغون العشاء ولا ؟
عزام : تبغون ؟
وليد : بكيفكم عاد
طارق : ايوا ايوا جيبوه
نجد : تمام
-
و بـ الشركه تحديداََ
ضحك غيث وقال : معوض يبو سيف
خلف : انت بس لا اسمع حسكك لو ذا النظام مب موجود كنت معهم الحين
غيث : شدخلني محد قالكم تصوتون ههههههههههههههههههههههههههههههههههههههههههههههههههههههههههههههههههههه
ضحك وقال : ليتني م صوتت
غيث : م علينا اسمع ، والله اني ناوي اخطب اميره ابيها لي م ابيها لغيري
ضحك وقال : لك لك ان شاء الله ماهيب لغيرك
غيث : لبى قلبك ي العضيد
ابتسم وقال : بجيب لي قهوه تبي؟
غيث : ايه تكفى
ضحك وقال : ابشر بس
-
عند ديم عند اهلها تحديداََ
ام فيصل : هاه يعيوني مرتاحه معاه .؟
ابتسمت وقالت : اي والله ي يمه م توقعته نفس الي فبالي ابداََ
راكان : ايه الحمدلله اهم شي مرتاحين
فيصل : و اذا تبين شي علمينا
ابتسمت وقالت : ابد محمد مو مقصر معاي
ام فيصل : الحمدلله عسى ربي يهنيكم و يرزقكم الذرية الصالحة يارب
تنهدت وقالت : امين يارب ، و عقبال افرح فيكم يخواني
ضحك فيصل وقال : من بيفرح انتي ولا امي
ضحكت ام فيصل : كلنا ان شاء الله
-
و فـ جِده تحديداََ اخر الليل كل أحد ف غرفته متجهين ينامون ، عند ريهام بـ الغرفه دقت على فهد : يهلا والله
ابتسم و رد عليها : البقى يبعده
ضحكت وقالت : وينك مختفي م تدق ولا لك حس لا يكون عاجبك انيي رحت
ضحك وقال : افا ي ذا العلم والله مهوب عاجبني
ابتسمت وقالت : رجعت للبيت ؟
ابتسم وقال : كم شغله و راجع
زفرت براحه وقالت : اها تمام
جلس وقال : هاه كيف الأجواء عندكم
ضحكت وهي تبي تقهره : يجنن والي هنا يجننون اكثر
قطب حاجبه وقال : اها علميني طيب منهم الي هناك
ضحكت وقالت : والله شف اسأل واحد من العيال يعلمونك من هناك
فهد : ريهاموو شعندتس لايكون عجبتس واحد منهم
ضحكت بخفه وقالت : تخيل اييه حليويين ماشاء الله
فهد : ايه زين انا بعرف من هم ذول الحين
قفل الاتصال ف وجهها و انفجرت ضحك وهي تشوف غيرته الي تقتلهاا
-
عند سالم و سعود و وليد بـ المجلس
دق جوال سالم و سحبه وشاف : بسم الله
وليد : منهو
سالم : فهيدان
وليد : دق طيب شف شفيه
فتح سالم الاتصال و رد عليه : عليكم السلام ، شفيك رسمي بزياده
فهد : سلوم بسألك الكين و جاوبني
سالم : وشو
فهد : من العيال الي عندكم ف البيت ؟
سالم : عزام و طارق
زفر وقال : طيب من تحس ملامحه جميله و تجذب البنات ؟
انفجر سالم ضحك وقال : الاثنين والله بس الأكثر عزام
عض شفايفه بقهر وقال : تمام
طفى الاتصال و رجع دق على ريهام : تعالي تعالي
ابتسمت وقالت : هاه وش
قطب حاجبه وقال : عزام اجل هاه
ضحكت وقالت : منو علمك
فهد : ابن ابوي صدز استحي على عمرتسس تقولين ل زوجتس تسذذاا
انفجرت ضحك وقالت : طيب امزح شفيك طبعا مب أجمل منك ذا العزام
ابتسم وقال : ايه احسب بعد ، هيا نامي جايتس الخميس
فزت وقالت : صددققق
ضحك وقال : ايه صدق شفيتس
زفرت وقالت : هذا وحنا م كملنا يوم اشتقت لك
ابتسم وهو تايه فـ كلامها : ي بعد حيي انتي والله مب كثريي لا تخليني اجيتس ركض الحين
ضحكت وقالت : بس خلاص بطفي بنام تعبت
ابتسم وقال : بس النومه ذي م فيها حضني
ضحكت وقالت : ايه للأسف الشديد
ضحك وقال : يالله ي بعدي جعله نوم الهنا
ابتسمت وقالت : يهنيك يقلبي
-
و عند بيان بعد تكلم خليف القّلب ..
ابتسم وقال : شخبار سيوف عساه بخير
ابتسمت وقالت : بخير الحمد لله ، شقاعد تسوي
زفر وقال : ابد والله توني طلعت من المكتب و قلت اسولفتس شوي
ضحكت وقالت : صوتك واضح نعسان !!
ضحك وقال : اي والله جاني النوم تعبنا
ابتسمت وقالت : م عليه نص ساعه تحمل
تنهد وقال : برجع و م بلقاتس لا انتي ولا سيوف و شلون اتحمل اسبوعين بدون دهر هالقلب
ابتسمت و تنهدت بضيق : م تقدر تاخذ اجازه ٣ ايام ع الاقل ؟
تنهد وقال : بشوف شلون الوضع بعدين
ابتسمت وقالت : تمام تامر امر ؟
ابتسم وقال : انتبهي لتس و للسيف و ان بغيتي شي زي م قلت لس قولي لسعود
ابتسمت وقالت : استودعتك الله يحبيبي
-
و فـ غرفة أديم و نجد و أميره و سُميه
أديم : اميره ليه ساكته مِن اليوم اعرِفِك تُحبين السوالف كتير ماشاء الله
ضحكت اميره وقالت : ايه احب اسولف بس مطفرين سوالف هالحين
سُميه : تسهرون ؟
نجد : مو واجد لان ماما م تخلينا نسهر للصُبح
رفعت اميره عيونها وقالت : اخت وليد وانا اخته وشو ماما
ضحكت نجد وقالت : ايش فيكي انا اقول كدا
أديم : انتي ايش تقولين لـِ اُمك ؟
سُميه : يمه
ضحكت وقالت : اها بس حنا مو زيكُم
اميره : ايه مب زينا الحمدلله والشكر
نجد ضحكت وقالت : اشبك انتي
ابتسمت اميره وقالت : سلامتس
-

و كُلاََ منهم مشغول فـ همه الي نايم و الي تكلم رجلّها و الي تسولف و غيره ..
-
يُتبع
-
( ارحبوا ي شيّوخ قلبي ، شخباركم عساكم بخير اعذروني على السحبه انشغلت شوي و ظروف و ان شاء الله نرجع نكمل لا تنسون النجمه و الدعم حرفيا فقدت آلشغف احتاج دعم يحفزني اكمل ، قراءة ممتعه حبايبي 🤩🤍🤍. )