مستشفى القلوب (محطة القدر)

المَحطة الثالثة

راحت ...وانچفت شيلتها بـ الروح ،!
وبـ عيوني تبده الضحك دمعه،

منهد ما غمضت ، ماشفنه كل خير،!
اطلع من عسر ، وتردني وجعه

بـ ذيال الـ عباه ، كل خير مشدود
ِوعوافي اولادها بـ الشيله بقعه

اثر الها اتحرگ ، بـصفاح الخيوط ،!
حرگنه موادعچ ، ابسكته ، ( شمعه ..)

ردنه اسنونه انشرهه ، وذكرناچ ،!
ومثل وجه السهم راح ، شيرجعه،؟

يمه وداعتچ راحت الراحه وياچ،
عمر من دون وجهچ شنهي نفعه !!

راحت وانچفت شيلتها بـ الروح
وبـ عيوني تبده الضحك دمعه،

_________________________________________

رهف_ مرت الايام مثل ماهية الى يوم الأربعين حضرنة نفسنة من الليل حتة نطلع الفجر للنجف ضليت الليل بطولة اقرة قرآن واهدي على روح امي ماحسيت شوكت صار الفجر اله على دكت الباب سديت القرأن وصدقت

رهف_تفضل، فتح الباب بابا وبتسم ابتسامة حزينة واردف
علي:- يلة رهوفة بابا حضري نفسج حتة نطلع
رهف_حاضر بابا ،سد الباب وطلع كمت بدلت وأخذت قرآني وطلعت لكيتهم كولهم كاعدين بابا شافني جان يكول

علي:- تعالي يا حبيبت ابوهة تعالي يا سندي ،احتضني بين ايدة وضل يبوس براسي، اخذت نفس عميق من عطرة الي يحسسني بالأمان واردفة
رهف _بابا لعد حسن وحسين ورقية وين يبقون

علي:- حسن وحسين اخليهم يم زوجت عمج ورقية ناخذها ويانة لئن فرفحت تريد تجي
اني اكتفيت بهز راسي لئن ماعندي طاقة حتى احجي،، اجو عمامي وطلعنا بالسيارة الطريق كلة دموعي ما توقفت كل ما اغمض يجي طيفهة كبالي لحد ما وصلنا

اني ما غمضلي جفن نزلنا امش واتلفت بس اريد اشوف القبر مالتهة انتبه علية بابا فه صاحني واشرلي بيدة على القبر اني شفتة وكانو شفتها شمرت نفسي على القبر وكمت اعاتبها كانو هي كبالي فصلت عن الدنية كلهة ضليت نايمة على القبر وابجي واعاتبهة

يمة وينج يمة وينج امي يا ام قلب الحنين ياحبيبة وينج صدك رحتي وما تردين يمة وياج ارد اروح مختنكة وانتي الهوى ويمى شيطيب الجروح اذا ما نكعد سوة يمة ارجعيلي أعلى بختج يمة مشتاقة الضحكتج امي يا ام قلب الحنين صدك رحتي
وما تردين

بعدهة ما حسيت بشي استحلني الضلام بعد مدة ما اعرف شكد صحيت واني بحضن بابا والكل ملتم يمي ضليت اباوع بالوجوه بابا يحجي وياية بس اني فاصله لا اسمع ولا أكدر اتحرك بعدين رفعني بابا وشالني بين احضانة صعدنا بالسيارة وتحركت السيارة وين ما اعرف

لحد ما وصل للأمام علي علية السلام من شفت القبة مالتة ما اعرف شنو من قوة صارت عندي نزلت من السيارة وكمت امشي وكانو ماكو احد بس اني كامت ادموعي تنزل من حالها دخلت وصلت للشباك وكمت اناجي سيدي ومولاي