[Unicode]
"ချစ်လို့ လွမ်းလို့ သူ့အနမ်းတွေနဲ့နေချင်လို့"
Season 2,[Episode - 56]
"ပန်းလေး အခုတည်းနေတဲ့ hotel က ပုဂံက IVY လား တောင်ကြီးက IVY လား"
တစ်ဖက်ကဖုန်းထဲမှာ သတင်းအချက်အလက်အတိကျရထားပုံနှင့်မေးခွန်းထုတ်နေသူကတီမြတ်။ ဒီလိုမေးနေပုံအရတော့ သတင်းတောင်ကြီးရောက်နေတာရိပ်မိနေပြီထင်ပါသည်။
"သတင်းအမှန်အတိုင်းဖြေရင်တီမြတ်ကဖေကြီးကိုပြန်ပြောမှာလားဟင်"
"ပြောစရာလား ညည်းလေးကိုသမီးရင်းမဟုတ်ပဲနဲ့တောင်ရင်ဝယ်ပိုက်ထွေးကျွေးမွေးလာတဲ့တီမြတ်က ဩစီထွက်သွားတုန်းကဘယ်လိုရင်ဘက်ကြီးနဲ့ကျန်ရစ်ခဲ့သလဲဆိုတာ အခုညည်းလေးဝမ်းကကျွတ်တဲ့မိုချီလေးကိုလွမ်းပုံမျိုးနဲ့ပေါ့ မအေကမအေပီသတဲ့အလုပ်ကိုလုပ်မှာပဲ တီမြတ်နားလည်ပါတယ် ဒါပေမယ့်..."
တီမြတ်ကပြောမယ့်စကားကိုခဏရပ်ထားပြီး သက်ပြင်းချသည်။ ပြီးမှ...
"ကလေးကသူ့ဖအေနဲ့နေတာတစ်လလည်းပြည့်တော့မယ် သူတို့သားအဖချင်းညီညွတ်မျှတပြီးအဆင်ပြေနေတဲ့ပုံဆိုတော့ ဒီအလောင်းအစားမှာ မောင်ထွဋ်ရှူံးတော့မယ်လို့ တီမြတ်ထင်တာပဲ"
"ဖေကြီးရှူံးရင် သတင်းကလည်းသမီးလေးကိုလက်လွှတ်လိုက်ရတော့မှာမဟုတ်လားတီမြတ်ရယ်"
"အာ့တာကြောင့် တောင်ကြီးကိုလိုက်သွားတာလားပန်းလေးက"
"သမီးလေးကိုသတင်းအဆုံးရှူံးမခံနိုင်ဘူး တစ်လလည်းပြည့်မှမပြည့်သေးတာ သမီးကိုသွားတွေ့တာမဟုတ်လို့ သတင်းဘက်ကစည်းကမ်းချိုးဖောက်တာလည်းမမည်ပါဘူး"
ဖေကြီးနဲ့ဦးရှတို့အချင်းချင်းပြိုင်ဆိုင်ကြတဲ့ပွဲမှာ တကယ်တမ်းရင်ကွဲနာကျရမှာကသတင်းပဲဖြစ်လေသည်။
"ပန်းလေးကိုတီမြတ်တစ်ခုမေးချင်တယ်"
"တူဝရီးချင်းစကားပလ္လင်ခံစရာမလိုပါဘူးတီမြတ်ရယ်"
"မလိုဘူးဆိုပေမယ့် မေးဖို့မမေးဖို့ကချင့်ချိန်ရသေးတယ်လေ လူငယ်တွေမေတ္တာရေးကိုလည်းတီမြတ်ကဂဃနဏမှမသိပဲကို"
YOU ARE READING
ချစ်လို့ လွမ်းလို့ သူ့အနမ်းတွေနဲ့နေချင်လို့(Completed)
Romance[Unicode + Zawgyi] Genre: Romance, Action Total Episodes: 70 Start date: ? End date: 2.9.23 IT company ရဲ့ CEO တစ်ယောက်ဖြစ်တဲ့ စူးရှလေးနက်နဲ့... ကွန်ပျူတာတက္ကသိုလ်ကျောင်းသူ မြတ်ပန်းသတင်း... သူတို့နှစ်ယောက်ရဲ့ စတင်တွေ့ဆုံခဲ့ကတည်းကတိုက်ဆိုင်မှုတွေနဲ့...
