🔪 صديقات في الخليج 🔪
بقلم....ليالي....ندى....امونة...
#الجزء_الثاني
بارت....♡ 23♡
🚫🚫 لا يحلل النشر 🚫🚫
جمعو لبنات بسواايع حتى وصل لوقت لي غينزلو فيه لتحت...كل وحدة هزات داكشي تاعها لي خرجات معاها من لبيت.واتجهو اللاكاف ديال لوطيل وقفو ورا فرطوطو قدام باب تاع الحديد...
بوفرطوطو ... يا ختيي قلبي ما طاااوعنييش نجيبكم بيدي لهاذ الحبس اوووف 😭😭
امونة ..شووت صافي غاتفضح ديلمنا .. حنا قادين براسنا غير فتح ..
ندى .."كدور فعينيها" ناري الخلعة شاداني من دابا البنات ..
ليالي .."شادة فندى و تا هي كتقفقف و باغا تبين العكس " مناش غاتخافي اصاحبتي كاالم ..
اسراء .. غزيزة .. فتحي الباب ماعندكم مناش تخافو علاش انا هنا غير باش نحميكم....
بوفرطوطو .. اوووف ههءهءهء😥
امونة .. اللهم طولك يا رووووح ..
بوفرطوطو .. هييييح صافي بلاماتبداااي راه غير عزييتو على قلبي ههءهء ...
امونة .. عزيزة الله يرضي على ختي حلي الباب و ماتخافيش علينا معانا اسراء و الدراري كاملين ..
بوفرطوطو .."حرك رايو بتفهم" صافي صافي 😒
دق الباب ثلاث مرات و جاه صوت اجش من الداخل صوت غليض .. ماهو ديال مرا ماهو ديال راجل ..
...... ميييين
بوفرطوطو ،..."رجع لور و قلب وجهو" بسم الله رحمان الرحيم انا انا فتحي يعطيك كية ديمة فاقصاني بهاذ الصوت ..
...."حلات شباك صغير بانو منو غير عينيها لي كانو كيخلعو حجبانها غلاض و معقودين" في إيييه
بوفرطوطو... فتحي عندي الجديد ..
حلات الباب كانت مرا وماشي مرا غلبضة شوية و طويلة بمعنى اخر مگدرة .. وجهها خاسر عليه ضريبات فحناكها و حاجبها مقطع من الوسط .. شعر مكاينش محسن كوب كاغصون و دايرة كاسطيط قالباهاا اما الحوايج كانو عبارة عن سيرفيت كحلة واسعة ديال الدراري و كاط تاعسكر بقاو البنات حالين فيها فامهم و هي كطلع و تنزل فيهم و على فمها ابتسامة شيطانية ..
...... يا الف مرحب .. هاهاها جيتو لقضاااكو يا مزز ..
ندى ... هاحاااي 😱
ليالي .."زيرات على ندى" سمعتيهاااا اويلي قفرناها هاذووو جابونا لكوانطانااامو و لا شنوو ..؟
بوفرطوطو .. احم احم .. هيلك العجييب بسعي من قدامي ويييع
دفعها فرطوطو و دخل عاود شاف فالبنات لي كانو واقفات جامداات و كيشوفو فيها
فرطوطو .. هاذي سميتها "فوزية" فةزية الزوفرية ..
فوزية .. ازم حدودك يا مخنت انت 🔪😒
فرطوطو.. هييييح عرفي اش كتخرجي من فمك اداااك الزوووفري 😡😡
اسرااء .. عزيزة حبيبة غانبقاو هكذاااا ...
دخلات اسراء و تبعوها البنات لاكاف لي كي تفتحات ديك البلاصة كانت عالم اخور على عير متوقعووه....كان كاف مقسم شامبرات...وبحمامات زيادة.....كوزينة مجهزة...وميني بار....بلازمة كبيرة....ماشي بحال لفوق مي...حتى هو زوين ومقااد...محلقين عليه.....
ليالي .. "كدور فعينيها " نااااري ....داير بحال شقة مفروشة..
امونة .."كتحاول تبين القوة و هي داخلها كيرجف بالخلعة...من اش باقي كيتسناهم سيغتو ملي شافت فوزية ولا فوزي " فين بلايصنا
فوزية ..."حمرات فيهم " اتبعوووني ..
بوفرطوطو.. حياااتي عنك انتي انا غانعرفهم بالمكان و نعطيهم بلايصهم .. خليكي مرتاحة ..
فوزية .."قلباات فيه عينيها"، اممم ..
تبعوه البناتو دخلو للاول غرفة كانت كبيرة بزاااف و عامرة ناموسيات كل وحدة فيها ثلاثة تالطبقات كلها مكدسة ببنات صغار غايكونو بنات عشرين تال سبعة عام كل وحدة فاش ملاهية هالي كتصبغ ضفارها .. ها لي كتبردهم .. ها لي شادة روايات عبير .. و ها لي كتصايب شعرها ....كانو باينات عليهم قحااب بيير من طريقة لبسهم...وماكيااجهم.....شافو البنات فداك المنضر بقاو حالين فمهم كاملات ...غرزة صافي سيغتو دخان گارو وشيشة معمر المكام... اسراء بقات كدور فكاع انحاء الغرفة باش يوصلو لدراري كاع المستجدات ..
فرطوطو .."كيصفق بيديه" بنااات فتياااات اجيو عندي لهنا الحبيبااات .. يالله كولكم ..
وقفو كاع البنات لي تما كاملات قدامهم ..
فرطوطو .. القحييبات ديالي هاذو زميلاتكم فالضووومين و من دابا غايولبو زميلاتكم حتى فالسكن .. يالله رحبو ليا بالحبيبات ديالي و تهلاو ليا فيهم راهم عزازااات ..
البنات... مرحباااا 😁..
ليالي .."دورات عينيها مشافت حتى شرجم "...بانليا هاذشي بحال سجن النساا .. 😬😱..."سيغتو ملي شافت ضخامة لي واقف حدا لباب "
..... هاهاهاها علاش اكبيدة شنو كنتي مفكرة روحك جاية تحوسي
#يتبع🔥🔥
أنت تقرأ
صديقات في الخليج 2🍂مكتملة🍂
Storie d'amore💎مكتملة💎 ⛔⛔⛔⛔⛔ مسموح بالنشر مع ذكر اسم الكاتبات و الاحتفاض بالبوسط ⛔⛔⛔⛔⛔⛔ 🌹🌹كبيدااات الحبيباااااات❤❤ #بالجزء_لثااااني ديال القصة ديالنااا🌹صديقات في الخليج🌹 قراااو الشروووط مزيااالن باش تعرفووو شنو النضاام لي غانمشيو عليه حاليا حيت داكشي ديال...
