صديقات في الخليج 2🍂مكتملة🍂

🍂الجزء 156🍂

🍾 صديقات في الخليج 🍾
بقلم....ندى العمر ■...ليالي النسيم ■...غالا الروح
#الجزء_الثاني
بارت....♡ 156 ♡
🚫🚫 يحلل النشر شرط الاحتفاظ بنفس البوسط وذكر اسم الكاتبات 🚫🚫
صباح یوم جدید وهاد المره فی المغرب...فاقت فیه بطلتنااا متفائلة نوع ماا على عكس باقي الاياام لي دوزااتهم هنا من نهار جاات...ولي كاانت كتقلب فيهم على خدمةة وبحال ديما كتسمع نفس الجوااب "حتى نعيطو ليك ".....جمعاات فرااشهاا ولبيت لي خصصات ليها مها كلثووم من نهار حطات رجلها في براكتهم.. ولي كتشااركو مع اية...دورات وجهاا كتقلب عليهاا..ولقاتها خارج الغرفة لي كانت بلا باب..كتلبس سبرديلتهاا ...كانت مرتدية  وزرتها وهاازة محفظتهاا متجهةة للمدرسةة
ليالي..."خرجات من لبيت ..ودخلات الحمام كتغسل وجهاا .."....ايةة...شوفي سااعةة راه بقاا ليك عشرة دقايق ويتسد لباب...
اية..."كتاكل بزربة "...هانا اختي...راه  دغيا نوصل مبعيداش بزاف "ساست ايديها وباست ختهاا وخرجات كتجري...اما ليالي...فمشااات كبات ليهاا اتاي باش تفطر..يالله حطاتو على فمها وهي توحلهاا ليها مهاا لي جات جلسات حداها "
كلثووم...."كتمسح ايدها في جلايلها من صابون  "....فين داالحةة تااني...
ليالي..."شافت فيها ورجعات كملات ماكلتهاا"....كيف ديماا نقلب على خدمةة نجيب منهاا مامة وبابة...
كلثووم..."ربعات رجليها "....خمسطاش يوووم...ونتي غادة جاية..مزال ملقيتي هاد الخدمةة...بغيت غا نعرف ناس يولدو لولاد وانا والدة لخلا..كنتي في امارات لاش جااياا لمغرب ايوا حفي صبابطك حتى يتقطعو وشي خدمةة مغتلقااي...وعقلي عليها هاهي... "دارت علامة بدفالها في لحيط "
ليالي..."ناضت داخلة لبيتها وكتدوي "....ونتي ماالك امي...اش مشى ليك نجي ولا نجلس لهيه...ياك كل نهاار كنخلي ليك مصرووف....وممخصاكم لحتى حاجة...ايوا الله يرحم جدي مسكين الاما قطعي هاد سينتة تاع الكاسيطةة راه تشرطات بقوة معودتيها ليا من نهار جيت..😕
كلثووم..." هزات كاس اتاي شرباتو في خطرة "...دبري لمحااينك....حطي معااك شراوط لي خاصهم يتصبنوو...ندوزهم معايا من حد الماكينة خدامة...😡
ليالي..."كتلبس في حواايجهاا "...غير خليهم ..نجي وندوزهم بايدي هادشي ماشي دلاماشين ...😏
"سكتات مها ورجعات تكمل شغالها ..وليالي دارت ماكيااجهاا لي كان خفيف...هزات صااكهاا وتليفونها وخرجات لقات باها جالس على واحد الكرشي وفي ايدو جوان كيدوزو بدكة اتاي "...😒
⏬⏬⏬⏬⏬عبد الموولى...."شافيها ..ونثر نترة وخرج وراها دخاان ".....غادة تاني...
ليالي..."هزات حواجبهاا"...اش بان ليك ؟؟😬
عبد المولى....غتشرفي ابنتي ونتي على هاد لحاال ....😑
ليالي....عاجبني الوضع اباا..اجي بعداا ..شفتك مزال كدور هناا...سير وقف على البناية وشووفهم واش جابو سلعة..وحمر فيهم  يساليو خلاص..قبل ميريبو لينا الخربةة..على دماغنا اولا ...😉
عبد المولى...."لاح بقايا الكارو من ايدو ..ووقف خاشى ايدو في  حياب جلابتو "...راه ستة شهر وصرف و تكون كملات..راه عاد عيطت لطاشرون
لقيتهم جابو رملة وسيمااوغيبداو لخدمة....."بداي يحك في راسو "قبل متمشي...اري ليا باش ندير ليهم لگامييلةة..
ليالي...."خشات ايدها في صاك بنثير "...هاك اباا...وهاد المرة متبقااش تسولوني لاش خارجة نقلب على خدمة..حيت الفلوس لي جبت معايا كيبانو ليا مغيقدوونيش تا في غدا لبنايةة...يالله تهلى...
"قلبات لطريق لداخل لكارياان..."
عبد الموولى..."كيعيط عليها "...ماشي من تم الطريق . راه من هناا...
ليالي...."بالغوات "...عارفة ابا عارفة..نشوف شي حاجة ونرجع.....