لقد احببته

البـارت 1

رَدنا نَنسّى و ما نَسينا
رَدنا نَبچي و ما بِچينا
و نَعتب و نَحچي عَليمن
و ياهو يسّمَع لو حَچينا ؟ .
-------------------------
بغداد 4:33 صباحأ
كعدت على صوت المنبه باوعت للساعه بعد وكت كمت سويت ريوك ورحت ركض اكعدها
:دجله اكعدي اتاخرتي
فزت بسرعه وراحت تسبح اباوعلها بقهر وهيه تلبس ملابس ولد فزيت من صفنتي وهيه تعيط بيه
:ولجج ليش ماكعدتيني شيخلصني من الكو*** ابو احمد
: جنت اسويلج ريوك مادري حتتاخرين
دجله:باوعتلها بندم لن عطت عليها بستها براسها
:حبيبي زهوره لا زعلين مني بس تاخرت ع شغل
:عادي مازعلت
سويت شعري بيدي ولبست شماخ ولفيته؏ وجهي مامبين شي،مني بس عيوني رحت لغرفه امـَʊ̤ اشوفها نايمه بستها براسه فزت تباوعلي بعيونها ماتكدر تحجي ولا تتحرك
:يمه اني رايحه لشغل زوزه هسه تطيج ريوك وعلاجج من اجي اجيبه وياي
باوعتلي وعيونها مدمعه بستها بيدها وراسها وطلعت بعد ماوصيت زهراء ع امـَʊ̤ وع فاطمه اختيہَ الصغيره
اني دجله مواليد 1998 ابوي واخوي وتوئمي توفوو بحادث  وامي من سمعت بخبر وفاتهم نشلت وفقدت النطق عدي خوات 3 واني  اكبر وحده بيهن

زهراء موليد 1999
وفاطمه موليد 2001
ابوي صار سنتين من توفه. وامي يتيمه وماعدها اخوان اهلها متوفين وابوي مانعرف شي عن اهلها غير متبرين منه وشكد دورت عليهم بس مالكيتهم وبعد فاته اني كمت اشتغل وتعبتت هوايي يلاا لكيت الشغل طبعا لن بنيه هواي تعرضت لتحرش لاحد ما غيرت لبسي وكصيت شعري وصارت ولد اشتغلت بفرن وشتغلت بمطعم وشتغلت ابيع ماي وكلننس بل شوارع لاحد ما جيرانه رجال جبير يدري بيه اني بنيه ف كال عدي صديقي يريدله عامل
حجي صالح: بويه بس مادكرين انتِ
:ليش حجي
:يريد عامل ينكل طابوك وسميت
:هايهيه حجي موافقه اشتغل اني ادبر روحي
:هايهيه بويه
رحت اول يوم وابو احمد اشتغلني رزايل من اول يوم جان هاذ الشغل كلش صعب عليه بس تحملت ل خاطر امـي وخواتي خواتي يدرسن واني جنت 4علمي وتركت علمود الشغل وخواتي بعدهن شكد رادن يتركن ماقبلت وزهوره عمت عيني رادت تترك وتشتغل وتعاوني ماقبلت
: كملي دراستج وعوضيني بيها بتخرجج وصيري دكتوره ترفعين راسي وراس بابا
:ان شاء الله
فزيت من صفنتي ع صوت ابو احمد
( من بعد موت اخوي حسين اخذت جنسيته ولكل صار يصيحني بر البيت حسين حت خواتي)
:حسيننن وينك
:ها ابو احمد
:تعالل شيل ذني الطابوكات صعدهن فوك
:ياعليي
كوه شلتهن وصعدت خليتهن فوك وبده الشغل منا ل3 الضهر اجانه ابو البيت جابلنه غدا سفريات تمن ومرك فاصوليا ماحبها الفصولياا عفتها ع جه وكمت كملت كل الشغل لي عليه طانه ابو البيت يوميتنه 25 الف الحمدالله ورحت لصيدليا
:اسلام عليكم
: وعليكم السلام
خذت العلاج منه ب15الف وتوني افتح الباب ونردمت بواحد
:اسف خويه مادري بيك
باوعتله شماله هاذه مارد خليت وطلعت
شتريت مسواك للبيت ب5 بقت عدي 5بس
دكيت الباب فتحتلي زهوره
:الله يساعدج
:هلا بيج
:فاطمه وين
:بعدهي ماجت من المدرسه
:بيش ساعه تحل
:ب5
:بعد نص ساعه خل اسبح وروح اجيبها
دخلت لغرفه امـَʊ̤
:ها يمه الله يساعدج بستها براسها وشربتها علاج ورحت سبحت
:زهوره
:ها دجله
: راح اجيب فطوم واجي بدلي ل امـَʊ̤ وانتِ هم اطلعكم
:بس انتي توج جيتي وتعبانه خليها ع غير يوم
:لاا اليوم اطلعجن
:بس كافي زهوره خل اروح اجيب فطيم وجي
لبست ملابس حسين عمت عيني وطلعت اجيبها بعدهم ماحلن وكفت باب المدرسه اجيبها شويه وطلعن ماحس غير واحد لازمني من ايدي ويرد يصعدني بسياره باوعتله لابس عسكري
:هايي شـكوو وخرر
:ادبسززيه واكفين للبنات شعدكم
اريد افلت روحـي ماكو لزمني صعدوني بسياره وياي ولد هواي لاحد ماخذونه للمركز شويه اجه واحد ضخم كلش وطويلل باوعت لي بصفي كلنه ضعاف وصغار اذا يلزمنه بيد وحده يكسرنه فزيت من تفكيري ع صوته
-----------------
؏ـضٌَـم آلله آجَـورنآ وآجوٌركْم بـمّصّـاَب ابـــــــاعبدللّه .
الئ هنا يخلص البارت اشوفكم بارت جديد ++اسفه البارت قصير بس مشغوله هل فتره راح اعوضكم بارت طويل
ان شاء الله النشر حيصير بين يوم ويوم
احبكم هوايه 😞💗💗WajgdKohw@ لا تنسون تصوتون اذا عجبكم البارت ولاحداث لي جايه جننن وتفاصيل اكثر عن حياه دجله واهلها وهل وفاه اهلها مجرد حادث لو محاوله قتل !!!