اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
رهف.. صليت بدلت ولبست عباتي طلعت اخذت تكسي ورحت للمستشفى اشوف عمي اليل كله افكر بي ما گدرت حتى انام وصلت للمستشفى نزلت من السيارة طبيت اطيت اسمه ورحت للغرفه البيها هوة لگيت المستشفى مگلوب گلاب ولد عمه وعمامه واخوانه واصدقاء جانو گاعدين بلاستراحه رحت من ممر ثاني فتحت الباب لگيت عمي علي گاعد يمه من شافوني تفاجؤ _رهف ليش اجيتي عفته ورحت العمي مرتضى جان گاعد وشادين رجله فتحلي حضنه رحت حضنته واني ابجي _عمو ليش اجيتي ما يصير اطلعين من البيت _خفت عليك _ما بيه شي الطلقه صارت بطرف رجلي شكم يوم واصير زين بقيت بس ابجي مسح دموعي بأدي _لا تبجين يروحي هيه هاي الدنيا موت وفراك هاي قسمتج لازم ترضين بلقاسمه الله واصبرين والله يكون وياج ويصبرج گاعدة بحضنه وابجي واشهك شويه وطبو جماعته ولد عمه من شافوني طلعو اجه عمي حمزة گومني وطلعني لگيتهم واگفين عبرنه من نصهم وهوة لازم راسي بأيدة واني ابجي وداني السيارته صعد حجة _ليش اجيتي رهف _ساكته وامسح بدموعي _ما يصير اطلعين يا عمو لازم تبقين بلبيت خوش _اباوع من الجامه وهوة يحجي وياي ما اگدر احجي احس بلعومي تجرح نزلت من السيارة والناس تارسه الشارع بقيت واگفه اباوع على البيت مقفول من ذيج اليله ما طبيت اله المفروض هسه نايمين ليش هيج علي _يلا رهف طبي الشارع متروس زلم عيب اجه اخذني وطببني للبيت لگيت امه وعمته گاعدة وروحها رايحه من البجي بس تلطم على صدرها اليوم الختمه مالت علي يوم الثالث اجت الملايه وجنه گاعدين يم الملايه اني وامه وبيبيته وعمته گامت الملايه تقرة وامه وعمته يلطمه على صدرهن من كثر الطم والبجي والصريخ نزع شالي وگمت املخ بي والطم على صدري بلگوة لازمتني امي خلصت الختمه وراحت بقت نص النسوان واني گاعدة بصاله واحس روحي ما اگدر بلگوة اتنفس بس اشهگ اجت امه حضنتني وهيه تبجي
صار اليل وطخت براسي اروح للنجف صارت ب 11 لبست عباتي اخذت تلفوني وطلعت من الباب الخلفي الدلاني علي علي رحت للگراج صعدت للنجف وصلت ب 2 بليل طبيت المگبرة باوعت للسمه ضاويه والگمر كامل بنصها والجو بي نسمه بروده طبيت امشي بين الگبور وگلبي جنه ميت لا خفت ولا حسيت بشي بقيت امشي وصلت الگبر علي حضنت الگبر واني ابجي وامسح على الگبر بأيدي واحجي _علي ليش ما خذتني وياك ليش خليتني بهاي الدنيا تدري شيگولون اهلك اني فگرتك ومتت من ازوجتني كله بسببي رحت كله مني حبيبي الله ياخذني ان شاءالله اني الموتك مني السبب حطيت خدي على الگبر وابجي _گوم وگلي مسكي مشتاقتله صار هواي ما سامعتها منك گوم حاجيني گوم گلي حبيبتي شلك بلگبر يا بعد اهلي شلك بلتراب بعد وكت ما خليتني اشبع حتى من ريحتك ما خليتني اشبع منك يا گلبي وناسي وهلي
