قد تعلمت منك ثباتي
وقوة حزني وحيدا
فكم كنت يوم الطفوف وحيدا
ولم يكن اشمخ منك
وانت تدوس عليك الخيول
"السلام عليك يا ابا عبدالله الحسين"
........................................
علي.. حسيت روحي راح انفجر بوجها گمت واني كاض راسي بيدي كضيت الگلاص بأيدي مالت الماي وشمرته بلگاع
گعدت بلگاع واني كاض راسي بيدي التفتت عليها لگيتها خايفه شافتني وغطت وجها بلغطه رحت الهه
وخرت الغطه عنها وهيه تبجي گعدت يمهه واني امسح بدموعها
_لا تبجين يا حياتي اسف لان خوفتج
خذيتها الحضني
شلون راح اأمن عليج من نفسي واني بسرعه اعصب دخيلك يا علي اطيني الصبر
اجه حيدر جاب الاكل گعد يوكلها وكل ساعه تگول طلعو لا تموتون واني روحي تطلع بلگوة مصبر على نفسي حسيتها طفله ومن تحجي وياها ما تفهم
اجه اليوم نطلعه من المستشفى حجزت يم دكتور نفسي
اجيت اخذها وعمها حمزة وابوها يردون يطلعونهه وهيه گاعدة وگفتهم
_وين رايحين
حمزة.. ناخذها للبيت
_لا ما تروح وياكم راح ترجع البيتها وياي
_منو الهه من تروح للبيت بعدهه مريضه
_زين وانته ما خذها منو الهه امها الخبلتها لو اخت اني راح اخذها وياي
_گتلك ما اطيها الك
_رهف ما ترجع وياكم اله ترجع مثل قبل
اجه مقابيلي طگاني راشدي طگ خشمي دم
حجت رهف
_عممميي مو لهل درجه ما خللليتلي حتتى احترام تمد ايدك علي گدامي
اخذت الكلنس ورحت امسح بلدم بأيد وحده وهوة عينه بس عليه
الاب.. حمزة خليها تروح ويا ترتاح ابيتها اكثر واحنه راح كل واحد يوميه يجي يمها
حمزة.. راح تروح بس الخاطر اخوي لو مو هوة وعلي ادفنك هنا
اجه ابوها يگودها علمود نطلع وسحبت ايدها منه
_لا تجي يمي بابا تموت
_شنو اموت بابا شبيج
علي.. عوفها عمي هيه هاي السالفه لازگه بيها
امشي گدامنا وارتجي على الحايط
مشت گدامنه واحنه نمشي وراها ما تقبل تتقرب النه طلعنه من المستشفى وصحت عليها
_رهف صعدي بسيارتي
صعدت بسيارة وحيدر واگف رحت حاجيته بصوت ناصي
_حيدر الساعه بلاربعه العصر نروح للدكتور
_راح تبقى بيتك غير
_اي ما راح اوديها لهلك
_همزين ما اريدهه تروح لأهلي محد الهه غادي
صعدنه بسيارة اني وياها وابوها وصلنه للبيت گلت للولد ينضفونه لان صار اكثر من اربعين يوم تاركينه
طبينه للبيت گعدت بصاله بعيدة عن ابوها رحت جبت ماي لابوها والهه
اجيت اطيها الگلاص وبعدت عني حطيته بعيد عنها هيه تگوم وتاخذه گاعده صافنه وكأنها غريبه حتى شالهه ما ذبته
گعدت يم ابوها
_علي تبقى هيج شلون
_بعد شوي العصر اخذها للدكتور حجزت عندة
_وحدك
_لا انروح اني وحيدر
_خوش دير بالك عليها علي
_بعيني اخليها لا تخاف
_يالله اني خليني امشي
_وين رايح تغدة وروح
_لا اريد ارتاح
_شلقصه عمي البيت شكبرة وين ما تريد نام نام
_لا هناك مكاني ارتاح بي
_براحتك
طلع ورحت سديت الباب ورا
طبيت للصاله گاعدة على القنفه رحت يمها ابتعدت
_رهف اذا تحبيني من اجي يمج لا تبتعدين
_بس خاف تموت
_احلفلج بلخلق الكون ما راح اموت ما اثقين بيه مسكي
أنت تقرأ
جمرة الزمان
Açãoتمر الحياة بين: حلم وامنية ولا يحدث الا ماكتب الله لنا عيون تحلم وقلب يتمنى ورب كريم 🖤 سِأعٌدٍکْ وٌعٌدٍآ عٌرآقُيَآ ❤
