و كُلاََ منهم مشغول فـ همه الي نايم و الي تكلم رجلّها و الي تسولف و غيره ..
-
اليوم الثاني تحديداََ فـبيت ابو سلطان ، هدوء الصبح متعودين على صراخ مشاري و هواش ام سلطان و صوت اميره العصريه وهي تغني ، نزلو فهد و خلف للمجلس يفطرون ، ابتسم خلف وقال : رايح للشغل ؟
تنهد وقال : اي بالله
خلف : الله يقويك
فهد : شرايك نروح لهم الخميس ؟
خلف : نشوف الوضع كيف
فهد : تمام
-
و فـ جِده تحديداََ
صحو آل علي من الصبح و استغربوا ان باقي محد صحى
ام سلطان : عجيب والله للحين م صحوا؟
سالم : يجده الناس يقومون الظهر مب هالحين
وليد : الله يرزقنا ذا الجدول
ضربه سعود من ظهره وقال : نوم وبس لا صلاه ولا عباده
انفجر سالم ضحك وقال : سعود تحولت ابوي وشو
حك شعره وقال : شكلي تأثرت فيه شوي
ضحكت ام سلطان وقالت : شوي هاه
سعود : ايه شوي
نزلت نجد و ابتسمت وهي تشوف الكل متجمع : اشبكم صاحيين دا الوقت
ابتسمت اميره وقالت : والله ي حبيبتي حنا ذا وقتنا
قطبت حواجبها باستغراب : ماشاء الله دحين ؟ م كنت اعرف
ضحك سعود وقال : ايه ايه هالحين علامتس مصدومه
ابتسمت بهدوء وقالت : ولاشيء ، تبغون شاي ؟
وليد : ايه
اميره : يلا جايه معتس انا
نجد : تمام مشينا
-
فـ الشركه تحديداََ الظهر
كُل الترحيب لـ أحمد الي رجع من المستشفى و الاحضان
مُلهم : سلامات ياعين اخوك
ابتسم وقال : الله يسلمك
غيث : يلا يلا مشينا مكتبك
دخلوا كلهم مكتب احمد
نادر : انا الي رتبت المكتب اجحدها
انفجروا العيال ضحك وقال غيث : طيب حمود إذا تعبت تقدر ترجع للبيت
تنهد احمد بضيق و قال : تسمحون لي شوي ابيه اكلمه
طلعوا العيال و باقي احمد و غيث
قطب غيث حواجبه وقال : عسى ما شر ؟؟
احمد : ي الغيث والله ان اهلي م يبوني باعوني و لا سألو عني و هم يدرون ان توني طلعت م المستشفى
جلس غيث وقال : اسمع يخوك تجي عندي البيت وانا أدبر لك كلشي لا تشيل هم
ابتسم وقال : لا وين لا اضغط عليكم
غيث : والله ان تجي بعدين ترا انا و امي بس محدن غريب
زفر وقال : لعيونك بس
ابتسم وقال : ي بعد حيي
-
فـ المطبخ تحديداََ عند اميره و نجد
ابتسمت نجد وقالت : بسألِك
اميره : ويش
نجد : مين هُما خلف و فهد ؟
ابتسمت وقالت : الله يذكرهم بالخير ، خلف زوج بيان
شهقت بصدمه وضحكت : اما والله م كُنت ادري انه متزوج و عنده ولد كمان !!
ضحكت اميره وقالت : و فهد زوج ريهام
فتحت عيونها وقالت : ماشاء الله تبارك الله ، هيا ريهام حامل ؟
اميره : ايه
ابتسمت وقالت : الله يقويها , ليه م جو ؟
اميره : عندهم شغل م يقدرون
نجد : اها احكيلي عنكم و عن شخصياتكم
ضحكت اميره وقالت : جويي !!! ، من تبين اشرح لتس عنه ، ابتسمت نجد وهي تتذكر سالم الي طرى على بالها وقالت : سالم ؟ ليه احِسُه رسمي مره
ضحكت وقالت : لا ي حبيبتي وين ماهوب رسمي , والله ي طويلة العمر سلوم قبل عاش اشياء كثيره و للحين م تخطاها , قطبت حواجبها وقالت : كيف يعني اشرحي ؟
اميره : كان يحب وحده اسمها الجوهره و النصيب م انكتب له و تزوجت البنت لولد عمها وهالحين عندها بنيه
انصدمت نجد وقالت : احح ، وهوا باقي يحُبها ؟
اميره : ااا والله شوفي م ظنتي لانه نساها بس بين فتره وفتره يتذكرها يعني
نجد بحنيه : يحياتي
شهقت اميره وقالت : وشهوووو
نجد : بسم الله اشبك
اميره : منهو حياتسس
ضحكت نجد وقالت : والله زلة لسان
اميره : يلبيه لقيتسس ل سلوم والله م تروحيين
نجد : هدي ي حبيبتي تحمستي كتيير !!
ضحكت و طلعوا و هم ماسكين ترمس الشاي و الاكواب
نجد : هِنا المجلس امشي ورايا
اميره غمزت بضحك وقالت : مشينا لحياتس
نجد : بس اميره ايش دا الكلام ! لا يسمعنا احد دحين
دخلوا للمجلس ، بينما كانت تمشي نجد مشت اميره و داست رجلها بلغلط على نجد و طاحت نجد وهي ماسكه كوب القهوه و انكب عليها شهقت و طاحت دموعها بحرقه وهي تحس بحرقان على يدها من القهوه الي كانت مثل الجمر : اح ايش سويتيي ي ال حيوانه
فزو سالم و عزام بصدمه و تقدم سالم : بسم الله وش بلاتس شصاير ، فتحت اميره عيونها بصدمه وقالت : والله بلغلط !! م شفتسس والله
سالم : طيب طيب استهدي بالله ي اميره م صار شي
نجد وهي تكتم شهقاتها : ايش دا الجمر يدي راحت
طلعت اميره تجيب كريم تحطه على يد نجد و عزام يجيب مويه بارده ، تجمدت من حست ان م فيه احد الا هي و هو رفعت رأسها و طاحت عينها بعينه : اشبك
سالم : م فيني شي انتي وش فيتس
صدت تبي تقوم و سحبها من يدها وقال : اجلسي اميره بتجيب لتس مرهم ! صدت عنه و طلعت للغرفه و جت اميره وقالت : ويينهاا
سالم : دوريها قلت لها تصبر عيت تفهم البنت
طلعت اميره مسرعه و اتجهت لغرفة نجد و دخلت عندها و جلست قربها : نجد ... نجدد والله م كنت اقصد قسم بالله !! انتي تدرين مستحيل اسوي فيتس كذا !! و قدام سالم و عزام بعد !!
رفعت نجد رأسها وكان وجهها مغطى ب الدموع أشرت على يدها وقالت بصوت متذبذب : اميره يحرق تكفين ..
تنهدت اميره و اخذت يدها بهدوء و بدت تحط عليه المرهم وقالت : شويات يخف الألم لا تخافين طيب
مسحت دموعها و قالت : ابغى مويه
طلعت مسرعه و نزلت تاخذ كوب ماء و طلعت تعطيها : امسكي , انا بنزل تحت وانتي اقعدي شوي
قامت وقالت : خلاص عادي بنزل م صار شي
ابتسمت وقالت : طيب مشينا
نزلوا للصاله و جلسوا بـ على جمب مع بعض و كانو أديم و ريهام هناك ، ريهام : بسم الله شفيها بعد
نجد : احترقت ب القهوه
أديم : متى يراسي
نجد : قبل شوي و قُدام سالم و عزام اهه ي الفشله
ضربتها ريهام على كتفها : محد غريب عادي
نجد : انتي لو تشوفين وجهي حتضحكي عليا
ضحكت ريهام وقالت : عادي يخيتي عادي
أديم : وينها ام سيف مالها حس
ريهام : ولدها باقي نايم و ماتبي تخليه لحاله
طلعت اميره وهي تسمع امها تناديها و قالت نجد : بسألِك ي ريهام
ريهام : وشو
نجد : مين دي الجوهره ؟
ابتسمت وقالت : اييه جوجوو
قطبت حواجبها وقالت : ايوا مين هيا دي جوجو حقتكم
ريهام : ذي وحده من شلتنا ف الديره ليه
نجد : سِمِعت اِنُو سالم يحُبها ؟
ضربتها ريهام على راسها بخفه : اسكتي وشو يحبها كان كان خلاص البنيه تزوجت و عندها بنيه وش ذا الكلام
زفرت براحه وقالت : اها طيب
طلعت من الصاله و اتجهت للحوش تاخذ نفس و صادفت سالم هناك و صدت عنه ، قرب منها وقال : نجد ..... , فزت من سمعت صوته قريب منها وقالت : هلا ؟
زفر بهدوء وقال : يدتس فيها شي ؟
ابتسمت وقالت : لا م فيها شي
سالم : اكيد ؟
نجد : اِيوا
سالم : اي زين الحمد لله
خرج يطلع من البيت و ابتسمت داخله للصاله وهي تقول في نفسها : دحين انا مادري ايش دا الشعور هوا حُب ولا إعجاب م ادري افف ياربي
و عند سالم الي طلع من البيت يشم هواء وهو يتخيل ملامح وجهها البريئه الي اجذبته و دخلت قلبه ، م كان متوقع بيجي اليوم بيلقي الي يحلم فيها بعد الجوهره الي راحت من يدينه , ولا هو مستعد يحب نجد و يصير فيه زي م صار معه هو و الجوهره ..
-
و فـ الصاله تحديداََ
اميره : نجّودي شصار ؟
ابتسمت وقالت : ابد
اميره : ككذذاابببه ترا شفت سويلم طالع كلمتس؟
نجد : بسم الله اشبك ايوا كلمني
اميره ضحكت وقالت : يحلوكم ياخي
استحت نجد وقالت : اميره آيش دا الكلام !
اميره : اسمعي ي النجدي إذا حبيتيه عادي ترا هههههههههههههههههههههههههههههههههههههههههههههههههههههههههههههههههههه
نجد : اميييرررهه بس لو يسمعنا احد ايش بيقول دحين
اميره : عادي يعيوني محد بيقول شي انا بشوف سلوم و بعلمتس
نجد : جد ؟ يمكن باقي يحُب جوجو حقتكم
اميره : ي الوسخه لا اسمعتس تقولين يحبها تفهمين تزوجت الحرمه خلاص !
نجد : تمام تمام معليش
اميره ضحكت وقالت : انتي ذا الي شاغل بالتس؟
عضت شفايفها وقالت : ايوا والله
انفجرت اميره وقالت : اهه ي نجد
نجد : اشبك م يضحك ترا ، بعدين اميره تعرفي شي
اميره : ويش هو
نجد : مستحيل نكون لِبعض
فتحت عيونها وقالت : بعيد الشر و لييه
نجد : من كُنت صغِيره يشبِكوني انا و طارِق
شهقت اميره ب الشاي وقالت : أعوذ بالله لايكون تبينه
نجد : لااا أديم تِحُبه اساسا وانا م أبغاهُ
اميره : اشوا اشوا
-
بعـد صلاة العشاء فبيت غيث تحديداََ
ام غيث : تو م نور البيت يوليدي
ابتسم بضيق بعد مرور وقت م سمع ذي الكلمه : البقى ي خالتي
ابتسمت ام غيث وقالت : ي أحمد ي وليدي مانيب خالتك انا امك و غيث اخوك محنا غريبين
ابتسم وقال : اي والله منتم غريبين
غيث : اقلط يخوك
ام غيث : ادخلوا المجلس وانا اقول للخدمه تجيب لكم عشاء
دخلوا للمجلس
احمد : غيث تهقى العيال يزعلون لاننا طلعنا؟
غيث : م عليك كلمتهم بالقروب يدرون
احمد : اشوا ، طيب انت تبي ترجع للشركه عادي؟
غيث : لا وين يخوك قاعد معك لا تحاتي
ابتسم وقال : تمام براحتك
-
فـ الشركه تحديداََ
عند العيال متجمعين فـ مكتب النادر
نادر : عجيب أمركم وش تبون
خلف : ابد جينا نسولف
انفجروا ضحك و قال لؤي : هذا وانت المدير التنفيذي
خلف : احم نرجع الهيبه يعني
ذياب : يراسي رجعنا
مُلهم : لا يدري عنكم الغيث
ضحك نادر وقال : اي والله لا يدري
-
فـ جِده تحديدا عند البنات متجمعين اخر الليل
اميره : بجلطكم
ريهام : بسم الله وشو
اميره : يمكن نقعد شهر
شهقت بيان وقالت : وووووششششوووووو مانيب قاعده معكم شهر اقعدو لحاللكممم
ريهام : واكبدي كبداه وشو شههرر
بيان : خيير وربي م اقعد شهر بدون خليف !
ريهام : هييه ولا انا مستحيل اقعد شهر بدون الفهدي
ضحكت اميره وقالت : مالي دخل تحملوا
أديم : اكيد حيجوا اجازه كم يوم مستحيل شهر م تشوفوهم
رفعوا يدينهم يدعون لربي وقالت بيان : ااههخ يارب غيث يجيه احساس و يوافق
لفت عليها اميره بصدمه : شدخل غيث
ضربتها ريهام ع رأسها : مو هو المدير
اميره : اييه صح
نجد : مين دا غيث !
اميره : اه ي نجد
ضحكت بيان وقالت : نقدر نقول خطيبها
شهقت نجد وقالت : واوو ليه توني اعرف مبرووك
اميره : الله يبارك فيتس بس شفيكم باقي مو اكيد
ريهام : إذا م كنتي ل الغيث بتكونين ل مين ي اميره
تنهدت وقالت : ف بيتنا بكون
انفجروا البنات ضحك وقالت ريهام : ايه نجد و أديم دوركم متى هاه
اديم : م ندري
غمزت اميره وقالت : النجدي لـ سويلمم
شهقت سُميه وهي داخله : سالم اخويي؟؟
حطت نجد يدينها ع وجهها بخجل : اخخ ي اميره ليه الله يُفشلِك
سُميه : أبركها من سسااعهه والله
ابتسمت وقالت : اشبكم كدا طب يمكن هوا م يحُبني؟
طلعت اميره مسرعه اتجهت لغرفة سالم الي كان منسدح يطقطق بـ جواله و قالت : سسالللمممم
فز وقال : ابومشاري ، شبلاتس بسم الله
اميره : اسمع بقولك شي تكفى قل الصدز
قطب حاجبه وقال : ويش هو
قربت جلست قدامه وقالت : نجد
رفع عيونه بـ تعجب : شفيها
اميره : معجبه فيك البنيه
ابتسم و ضحك : هاهاها بس عاد اميروه
اميره : سالم ترا جد اتكلم ، انت تحس شي اتجاهها؟
تنهد وقال : اخاف يكون فيه و اخاف احبها و يصير زي م صار قبل اخاف اكسرها و تكسرني ي اميره مانيب مستعد للشعور ذاك والله يشهد عليي
اميره : يعني وشو الحين
سالم : والله انها فبالي من امس !
ابتسمت وقالت : يسسلووممم م علييككك ان شاء الله انهاا للكك و انت للههاا ان شاء الله , بس اقولك شي
سالم : وشو
اميره : تقول البنيه ان طارق يبيها بس هي م تبيه لان اختها تحبه و مدري وشو
سالم : ايوا بدينا يعني
طلعت و ابتسمت : م عليك خلها عليي ازهلها يولد اخوي
ضحك وقال : سكري اللمبه وراتس بنام
-
نزلت للصاله مسرعه دخلت وهي الابتسامه شاقه وجهها
ريهام : ايه شلعلم
اميره : مستعده؟
نجد : لا ابدا
اميره : والله اسمعي ي نجد يقول الولد انتس ع باله من امس بس خايف يحبتس و تطلعين م تبينه و خايف يصير فيه زي م صار قبل معه هو و جوجو
تنهدت وقالت : طيب انا كمان اخاف اخليه يتعلق فيني و بعدها طارق يُخطُبنِي
أديم : ياخي انا بعلم امي انك م تبينه خلاص
اميره : كككففوو ادووممتيي
ابتسمت وقالت : كفوكِ الطيب حبيبتي
دخلت عليهم ام سلطان بعصبيه وقالت : نامو ناموو جعلكم مانيب قاييللهه
اميره : ييمهه
ام سلطان : نااميي انتم م ينفع معكم الا مشارييي
ريهام : يمه يمه بهج انا بايي
هربوا كل وحده غرفتها و باقي اميره و نجد ابتسمت اميره وقالت : بروح انا بتروحين انتي ولا وشو؟
نجد : مالي خلق انام ودي اروح البقاله
اميره : يلبيه جووييي
نجد : بس مع مين مستحيل نروح لحالنا
اميره : اصبر بشوف سلوم ولا وليد
نجد : طيب اسرعي
طلعت مسرعه لغرفة العيال و لقتهم كلهم نايمين و كانت اخر غرفه وهي غرفة سالم دخلت و شافته صاحي زفرت بتعب ودخلت : اههخ احسبك نمتت قلبي طاح
سالم : توني كنت بنام وش فيتس بعد
اميره : تكفى سلوم تكفى طلبتك طلبه تهز الرياجيل
قام وقال : اسللمم
ابتسمت وقالت : نبيك تروح معنا البقاله شوي تكفى
سالم : يمال الوجع ذي اخرتها
اميره : تكفى تبيني اطلع لحالي بدون احد ؟
سالم : تعقبين امشي قدامي بلبس ثوبي و جايتس
نزلت وهي مستانسه
نجد : هاه مين قام
اميره : سلوومم
توترت وقالت : م في الا هوا يعني
اميره : قولي الحمدلله ترا كلهم سعود و وليد نايمين و مستحيل اروح لـ طارق و عزام شدخل امي فيهم تبين مشاري يشوتني من البيت وشو
نجد : عزام اخوي مب ف البيت اصلا و طارق محد يبيه
اميره : اشوا فهمتي
نزل سالم مسرع وهو يسكر ازرار ثوبه و قال : مشينا
اميره : ثواني بس
رفع راسه وقال : ويش بعد
اميره : اصبر ياخي البنت بتجي
قطب حاجبه وقال : وشو بنته بعد
ضحكت وقالت : يولد اصبر نجد راحت تشرب مويه و بتجي
ابتسم وقال : اي زين بسرعه انتظر برا
بعد م خلصوا طلعوا اميره و نجد و كان سالم معطيهم ظهره و يغني بهدوء :
مبسمك برقََ كشف شالك
اتلوح لي و الولي يرعاك
وانا اتحراك و ابرالك
ي جعل من لامني يفداك
ابتسمت اميره وقالت : الله الله
ابتسم بـ احراج و لف عليها : مشينا مشينا
اميره : مشي ولا سياره
سالم : مشي نفداس
اميره : اف لييه مالي خلق
نجد : اشبك رياضه
سالم بنبره حاده : امشي اخلصي عليي ترا مصدع
تقدموا نجد و أديم و هو وراءهم
دخلوا للبقاله يشترون و طلعوا وكان سالم منتظر برا
اميره : خلصصنا
سالم : زين قدامي مشينا
م كملوا طريق الا و يسمعون صوت الكلاب حولهم
انسحبت اميره و هي ماسكه كتف سالم بقوه : يمه سلوم وش ذاا
سالم : وش شايفتن انتي
نجد : من فين جوو دول كمان
سالم : وش بلاكم م راح ياكلوكم
نجد : ي سالم شوف كيف قريبين ايش دا يمه
اميره : سالمم
زفر سالم ب عصبيه وقال : امشوا قدامي انتم إذا خفتوا بيجوو كملوا طريق عادي
انسحبوا و كملوا طريق و كان فيه واحد يركض اتجاههم
شهقت نجد برعب : ييمهه
اميره : اههخ جتني دوخه وربي
انسحبت نجد خلف ظهر سالم برعب وقالت : والله م امشي خليه يوخر أعوذ بالله
سالم : يقلع ام الحاله امشوا وانتم ساكتين
مد يدينه الثنتين و مسكت اميره يده اليمين برعب و كانت نجد في حالة صدمه و م قدرت تحط يدها
سالم : اخلصي تبين ولا كملي الطريق م عليتس شي
قربت و مدت يدها بـخوف : طيب بسرعه بسرعه
دقايق و وصلوا للبيت
اميره : اخخييراا وش ذا وربي فلم رعب اهخ
نجد : اول مره يصير زي كدا وربي ايش دا
دخل سالم للمجلس و دخلوا البنات الصاله
اميره : يحرام شرايتس نخلي سلوم ياكل معنا اندومي حرام خذانا اخرتها ماله مقابل هههههههههههههههههههههههههههههههههههههههههههههههههههههههههههههههههه
نجد : مدري عاد
اميره : طيب جايه بحطها ف النار روحي اسأليه
زفرت وتقدمت للمجلس ابتسمت وقالت بهدوء : يسالم
فز و لف على صوتها الي خطف مخه : لبيه ؟
نجد : تِبغى معنا إِندومي
ابتسم وقال : ابد ب العافيه عليكم
نجد : طيب براحتك الله يعافيك
بغت تطلع و مسكها من يدها من وراء : اسمعي طيب
قطبت حواجبها وقالت : اشبك
سحبها داخل و قفل الباب وقال : نجد والله ابي اقولتس بس مانيب قاادر
زفرت بهدوء وقالت : سالم إِنت تعرف انو انا كمان و اميره اتوقع قالت لك صح ؟
ابتسم وقال : ايه صح بس انا ابي اتأكد منتس انتي مهوب من اميره و غيرها
ابتسمت بهدوء و توتر وقالت : انا م ادري لين دحين ايش هوا دا الشعور ي سالم لا نستعجل
لف ظهره وتنهد : ان كنتي تبين طارق قوليها هالحين
شهقت وقالت : هعطيك كفف م ابغااهُ ايش دداا الحكي
عض شفايفه بحرقان وقال : ي نجد م ابي اتعلق فيتس و يصير الي انتي خابره به !! ولا ابيتس تتعلقين فيني و يجي طارق ياخذتس
نجد : خلاص بروح ل اميره يصير خير لين بعدين
سالم : طيب لحظه
نجد : ايش
سالم : اشوف يدك
رفعت يدها وقالت : شوفها
قرب وقال : توجعتس ؟
نجد : شويه
سالم : طيب حطي عليه مرهم قبل لا تنامين
ابتسمت وقالت : ان شاء الله
-
اليوم الثاني من الصبح تحديداََ ف جِده
ام فهد : سالللمممم
اديم : ي عمه سالم نايم
سعود : وش فيتس يمه من الصبح تصارخين تقلبين ابوي وشو
نجد : ايش فييي ليش كُل دا
نزل سالم على ثوبه الاسود الي كان مجمله و محليه : هااااه يمه هااه كنت اللبسسس
ابتسمت نجد وهي تشوفه نازل
ام فهد : بترجع للديره
تجمد ف الدرج وقال : ليه عسى ما شر
ام فهد : رح اقعد مع الفهد و خلف و خذ معاك سعود
سعود : قدددام
وليد : وجع ان شاء الله وجع
نجد : ليه ليه ايش فيي
سالم : منجدس يمه ؟
م حسوا الا بدخول فهد و ابتسموا كلهم بفرح : يالله حيه
فهد : تبقون ، سلوم اركب جايك
ام فهد : شخبارك يمه
فهد : الحمدلله يمه بخير ، وينهي ريهام
ام فهد : نايمه اطلع لها
طلع وهو يسابق خطواته بشوق لها دخل بهدوء و ابتسم من شافها متكوره بـ السرير و نايمه قرب من السرير و باس رأسها بقوه ، فزت بخوف فتحت عيونها و انصدمت من شافت فهد قدامها ضمته بدون م تحس : فههددد وش جااببكك متى و شلوننن و كييفف
ابتسم وهو يشد عليها : ي عيون فهد انتي ، جيت اخذ سالم للديره و قلت انزل لتس مره وحده
تنهدت بضيق : رايح يعني
فهد : ما بـ اليد حيله
شدت عليه بقوه نزلت دموعها بشوق بعد مرور يومين : اهه لو تدري النومه م تحلى الا بحضنك
تنهد وقال : شخبارس ، باقي تحسين بألم؟
زفرت بهدوء وقالت : الحمدلله ، شوي
فهد : طيب ان حسيتي بشي علطول تقولين لأمي و بعدها تدقين عليي لو اني ب الشغل طيب !!
ابتسمت وقالت : ان شاء الله ، انت شخبارك
فهد : بدونس وشلون بكون
ريهام : نتحمل وش ورانا
م حس الا بصوت امه وقال : يلا يعيونه بمشي توصين
تنهدت وقالت : انتبه لك من الطريق
قرب باسها على خدها وقال : ابشري وانتي بعد
-
نزل و صادف الكل تحت
عبست بيان بملامحها : ليه خلف م جاء
فهد : والله م لحقت اقوله نايم الولد
اميره : ي جعله عافيه عليييه
ام فهد : يلا سالم امشي مع اخوك و انتبهوا لنفسكم و وصلوا سلامنا ل خليفان
فهد : يوصل ان شاء الله
سالم : صبرك ي ارض ، توصون شي؟؟
ابتسموا كلهم وقالت نجد بهدوء : انتبه لك
ابتسم وقال : ابشري / وانتي بعد نفداس
-
بعد صلاة المغرب تحديدا ف جِده
عند البنات ب الصاله
ريهام : بيون وش فيتس متضايقه من اليوم
بيان : خلف لا يرد ولا يدق يسأل مختفي اليوم
اميره : يحياتي طيب انتي تدرين انه مشغول م يطلع الا الفجر وش تبين يسوي يعني و خويه مسوي حادث
نجد : دُقي عليه من جديد طيب
اخذت جوالها و دقت من جديد لاكن المفاجاه رد عليها احد آخر : حالياََ المدير خلف غير متواجد
ارتعبت من سمعت صوت البنت وقالت : ويينه وينه طيب
السكرتيره : حالياََ عندهم اجتماع و ...
قاطعتها بيان وقالت : جواله وش يسوي معتسسسس
السكرتيره : جوالاتهم كلهم برا و مقفله وانتي صار لك ساعه تدقين رديت اقولك
بيان : من انتي منن
السكرتيره : انا سكرتيرة المدير العام النادر
زفرت ب عصبيه و قفلت الخط
ريهام : شصصار
بيان : ردت سكرتيرة النادر مدري شسمه ذا
اميره : شقالت طيب
بيان : عندهم اجتماع ذلحين
دقايق و رجع جوالها يدق من خلف تحديداََ قفلت الخط وهي معصبه و اعصابها على جمر
ريهام : للييييه كان رديتي
بيان : مابي خله يولي
ريهام : طيب علمتيه على طاري الحمل؟
شهقت اميره وقالت : من متىىىى ي وسخهه
بيان : هدديي محد يدري تراا
سُميه : يراسي راساه من متى
بيان : امس طول اليوم وانا بطني يعورني رحنا انا و ريهام للمستشفى مع سعود و هذا الي صار
اميره : مبروك ي بعد حيي ، خليف يدري؟
بيان : لاا بعدين بعلمه محد يدري الا ريهام و خالتي بس
سُميه : اها حلوو حلو
دق جوال اميره و فزت تناظر وكان ( خلييف ) ردت علطول و حطت سبيكر : ارحبي اميرتيي
ابتسمت بِحُب وقالت : البقى ي بعدي
خلف : وش اخبارس وش علومتس
اميره : الحمدلله تمام
خلف : شخبار امي و جدتي
اميره : كلنا بخير الحمد لله
خلف : وينهي ده..
قاطعته و ضحكت : دهر قلبك زعلانه
رفع حواجبه بصدمه وقال : يعقب من يزعل ام سيفف
ضحكت سُميه وقالت : انت مزعلها
خلف : افا ي ذا العلم انا ازعلها ليه وش سويت ، بعدين ي اميره ربي يهداس حاطه سبيكر ليه
أشرت بيان بمعنى ( لا تردين )
اميره : محد موجود عادي عادي
خلف : طيب وينهي ذلحين
اميره : ف غرفتها
خلف : ييوه خلها ترد طيب ارسل و أدق م ترد كنت ف اجتماع تونا مخلصين
اميره : م بترضى الا اذا جيت
ضحك بسخريه وقال : اجي وشو جعلني فداس شغل
نزلت دموع بيان وهي تحس انه بيمر شهر و م راح يجي
اميره : خللففف افف يعني ترضى تزعللههااا
تنهد وقال بصوت عالي : ابن ابويي والله م ارضى تزعل الدنيا ولا تزعل دههر قلبي ، وش اسوي انا طيب م عندي حل يعني اهرب من الشركه وش تبون انتم
ضحكت نجد وقالت : صح كلامُه
انصدم خلف من سمع صوت غريب عليه : ابو سيف ابوه
عضت شفايفها بحرقه و قالت اميره : سكب سكب سو نفسك م سمعت شي والله تصيدك ام سيف
ضحك وقال : هو في احد فبالي غيرها جعلني فداها ، روحي لها عطيني ياها
مدت اميره الجوال لها و طلعت بيان من الصاله للحوش مسحت خشمها وقالت : هاه
ابتسم وحس ان روحه رجعت : ي مرحبا بدهر قلبي
ليه ذا الصوت ليه جعلني فداس انا مزعلتس ف وشو
نزلت دموعها وهي تخفي شوقها له : وش تبي هالحين
تنهد بضيق وهو يسمعها : وش فيتس قولي
بيان : انت الي وش فيك م ترد ولا تسأل و جوالك عند سكرتيره خيرر ان شاء الله
خلف : افا ذا الي مزعلتس ، والله كنت ف اجتماع و كلنا جوالاتنا مع السكرتيره لانه اجتماع مهم ولا يبون ازعاج بعدين انتي تدرين انه لو م دقيت يعني مشغول
بيان : تمام يلا مع السلامه
تنهد وقال : اشتقت لتس طيب
حست بقلبها يدق بسرعه و دموعها تنزل ورا بعض : مو كثري ي الخلف ولا كثر سيف الي من اليوم يناديك
دخلت للصاله و رجعت جوال اميره : هاه خلصتوا
خلف : ويين علامهاا راحت
اميره : مدري رجعت الجوال
قفل خلف الخط و حلف انه يروح و يراضيها بنفسه دق على غيث : أرحب مليون
غيث : البقى يخوك امر
خلف : غيث طلبتك باخذ اذن كم ساعه بروح لعند الأهل
غيث : ضروري ؟
خلف : شف انا مدري اذا ضروري ولا بس اذا تسمح لي يعني قلت لك كم ساعه و راجع
ابتسم وقال : حفظك الله و قل للباقي إذا يبون اذن هاليوم مسموح لهم اقل شي ساعتين و يرجعون
خلف : ي لبى والله عينك
رجع للبيت مسرع و دخل للغرفه تروش ع السريع و لبس ثوبه الاسود الي يبين هيبته و رزانته و لف العصبه ع راسه و لبس ساعته و تعطر بعطره و نزل مسرع
سالم : وين وين
خلف : رايح شويات
طلع مسرع و ركب للسياره و اتجه طيران ل جِده
بعد ساعات من وصوله دخل و كان البيت هدوء دق باب الصاله و فتحت له نجد الباب : تفضل
خلف : نادي لي اميره
طلعت نجد ركض تنادي اميره و نزلت اميره بكل سرعه نطت ف حضنه : اههخ اشتقنا ياخيي
ابتسم وقال : ي بعدي ي اميرتي , وينها
اميره : فوق غرفتها ع اليسار
خلف : تمام
طلع مسرع لغرفتها و دق الباب مرتين دخل بهدوء و شافها جالسه و سيف بحضنها ابتسم جلس ف الكرسي يتاملها و تنهد وهو يسمع تنهيداتها و شهقاتها الي تحاول تكتمهم قرب و جلس جمبها و حط يده على يدها : ليه تبتسين ليه تحرقين قلبي
فزت مصدومه مو مستوعبه ان خلف جمبها شدت على يده وقالت بصوت متذبذب : ي جعلني م احرقه
اخذها على حضنه وقال : انا مزعلس ليه ي دهر قلبي ليه عشاني م رديت عليتس وانا قلت لتس اني ف اجتماع مهم ولا عشان سكرتيره م تستاهل دمعه منس
بيان : انت تدري ي خلف
خلف : ي بيان والله اني ماخذ طريق من الديره لين هنا عشانس بس م ابيتس تتضايقين وانا مب موجود
مسحت دموعها و قامت تحط سيف على السرير و شغلت اللمبه ، تقدم حولها و حط كف يدينه على وجهها يمسح دموعها وقال : لا تنزل دمعه منس تكفين ي بيان والله قلبي يحترق وانا اشوفهم
بيان : طط...
قاطعها وهو يبوسها على مبسمها يحاول يكسر كل الحزن الي صار : لا تقولين شي هالحين انا جيت اراضيتس وانتي قولي لي رضيتي او لا
زفرت بهدوء وقالت : والله من شفتك وانا راضيه
ابتسم وهو يحاوطها : يشهد الله ان ذي اليومين كأنها عامين والله اني مشتاق لتس ي البيان لو تدرين
ابتسمت وهي تضمه و تشد عليه : مو كثري والله
تنهد وهو يقول :
ي جعلني م اذوق حزنتس ولا ابكيتس
و ياجعلني م اشوف غيرتس بعيني
انتي الوحيده الي من الناس اغليتس
متساويه مابين رمشي و عيني
ابتسمت وقالت : صح لسانك يحبيبي
ابتسم وقال : صح بدنس ي دهر قلبه
زفرت بهدوء و جلست على الكرسي : بتقعد ؟
تنهد و جلس جمبها وحط رأسها على صدره وقال : لا والله مانيب قاعد قلت ل غيث بسلم عليكم شويات و راجع وراي مليون شغله
تنهدت بضيقه وقالت : ليه كان قلت له اقل شي يوم كان ! والله م يكفيي ربع ساعه على ذا الوقت
باس رأسها بقوه وقال : تحملي لين الخميس
رفعت عيونها بصدمه : بتجييي الخميس؟
ابتسم وقال : بحاول اجي و اقعد لين السبت
بيان : اييه تكفى ، والله الود ودي اجي معك هالحين
ضحك وقال : اعترفي م قدرتي ٣ ايام بدوني
ابتسمت وقالت : ايه ليه اكذب عليك والله م قدرت
ابتسم من سمع صوت سيف الي ينادي ( مم..ماما )
قرب حوله و أخذه لحضنه و هو يبوس فيه : ي عين امك انت والله ي اني مشتاق لهه ب الحييل
ابتسمت وهي تشوفه ماسك سيف على حضنه و قالت : أقعد طيب بقولك الحين قبل لا تروح
ابتسم وسيف ف حضنه قرب يوقف جمبها وقال : قولي
بيان : انا حاامل
فتح عيونه بصدمه و حط سيف على الكرسي : كذاببهه
ضحكت وقالت : الا بالله ليه اكذب
ابتسم و ضمها بقوه وهو مو قادر يوصف فرحته : لييه م علمتيني طيببب ومن متىى
بيان : يوه بشويش طيب ، من امس و م كنت ناويه اعلمك الا اذا كنا ف الديره بس جيت و قلت لك
باسها على غمازتها الي تقتله و ابتسم : فيه احد يدري؟
بيان : ايه خالتي و ريهام و اميره و سُميه
انصدم و ضحك : افا وانا اخر واحد !!
ضحكت وقالت : للأسف والله
ابتسم وقال : م عليه الحمدلله يارب ، ناقصتس شي؟
زفرت وقالت : ايه
خلف : وشو
ضحكت وقالت : انت
ضحك وقال : وانا ناقصني انتي ي بعد هالقلب
ابتسمت وقالت : انتبه لنفسك و دق لا تسحب علي
ابتسم ومسك يدينها يبوسهم وقال : وانتي مو تزعلين إذا م رديت
شدت على يده وقالت : و جوالك مو يكون مع سكرتيرة خويك تفهم !
ضحك وقال : ابشري تامرين شي ثاني غيره؟
ابتسمت وقالت : سلامتك
ابتسم و نزل مسرع من الدرج يدور على امه : وين أمي
ام فهد : امك و خالتي طلعوا من شوي يقضون الاغراض
زفر وقال : م لحقت عليهم
طلع مسعود و لمحه و انصدم : خخللييفييي
ابتسم خلف و ضمه بقوه : ي مرحبا في ذمتي
سعود : م تدري الشووققق
ابتسم وقال : والله ادري ي بعد حيي شنسوي الأشغال
سعود : عسى ما شر ليه جاي
ضحك وقال : نراضي دهر قلبي
ضحك وقال : ي حليلك
ابتسمت نجد وقالت لاميره : احِسُه محبوب دا الخلف
اميره : لا تحسين تأكدي لان حرفيا هو روح البيت
تنهدت وقالت : طب ايش صار على سالم
ضحكت وقالت : تعالي ندق عليه
دقت عليه ووو ...
-
يُتبع
-
( ارحبوا ي شيّوخ قلبي شحالكم عساكم بخير وصحة وسلامة ، معليش والله اختفيت فتره بس الظروف و غيره حاولت أطول البارت و هذا الي قدرت عليه لنا لقاء آخر شدوا دمعكم ي شيوخي عشان نكمل مع بعض 💗. )
تيك : al_qah5
أنت تقرأ
كل الامان في حُبك وكل الاماني قربك
Randomرواية كل الامان في حُبك وكل الاماني قربك للكاتبة : رهف القحطاني ✍🏻 - ثاني إنطلاقه لي 🤎. - ترقبوا معنا الروايه ✨.
