#الفصل27#
بمجرد أن سمع قاسم صوت الشجار قال/هو ايه الصوت ده،ايه اللي بيحصل .
مراد/ده تلاقي جماعة بيتخانقوا،بس ده شئ طبيعي هنا...،عادي.
قاسم/بس واضح من الصوت ان الموضوع كبير.
مراد/والله تلاقي السبب تافه وهما اللي كبروا الموضوع.
جلال/ماتشغلش بالك بيهم ياقاسم،شوية كده وهيسكتوا.
مراد/أه سيبك منهم...كنا بنقول ايه بقي.
أكمل مراد وجلال حديثهم ولكن تركيز قاسم لم يكن معهم،وكان ينصت ويستمع للشجار الذي يحدث في الخلف.
في نفس الوقت اشتدت الشجار بين الطرفين،وكان طرف فايز متفوق علي الطرف الآخر في العدد والقوة،ولكن سرعان ما انقلبت الموازين بسبب انضمام ثلاث شباب أخرين في طرف ذلك الرجل،فأصبح فايز ومن معه في موقف صعب،وعندما أدرك جاسر موقفهم،قرر الهرب وأسرع قائلا/أنا هروح أطلب المساعدة،ذهب جاسر وبعده بثواني فقط تبعه فاروق،بقي فايز وكامل واياد ثابتين ولم يتوقف أي حد فيهم،واستمر الشجار بين الطرفين،وفي لحظة ودون ادراك من الجميع أمسك ذلك الرجل زجاجة وكاد أن يضرب بها فايز،ولكن شخص ما أمسك يده في اللحظة الاخيرة ومنعه من ضرب فايز بها،وتوقف الجميع عن الشجار في هذه اللحظة.
في نفس الوقت الذي كان فيه جلال ومراد يتحدثون،وعندما التفتوا إلي قاسم لم يجدوه،فنظروا كلاهما الي بعضهما للحظات،ولاحظوا اختفاء صوت الشجار،فابتسم مراد ابتسامة غريبة ثم قال/مفيش صوت...يبقي راح.
جلال/طب احنا قاعدين ليه،يلا تعالي.
ذهبا كلاهما بسرعة الي مكان الشجار،الذي كان قد توقف عندما أمسك قاسم يد الرجل قبل أن يضرب بها فايز،الذي تفاجئ عندما رأي قاسم أمامه وقال/قاسم...
اخذ قاسم الزجاجة من الرجل وهو يقول/(بهدوء)غلط،غلط إنك عايز تغدر بحد من ضهره،دي مش رجولة ولا شهامة منك.
فايز لقاسم/ايه اللي جابك،انت بتراقبني.
وقبل أن يرد قاسم جاء مراد وجلال وعندما رأي فايز مراد تفاجأ وقال/مراد!
مراد/فايز...،هو انتوا اللي بتتخانقوا .
كامل/أه.
ثم قال جلال لمراد بصوت منخفض/هو ده فايز...
مراد/أه هو،أخو قاسم.
ثم قال الرجل لقاسم/هو ايه اللي بيحصل هنا بقي،وانت مين ياشبح.
قاسم(بهدوء)/مش مهم انا مين،مش مهم انا خالص....،المهم انت...،عايز ايه،وايه اللي حصل خلاكو تتخانقوا كده.
الرجل/الافندم دلق عليا العصير وهو معدي،وبهدلي القميص.
فايز(بغضب)/واعتذرتلك وقلتلك انه ماكنش قصدي.
أنت تقرأ
ماضي الإخوة (جاري تعديل السرد)
Narrativa generaleنشاؤا معاً،وعاشوا في المنزل ذاته،ولكن رغم تقارب المسافات بين الأجساد كانت هناك مئات الكيلومترات بين القلوب... إلا أن حدث شيئ جعل أجسادهم تبتعد كما قلوبهم تماماً... وعندما يعود الزمن ليجمعهم ثانية كانت قد ماتت مشاعرهما تجاه بعضهما،وأصبح البرود هو الس...
