رواية " حرب بدون الراء " الجزء الأول ✨ ✓

الحلقة الاولى

@Rahma_Reda ( جميع الحقوق محفوظة للكاتبة )

- سليم... يا سليييم
فتح عينيه باستغراب لقي امه قاعده جنبه و بتبصله بطريقه غريبه...
" سليم " باستغراب قام اتعدل و اتفاجأ انه نام بهدومه:- خير يا امى فى ايه؟
" فريال " بابتسامة بلهاء:- حلوه؟
" سليم " بصلها باستغراب و تعجب:- هى مين؟!
" فريال " بابتسامة:- اللى كنت بتحلم بيها
" سليم " كشر باندهاش:- بحلم بيها؟! هى مين اللى كنت بحلم بيها؟ انا محلمتش بحد
" فريال " ياا واااد، عليا انا بردو؟
" سليم " هههههههههه ياا الله منك يا فوفا انتى ليه محسسانى انى بحب من وراكى مثلا؟
" فريال " مثلا ! يعنى مفيش واحده كده و لا كده؟
" سليم " بابتسامة:- اطمنى حبيبتي مفيش

@Rahma_Reda ( جميع الحقوق محفوظة للكاتبة )

جه يقوم شدته و قعدته تانى...
" سليم " ايه تاانى؟
" فريال " انت هتستعبط عليا يا واد انت؟ ده انا دخلت عليك لقيتك نايم و ابتسامتك من الودن للودن لا و منسجم اوى و اصحى فيك مبتصحاش
" سليم " حط ايده على خده و بصلها بابتسامة، بيحاول يفتكر ايه اصلا اللى كان بيحلم بيه بس مش فاكر
" فريال " بصت فى عيونه بتشفى :- سليم !
" سليم " مفيش حد، و حياتك انتى مفيش حد و خليكى متأكده ان لما يبقي في انا هاجى من نفسي و احكيلك
" فريال " قوست شفايفها بزعل طفولى:- طب و هيبقي في امتى عاوزه اعرف؟ معقول مفيش ولا واحده دخلت قلبك و شدتك ليها؟
" سليم " و انتى عارفه ان ابنك من النوع ده؟
" فريال " يا ابنى عاوزه افرح بيك و اشيل عيالك، عاوزه افرح يا نااااس الله !
" سليم " بضحك:- حاضر حااااضر، الساعه 8 يدوب الحق اخد شاور و اجهز علشان انزل عندى اجتماع مهم هيبدأ كمان ساعه، ممكن تسيبينى اجهز نفسي !
" فريال " ماشي قوم و انا هنزل اشوف الفطار
دخل جهز و هى طلعت و واخده السلم كله دعا...
" مصطفى " كان تحت و سامعها:- فريال ! بتدعى على مين؟
" فريال " بدعى لإبنك ابو دماغ ناشفه اللى مش عايزنى افرح بيه
" مصطفى " ابتسم على كلامها:- ما تسيبه براحته ده لسه يدوب راجع من غيبه خمس سنين امبارح
" فريال " انا عارفه انه شبهك يا مصطفى و هينشف ريقي
مصطفى ضحك و هى كملت دعا.....

@Rahma_Reda ( جميع الحقوق محفوظه للكاتبة)

ستوووووووب.....

خلونا نتعرف على ابطالنا...
سليم نصار 30 سنه
خريج هندسة University of Minnesota
( جامعة مينيسوتا الأمريكيه )
باختصار فيه مواصفات الشاب اللى بتحلم بيه اى بنت من طول و جسم رياضي، عيون بلون غابات الزيتون.. بشره بيضاء.. شعر بنى... اخد جمال فريال والدته و ذكاء و هدوء و حكمة مصطفى والده.. عقله يوزن بلد..

فريال السمنودى والدة سليم 51 سنه، من عائلة عريقة و معروفه ليها اسمها فى الشرقيه.. بتتميز بجمالها اللى بالرغم من سنها ده الا انها مازالت محتفظه بيه و برشاقتها و انوثتها...

مصطفى نصار والد سليم 60 سنه، مالك اكبر سلسلة شركات فى الشرق الاوسط، له اسمه و وزنه...
يتميز بحكمته و ذكائه الحاد...