Chapter 155
ယွမ်ချန်ရှန့် ယွမ်ရှင်းကျဲအားခေါ်လိုက်ပြီး ချိတ်ဆက်မိသွားချိန်တွင် သူ၏မျက်နှာပေါ်၌ အပြုံးတစ်ပွင့်ဖြစ်ပေါ်နေကာ မေးလိုက်မည်အပြုတွင် ဆက်သွယ်မှုကိုလက်ခံလိုက်သူမှာ ယွမ်ရှင်းကျဲမဟုတ်သည်ကိုရှာတွေ့သွားခဲ့သည်။
" ဟယ်လို ရှင်းကျဲရဲ့လက်ထောက် ယူဂျင်းပါ…" မျက်နှာပြင်၏အခြားတစ်ဖက်ရှိကောင်လေးတစ်ယောက်မှ ဖြေကြားလာခဲ့ပြီး " ကိစ္စတစ်ခုခုရှိလို့လား…"
ထိုအချိန်များတွင် ယွမ်ရှင်းကျဲဆီသို့ ရောက်လာမည့် မရင်းနှီးသည့် ဆက်သွယ်ရေးနံပါတ်များမှာ ယူဂျင်းထံသို့ လွှဲပြောင်းပေးမည်ဖြစ်သည်။
" လက်ထောက်လား.. ရှင်းကျဲက လက်ထောက်တောင်ရှိနေပြီလား.." ယွမ်ချန်ရှန့် အံ့ဩသွားကာ မေးလိုက်ပြီးနောက် သူ၏မျက်နှာအမူအရာကို ပြန်တည်လိုက်ကာ ဆက်ပြောလာခဲ့သည်။
" ငါကယွမ်ရှင်းကျဲရဲ့ အဖေ ယွမ်ချန်ရှန့်ပဲ…သူ့ကို နည်းပညာပူးပေါင်းမှုနဲ့ပတ်သက်ပြီး မိသားစုနဲ့အမြန်ဆုံးလာဆွေးနွေးဖို့ပြောလိုက်ပါ…"
ယူဂျင်း ယွမ်ချန်ရှန့်အား အပြုံးပင်မပါသည့် မျက်နှာတည်တည်ဖြင့် ကြည့်ကာ ပြောလိုက်လေသည်။
" ယွမ်ချန်ရှန့် ခင်ဗျားက သောက်တလွဲတွေတွေးနေတာပဲ…"
ကြောင်အသွားရသဖြင့် ယွမ်ချန်ရှန့်သတိပြန်ဝင်ရန် အချိန်ခဏကြာ လိုအပ်သွားခဲ့သည်။ထို့နောက် အလွန်စိတ်တိုလွန်းရသောကြောင့် သူ၏နားရွက်များပင် နီမြန်းလာကာ ဒေါသတကြီးပြောလိုက်လေသည်။
" မင်းလို လက်ထောက်လောက်အဆင့်က ဘယ်လိုတောင် ပြောရဲရတာလဲ…ငါက သူ့အဖေကွ ဒီနေ့လိုနည်းပညာတွေထုတ်ဖော်လာနိုင်တဲ့အထိ ကျွေးမွေးစောင့်ရှောက်လာတဲ့ သူ့အဖေကွ…"
" ကျွန်တော်တောင်းပန်ပါတယ် လူကြီးမင်းယွမ်.." ယူဂျင်းအလျင်အမြန် ယဉ်ယဉ်ကျေးကျေးတောင်းပန်လိုက်သည်။
"ရှင်းကျဲက ဒီလိုပြောဖို့ တောင်းဆိုထားလို့ပါ…'
ယွမ်ချန်ရှန့်၏မျက်လုံးများမှာ ရှော့ရနေမှုကြောင့် ပြူးကျယ်သွားကာ သူယုံပင် မယုံကြည်နိုင်တော့ဘဲ " ဘာပြောတယ် "
YOU ARE READING
အိုမီဂါအဖြစ် ကူးပြောင်းပြီးနောက် ပွဲဆူသွားရပြီ ( BL ) (Completed)
FantasyDescription မရေးတော့ဘူနော်။ရေးရင် တင်မရတော့လို့။ IQ team ထံမှ တစ်ဆင့်ပြန်တင်ပြီးဖော်ပြဖို့ ခွင့်ပြုချက်ရပြီးသားပါရှင့်။ဒီစာစဥ်လေးက IQ team အပိုင်ဖြစ်ပြီး ဘာသာပြန်သူတွေကလည်း IQ team က မင်မင်တွေပဲဖြစ်ပါကြောင်း နဲ့ ဒီစာစဥ်ကို အဇူး မပိုင်ပါဘူးဆိုတဲ့အကြေ...
