#الفصل 28#
بمجرد ان دخل قاسم الغرفة،قال له فايز/كويس إنك جيت،لان كنت هناديلك.
قاسم/أنا عارف انت عايز تقول ايه،وعلشان كده لازم تعرف إني مش ندمان علي حاجة،ولو اتكرر الموقف ده بدل المرة مليون هاعمل نفس اللي عملته.
فايز/شكرا.
انصدم قاسم ثم قال/ايه.
فايز/بقولك شكرا،ماسمعتنيش.
قاسم/لأ سمعتك،بس مكنتش متوقع إنك تشكرني،فكرتك متعصب ومتضايق مني علشان ادخلت في الخناقة.
فايز/مانكرش إني كنت متضايق فعلا،بس لما فكرت وراجعت نفسي لقيت إني مش لازم أكون مضايق منك،بالعكس لازم أشكرك إنك ادخلت وساعدتني أنا وصاحبي.
قاسم/يعني دلوقتي أنت مش مضايق مني خالص.
فايز/لأ مش مضايق،بس أنت ليه فكرت إني هبقي مضايق منك.
قاسم/علشان انت مشيت عالطول من النادي من غير ماتقول حاجة،فافكرت إنك مضايق مني ومستني نرجع البيت ونتكلم.
فايز/أنا مشيت علشان جاسر قالنا ان لازم نمشي بسرعة،بس ماقلش ايه السبب.
قاسم/جاسر.
فايز/آه.
قاسم/تمام.
فايز/صحيح انت اتأخرت كده ليه.
فكر قاسم ثم قال/كان لازم نفضل في النادي علشان نتكلم مع المدير ونعوضه علي اللي كل الاضرار .
فايز/وحليتوا الموضوع معاه.
قاسم/آه الحمد لله.
فايز/الحمد لله.
قاسم/تمام،في حاجة تانية عايز نتكلم فيها معايا.
فايز/لأ مفيش.
قاسم/تمام انا هنزل بقي....،ايه رأيك تنزل تقعد معانا .
فايز/لأ أنا هانام دلوقتي..،علشان تعبان شوية.
قاسم/زي ماتحب،تصبح علي خير.
فايز/وانت من أهله.
خرج قاسم من الغرفة ونزل الي الأسفل ووجد أصدقائه يتذكرون ماحدث معهم ويضحكون عليه.
وعندما رأي جلال قاسم قال/قاسم جه أهو.
جلس قاسم ثم سأله مراد/ايه الاخبار.
قاسم/حصل عكس ماكنت متوقع.
مراد/ماتخانقتوش.
قاسم/تصدق لا،كنت متوقع انه هيخانق معايا،بس اللي حصل إنه شكرني.
مراد/فايز شكرك....واو.
جلال/ثانية واحدة بس،هو أنا اللي بفكر فيه ده صح،هو انت وفايز لسه...
قاسم/أه،لسه زي مااحنا...اخوات بالاسم بس.
جلال/ده انت بقالك أربع سنين هنا،معقول مفيش حاجة اتصلحت بينكم.
أنت تقرأ
ماضي الإخوة (جاري تعديل السرد)
General Fictionنشاؤا معاً،وعاشوا في المنزل ذاته،ولكن رغم تقارب المسافات بين الأجساد كانت هناك مئات الكيلومترات بين القلوب... إلا أن حدث شيئ جعل أجسادهم تبتعد كما قلوبهم تماماً... وعندما يعود الزمن ليجمعهم ثانية كانت قد ماتت مشاعرهما تجاه بعضهما،وأصبح البرود هو الس...
