(( عودة بالزمن إلى الوراء ))..
قبل شهر ونصف، وبعد أن خرجت محاسن هاربة من
المدرسة لتقابل سامر، أخذها هذه المرة لبيته، كانت
محاسن في اليوم الذي تقابل سامر فيه تبدو غاية
في المرح، والانطلاق والتحرر، ::
**_ عاجبني ألبس بدلة برجيت باردوه هاي البصورة
تجنن.. مفتوحة من ورة..ومن گدام التنوره مفتوحه
ومبینه رجلها.. تجنن ...
فقال سامر وهو يُعد صحن سلطة بجانب المشروبات ::
**_ طبعا أني كلش زعلان منچ.. ماا فدّ يوم شفتچ
لابسه شي من اللي أجيبهن لچ .. بسّ من نروح للركن
..وكل شي ما اشوف منچ.. ثم شدعوه هالحقد عليّه
يعني ما فدّ يوم حصلت منچ بوسه.. حضن من صدگ
فدّ شي يطفي نار گلبي عليچ.. مدري ليش تبيعين ثگل
بسّ من يمّي .. ؟!!
**_ موو ابيع ثگل .. بسّ كل شي بوقته حلو..
**_ أيي موو فتيتيه لأفادي.. شوكت سونه شوكت..؟!
اقتربت منه وهي تطوق خصره بذراعيها من خلف::
**_ من نتزوج .. لو ما يحق لي أصير على ذمتك..؟!!
أدار جسده واحتضنها قائلا::
**_ لچ بابه انتِ على ذمتي من يوم العرفتچ.. من
شفتچ وانتِ صرتِ مرتي..
**_ هذا.. بيني وبينك.. بسّ أريد هالشي گدام الناس..
سامر تره تعبت من التختّل .. أريد أكون وياك وما
احس انه جاي ارتكب ذنب.. أريدك حلالي..
**_ انتِ مريتي ونور عيوني.. لچ انتِ بصفحة
ونسواني كلهن بصفحة.. انتِ العشق انتِ الحب..
شو تعاي.. راويني خصرچ هذا شلون يميل على أنغام
انت عمري.. تعاي أشد لچ چفيتي..
سحبت نفسها من بين يديه وهي منزعجة وقالت::
**_ لا.. شو ما يعجبني.. أني هسه زعلانة منك..
**_ اهووو عااد محاسن لا تگلبين وجهچ وتطيرين
مزاجي..تراني أريد اليوم اتمتع.. اسلطن..
**_ وداعتك ما أريد اغثك.. بسّ أني من صدگ ۔۔
أريدك تكون سندي.. وأبو بيتي...
**_ يمعودة أني سندچ .. وأي شي تحتاجين.. خادم
لچ ۔۔ بسّ انتِ همّ ريحيني.. راوينيي.. متعينيي..!!
**_ لعد توعدني..
**_ بشنوو..؟!!
**_ توعدني نتزوج..
**_ اوعدچ .. وإذا ما مصدگه.. هسه أوقع على ورقة
تخليها يمچ كعهد يثبت كلامي..
أتى سامر بورقة وهو ينفخ سيجارته ، وكتب عليها ::
** أني سامر مهدي الماجد.. رضيت ب محاسن بنت..
شنو أسم أبوچ۔۔؟!
ارتعش جسدها وهي تسمعه يقول، ،أسم أبوچ، ،
شعرت بالتوتر ثم قالت::
**_ شجاي تكتب..؟!!
**_ هاي شبيچ.. هاي ورقه مثل مالة الشیخ .. يعني
بیها أسمي واسمچ.. ورضینه واحد یتزوج الثاني..!
