الكاتبة شودي
(رأيتها صدفة)
بارت20
جعفر/فتحت الباب وطلعت لكيت الشرطة لازمه عمار وعدي وناس واكفين بالباب مشيت وكفت كدام عمار تقريبا اكثر من متر
عمار:ها يالنذل يالنسويواني ها يالخنيثه ماتت رتاحيت لك هسه رتاح گلبك راحت مني مرتي؟مووو
جعفر/تفل بوجهي
عمار:والله فشله تنحسب ع الزلم انت لك عيب عليه احجي وياك كلمة لان لو رجال جان متكتل بنية بعدهه بعز شبابهه ياجبان يانذل هدوني ماسويله شي
جعفر/الشرطة هدت عمار أجه ركض ولمزني من بلعومي
عمار:لك حسافة انت عايش وتشتم الهوا وفاطمة ماتت لك كون انت تموت وهي تعدل يالجبان
جعفر/من خنكني حسيت الدنيا صارت سودة وبس صوت عمار أسمهه كلت خلص حموت بين ايدين عمار يي خلي اموت وأرتاح من هل عيشه احسن ما اضل بتأنيب الضمير دايماً اني ومكلبشات ايدي احاول ابعده عني واجت الشرطة وسحبته من يمي واخذوني شرطه أثنين للتوقيف أخذوا مني المحفظه والمبايل لان عرفوا فاطمة ماتت بعد ميحتاج يكملون بالتحقيق لان أوله واخرهه اني بالسجن بس ضل بالي يم حامد شلون حيخلص نفسهه من التهمه هاي وشلون حيصدكون حامد مامشترك بالجريمة خطية حيروح بيه وبناته بعد ميشوفهن وحيدخل وياي بالسجن وين جان ضابط واله هيبته ونوب يطلع مجرم مستحيل ارضاهه ع نفسي منا فقدت حبيبتي ونوب عمار ونوب افقد حامد ليش دائما اتفشل كدام الاحبهم ياربي ليش دائما اني الغلطان تعبت من هل حظ كاعد بالتوقيف(هو سجن بس صغيرون وبي باب مالت سجن وممر خارج السجن وبي باب رأيسية..هذا السجن اضل بي فد يومين ونوب من تثبت التهمه يحولوني للسجن الچبير ويه المجرمين)كاعد بالكاع وبالباب حرس ثنين شوي دخل حامد باوع للشرطة
حامد:اطلعوا برا بلازحمه
الحرس:حاضر سيدي
جعفر/طلعوا وحامد فتحت باب السجن ودخل يمي ضايج كلش وتعبان
حامد:خالي خابرني هسه وسمع الخبر من ابو عمار وكال لو تطلع نخله براسهه ماخلي يطلع وأي شغلة تساعدكم حته طلعوا ماريدكم تسووه خلي يتعقن بالسجن ويتأدب بعد ميعيده
جعفر:معقولة ابويه هلكد يكرهني؟
حامد:ماعرف بعد هذا الكلي عليه وحولته ألك المهم هسه اي شي تحتاج اني موجود يم المحققين وهاا راح اروح وأكوللهم اني ابن عمتك وانت سرقت المسدس مالتي من السيارة وخليتلي واحد ثاني وهسه راح اروح للبيت احط مسدسي الشخصي بالسيارة همه ميدرون عندي بعد واحد عود انت حاطه حته اطلع من السالفة
جعفر:يي عاشت ايدك خوش فكرة خلص نفسك من هل موضوع ولتتأذة واسف والله حامد ماجنت نيتي اكتله حامد انت تدري بالسالفة وداعتك ماجنت اريد اضربه
جعفر/طلع من السجن وقفله وكال للحرس يرجعون يمي وهو راح معقولة هيجي اني مكروة حته اهلي ميردوني؟معقولة اهلي عدهم عمار أهم من ابنهم معقولة ميردوني ولهل درجه يكرهوني؟ااخ يايابة ليش هيج مو اني ابنكم وضناكم معقوله هيج يصير بيك جعفر وتكعد بيه اربع حيطان لالا بين ثلاث حيطان والرابع قضبان حديد اااخ كلبي يايمة شكال كلبج من سمعتي بهل خبر اكيد زعلانه عليه هسه وكاعده تبجين لان اني ابنج وادري ابوي ميحبني بس انتي گلبج طيب ومتكرهيني مثل ابويه
