الكاتبة شودي
(رأيتها صدفة)
بارت21الاخير
عمار/وأشوف شخص من بين الزلم بس هي بنية لابسه ابيض وشعرهه طويل ودايره وجهه عليه وضحكت ضحكه قوية كلش وصفكتلي مثل الفرحانه بعملي ومسوي انجاز اني ولو اني كلشي ماسويت لسا بعدني..من خرعتي ومتفاجأ بصوت عالي
عمار:منووو وشبيييج
جاسم:شبيك عموري اكو شي؟
عمار/من راحت صحيت ع نفسي والزلم كله وكفت ودارت وجهه عليه
عمار:ولك شفت فاطمة هسه وهي فرحانه جاسم شفته صدفة هسه كدامي جاسم فاطمة مرتاحه لان دخلت جعفر السجن؟
جاسم:يي حبيبي طبعا هيه مرتاحه هسه لان دخلت المجرم السجن ومرتاحه لان انت يمهه بعدك هي تحبك حبيبي وفخوره بيك الله ينطيك الصبر
عمار/ ييي هي فرحانه ااخ يابعد روحي روحج ليش عفتيني بوحدي ماعندي غيرج كلش فرحت من شفته صدفه عبالي صدك كدامي واكفة...اني الصراحه ماجنت احب سالفه التخيلات واكرههن من اشوفه بالمسلسلات من تجي البطله توكف كدام الممثل ويتخيله بس تطلع هي ميته اكول كل هذا خرافات ومستحيل يصير...بس من شفت فاطمة هسه تاكدت صحيح روح الميت تحس بكلشي وتحس منو يحبهه بعده ومنو شمت بيهه الحمدلله طلعت هي راضيه عليه وتحبني بعدهي ومرتاحه يعني هي هسه فرحانه الحمدلله والشكر أللهي بس ما ارتاح اله اشوف جعفر...معفن بالسجن الحقير هذه اااااخ ياروحي شكد حملتي هموم بهموم كل سنه همج لون اووف ورغم هذا نرجع ونكول الحمدلله والشكر الله ياخذ شي وينطي شي وعسى ان تكرهوا شي وهو خيرا لكم الف الحمدلله والشكر ع كلشي صار رغم كل الصار حزن بحزن وقهر بقهر بس الحمدلله يارب ان كان هذا يرضيك فخذ حتى ترضى ولوتاخذني اني يكون هوااي احسن.....شبعت حزن وقهر هل سنتين هذني كله مشاكل وضيم بضيم الله يساعدك ياكلبي متسكت وتخلصني كل مرة اجيب جنايز للمقبرة هاي شوكت يشولوني اني جنازة؟لان تعبت روحي وتعب كلبي من الحزن...وصلنه للسيارات وصعدنه كلمن ويه مجموعته...بالطريق اتصل عدي ع فرح
عدي:يله عيني حضرن نفسجن اجينه بالطريق
عمار/وصلنه لبيت ام فاطمة ونزلوا الزلم كله اقاربهه دخلوا البيت وأبو فاطمة يمشي ع كيف اووف الله يساعد كلبك وضهرك نكسر من وره بنتك الله لاينطيك العافيه جعفر شكم شخص أذيته بهاي عملتك اجه لسيارتنه
ابو فاطمة:انزلوا ارتاحوا شوي
ابوعدي:لاخوية رحم الله والديك والله ينطيك الصبر والقوة
ابو فاطمة:الله يخليك ابو عمار وماقصرت
عمار:الله يصبرك حجي وينطيك القوة بلازحمه اذا دخلت تكدر تصيحلي عمتي ام فاطمة خلي اسلم عليه؟واذا مابيهه حيل عادي براحتهه
ابوفاطمة:تدلل وليدي
عمار/دخل للبيت وره دقايق انفتحت الباب وطلع فراس اجه للسيارة
فراس:اجت امي يم الباب
عمار:تمام
