Music playlist ကို Shuffle on ထားရင်း ဗြောက်တောက်လာနေတဲ့သီချင်းတွေကြား ကြားလိုက်ရတဲ့တီးလုံးသံကြောင့် ခေတ္တငြိမ်သက်သွားရသည်။ စူးရှနေတဲ့မျက်ဝန်းများအောက်ရှိ မျက်တောင်များကိုအကြိမ်ရေအနည်းငယ် ဆက်တိုက်ခတ်ပစ်ရင်း...
ကျလာတဲ့ရေတွေကြား တိုးတိုးလေးလိုက်ညည်းမိနေသည်က "အလွမ်းနဲ့ နောက်တစ်ခေါက်ကြုံနိုင်တယ်။ ဒီစိတ်နဲ့ကျရှုံးရင်းသတိရတယ်"
ထိုစာသားအပြီးတွင် ခေတ္တလာနေတဲ့တီးလုံးသံကြား သူပါလိုက်၍ငြိမ်သက်နေမိရင်း...နှုတ်ခမ်းနှစ်လွှာမှာခပ်ယောင်ယောင်လေး အပေါ်သို့ကွေးညွတ်သွားရင်းက နှုတ်ခမ်းတစ်ဖက်သည်သာ အပေါ်သို့ခပ်မဲ့မဲ့ပြန်ကွေးညွတ်လိုက်မိပြီး..."နေ့လည်းမသိ ညလည်းမရှိ မတည်ငြိမ်နိုင် ဒီကမ္ဘာမှာ တစ်ယောက်ထဲရှိနေသလို။"
"အတူတူမနေနိုင်တဲ့ဘဝနှစ်ခုမို့ မျက်စိမှိတ် ရှေ့ဆက်မတိုးချင်ခဲ့" ဒီစာသားကိုတော့လိုက်မဆိုမိ အတူတူမနေနိုင်တဲ့ဘဝတွေဘာတွေလောက် သူတို့ကြားပြီးပြတ်သွားတဲ့ အကြောင်းအရင်းက လေးနက်မနေ။
ထို့နောက်လာသည့်စာသားများကိုတော့ ခန္ဓာကိုယ်ပေါ်ကျလာတဲ့ရေစက်တွေကြား ရူးသွပ်စွာလိုက်၍ အော်ဆိုနေမိသည်။
"အလွမ်းနဲ့နောက်တစ်ခေါက် ကြုံနိုင်တယ်။ ဒီစိတ်နဲ့ကျရှုံးရင်းသတိရတယ်။ အလွမ်းနဲ့နောက်တစ်ခေါက်ကြုံနိုင်တယ်။ ဒီစိတ်နဲ့ကျရှုံးရင်းသတိရတယ်...."
ထို့နောက်တွင်တော့ ရေချိုးခြင်းလည်းပြီးဆုံးသွားပြီဖြစ်ပြီး ကြွက်သားများဖြင့်တောင့်တင်းနေသော ရင်အုပ်ပေါ်သို့ သဘက်ဖြင့်သုတ်လိုက်ရင်း ခါးတွင်ပါအဖြူရောင်သဘတ်လေးတစ်ထည် နေရာယူသွားတော့သည်။ ပိုင်ရှင်စိတ်ဆန္ဒအရထုတ်လွှတ်ထားတဲ့ ကော်ဖီရနံ့ အယ်ဖာဖယ်ရိုမုန်းများသည် ပိုင်ရှင်လိုအေးစက်စက်ခံစားချက်တွေပေးတဲ့ အခန်းကျယ်ထဲ ပျံ့နှံ့သွားတော့သည်။
Ringtone ~~~ အလွမ်းနဲ့နောက်တစ်ခေါက်ကြုံနိုင်တယ်.... ဒီစိတ်နဲ့ကျရှုံးရင်းသတိရတယ်
"Hello"
တစ်ဖက်က ဘယ်လိုစကားများကြားရ၍လည်းမသိနိုင်။ မျက်ခုံးတန်းများသည် အလိုမကျစွာတွန့်ချိုးခံထားရပေသည်။
