سنوات الجحيـم

💥مشاهد 💥

شلونكم عيوني 🥹🫶 نزلت مشهد اعلان لثبيت القصة ان شاءالله حبيتوه مثل ما حبيته 😆❤️

حاليا فقط تثبيت لوكت ما ابدي انشرها 🦊..

حطوها بالمكتبة حتى من يبدي تنزيلها يجيكم اشعار..💥

الغلاف الشگاگي❤️

|•••••••••••••••••••••••••••••••••••••••••••••|
المشهد الأول

مخبوصة الضهر شنو البس؟؟ يالون شلون احجي.. شنو اخلي عطر؟ متوترة متوترة اوووف،شلون گلبي ميدك طبول ويعزف من اشوفه..

دك المبايل مالتي وابتسامتي شرگت حلكي ، فتحته وبسرعة كال..

-طلعي للمتنزه

-تمام

حجة بصوت جدي ممزوج بغيرة..

- موو تاخذين تكسي شااب اخذي شايب وعيوونج  دربااالج غمضيهن خاف شايب يعشگج ونبتلي..

خربت ضحك ع كلامه ورديت..

-يلا يلا ميخالف مسافة طريق..

سديت التلفون وكملت ونزلت جوة اني وطالعة انداريت كتلهم بصووت عالي..

-يااااا اهل الخير عندي درس ترااا .

طلعت بسرعة لأن تأخرت ع المعهد،خلصت وتأخرت شوية بالطلعة رحت اركض حتى ما ادخل تحقيق..وصلت ورجلي وحدة تطك باللخ اويلييييي..

شفته كاعد ع الكراسي حاط رجل ع رجل والسبحة بأيده صافن علية منتضرني، اتقربت يمه وكعدت ومثل الثولة كلت ..

- هلااااو

ابتسم ع طريقتي بالكلام واتقرب يمي كلش دنك باسني من خدي جفلت مصدومة وضليت اباوع بعيونه ..

-شو تبوس من خدي وتسلم؟؟؟؟خييييير ؟؟؟؟؟

تجاهل كلامي وكال..

- هلا ياابة شلونج

رجع بمكانه كعد، شديت ع ملامحي شو هذا يحجي جنه ابن عمي مال انطيه جلاق بس لا عيب خلينا هيج أمورين ..

-هلاا..

اندار علية حاط رجل ع رجل ومنتكي كال ..

- اليووم عازمج تراا