PART _2 _
صعدنا بالسيارة متوجهين للبيت
الي اخر ذكرى النا بي كانت مؤلمة
الطريق كله الفرح والضحكة هي المحلية روحناا صفنت شوي واني اتذكر اخر مره شفت اخواني
هيج فرحانين صارر شكد!!
يارب اريد الفرحه ماتنمسح من وجوهم احنا فقراء وانت تحب الفقير.
___________________________
ذكرى
نيروز: ماما ماما مجتبى وين ?
هيفاء : جان بيدي وين راح
ولكممم ابنييي
ضلت ماما تصرخ بأسم اخوية
اجه عمي مفزوع يحاول يفهم
من امي الي ضلت تبجي
هيفاء: عفية ابنييي اريدهه اريدههه توه جان يمي
صاح عمي علينا
_روحيي واخذي الجهال هسه اني اجيبهه بيدي وروح ابوية
هيفاء: لا ابني اريده اريدهه وينهه
_اجيبه الج والله والله مابي شي هسه تلكي بهل هوسه ماتشوفين شلون الناس كلها هنا وين يروح قابل
اصرت ماما الا ان راح عمي شوية ورجع بيده اخوية يبجي حظنته ماما تبوس بي وهي تسئل عمي وين جان
_مو وكتها هسه بس امشوا
طلعنا نركض من الباب الخلفي وكانت بس سيارات جيش ماعرف حشد
_ منظر السيارات الكبيرة وناس مسلحه اول مرة اشوفهم بس الي طمني همه يحمونة
فزيت ع صياح واحد من عندهم
_دنكوووا واركضواا لترفعون راسكم
الطلق فوكانا واحنا نركض
الشارع متروس
نساء
اطفال
كبار سن
يركضون ومنصينن روسهم
تاركين خلفهم رجال يواجهون
ماما تعبت وكفنا ناخذ نفسس
وانتبهت الجو عبارة عن دخان
والهوا الي ناخذة نختنك بسببه
نيروز: ماما اريد بابا
هيفاء : هسه يجي ورانة
نيروز : معلية اريدهه
كملنا ركض واني مستمرة ببكائي خفت يكون صاير شي البابا من شفت الناس تبجي على الي فقدوهم
هيفاء: وج يمهه مابي شي والله هسه يجيي
لتخافين
استمرينا بالركض بعد ماعبرنا نهر صغير
وكفت دقيقه استراح محسيت الا ع شي سقط علية
وكعت من الصدمة واني اشوف واحد من الي شايلين اسلحة يجي بأتجاهي احس فقدت كلشي ماحس بس وشه بأذني
_ بابا اركضي لا تكفين جان رحتي بيها
رجعت اركض واحس الطريق ما الة نهاية
كل شوي اطفال يكعدون يبجون من الركض واقدامهم كلهاا تاذت الجو حار والشارع اذ تمشي عليه شوي رجلك تحترك
___________________________
أنت تقرأ
نيروز
Mystery / Thrillerبالعراق وتحديداً في اواسطه عاشت فتاه عانت من ظلم دا/عش تغيرت حياتها وعاشت الخذلان من الاقرب لها وعندما عادت للوقوف بدأت حرب الاقارب لـ امتلاكها من سيربح ياترى ومن يحضى بها.
