ببن سلاسل مقيدة

1. Bart

السلام عليكم

إني إسمي سيدرا عمري 21 سنه

أني ربتني عجوز دائما چانت ماتخليني اطلع برة

حابستني بـ قصر كلش چبير كل غرفة چانت بيه

سر  چان القصر بي 8 غرف من عدة غرفتي و غرفة

العجوز  من چنت طفلة تكلي أبد لا توصلين ذني لغرف

بس أني مو بيدي چان يگتلني الفضول اريد أعرف

شنو بيهن...

مرة من المراة طلعت العجوز وأني ضليت وحدي

چان المساعد مال العجوز طالع وياهاا..

فاآ كلت خن أشوف شنو موجود بذني لغرف..

صعدتت أول غرفة فتحت الباب وأني كلي فضول

الغرفة سوده و بيهه ريحه مو طيبة ختنكت من

الريحه  فاا سديت الباب بسرعة  و نزلت ضليت بس

افكر من شنو هاي الريحه...

چتي العجوز وچان مبين عله وچهه العصبية

باوعتلي بنظرات كلش حادة و كلتلي أني مو كتلج

لا تصعدين فوك و تفتحين الغرف....

أني نصدمت هاي شلون عرفة بل رغم إنو بس

أني چنت بل بيت...

ضليت خايفة و عيني بل كاع كتلهه اكو صوت

يطلع من فوك كل ليله

العجوز:

أنتي معليج و هاي آخر مره اكلج بيه لا تصعدين

بعد فوك

سيدرا  : 

كتله صار بعد ما أصعد  و الدموع بعيوني...

العجوز  :

امشي ولي من يمي بسرعة ما اريد أشوف وجهچ

سيدرا: 

رحت لغرفتي وأني أبچي  وچنت ادعي تموت العجوز

حته اكدر اطلع من هاذه السجن....

             .....................................

سيدرا  :

عبر الموضوع راحت أيام أچت أيام

المهم شو أني كمت أحس واحد يراقبني ودائماً

وياي بل بداية كلت جاي اتخيل بس بعد فترة

كمت اشوف شخص يباوعلي و يختفي و مرات

يلمسني كلش خفت فاا قررت اروح للعجوز اكلله

رحت لغرفة العجوز قبل لا ادك الباب سمعته تتعارك

و صوتهه كلش عالي بس صوتهه اسمعه بس منو

تحچي ويا ما ادري  ....

العجوز  : 

سيدرا فوتي ليش واكفه وره الباب

سيدرا  : 

أني نصدمت هاي شلون عرفت  كنسلت الموضوع

كلت اكيد شافتني..  دخلت الغرفة و اني اباوع لكل

الغرفة ردتت اعرف ويامن چانت تحجي بس ما لكيت

احد.....

العجوز  :

كولي سيدرا شكو شبيج ليش مبين وجهچ اصفر

صاير شي

سيدرا  : 

يي اكو اني صارلي سبوعين چاي اشوف واحد چاي

يراقبني و دائماً وياي حته لمسني  صدكين...

العجوز:

انتي متاكده من كلامج إذا چان كلامج صدك

فاا انتي و كعتي نفسج بمصيبة جبيره محد راح

يكدر يساعدج.

سيدرا  :

أني نصدمت هاي شنو تقصد أي مصيبة كلامه

كلش خوفني ظليت بس اباوع  بصدمه

و كلشي ما مفتهمه.....

العجوز  :

أني كتلج لا تصعدين فوك و تفتحين لغرف يله

تحملي العواقب. 

سيدرا  :

اني  نصدمت ليش هوه شنو بيهه الغرفة حته

راح اتحمل العواقب  و منو هاذه الي جاي يراقبني

اني لازم اعرف شنو إلي چاي يصير.....

    يــتــبـــع......