[Unicode]
"ချစ်လို့ လွမ်းလို့ သူ့အနမ်းတွေနဲ့နေချင်လို့"
Season 2, [Episode - 59]
"အမလေး"
ရှေ့ကသွားနေသည့်ဒေါ်ရွှေယုံကအမလေးတပြီး တမ့်ခနဲရပ်ကာနောက်ကိုအထိတ်တလန့်ဆုတ်တော့ ခင်လေးလက်ထဲကိုင်လာသည့်ဘုရားသော်တော်ရေချမ်းခွက်ထဲမှရေချမ်းတော်တွေ အဖိတ်ဖိတ်အစင်စင်ဖြစ်ကုန်ရ၏
"ဘာ ဘာဖြစ်လို့လဲဒေါ်ဒေါ်"
ငါဘာမြင်လိုက်တာပါလိမ့်။
အထစ်ထစ်အငေါ့ငေါ့နှင့်မေးသည့်ခင်လေးကိုပြန်မဖြေအားသေးပဲ ကိုယ့်မျက်လုံးတွေကိုယ်ပွတ်သပ်ကြည့်သည်။ ပြီးတော့ နံရံထောင့်ကွယ်ကနေခေါင်းပြူပြီးတစ်ခါထပ်ကြည့်၏။
"ခင်လေး ဘုရားဆွမ်းတော်ကိုနေထွက်မှကပ်ရအောင် သွားမယ်"
ဆွမ်းတော်ပွဲကြီးကိုင်ကာပြန်လှည့်ဖို့ပြင်သည့်ဒေါ်ရွှေယုံကို ခင်လေးကနားမလည်တာကြောင့်...
"မနက်ငါးနာရီဆွမ်းကပ်နေကျကို ဒေါ်ဒေါ်ကလည်း အားလုံးပြင်ဆင်ပြီးမှ..."
"ညည်းကလည်း နေထွက်မှကပ်မယ်ဆိုကပ်မယ်ပေါ့"
အပျိုကြီးပီပီမြင်လိုက်ရတဲ့မြင်ကွင်းကြောင့် ဒူးတုန်ခြေတုန်ဖြစ်သွားရသလို ဘာမှမမြင်လိုက်ရှာသည့်ခင်လေးကိုလည်းမဖြေတတ်တာကြောင့် ငေါက်လိုက်ပြီးမှ..
"အောက်မှာ မနက်စာအရင်သွားပြင်ကြမယ် မောင်ရာဇနိုးတော့မှာ ခရီးသွားဖို့ကိစ္စနဲ့ဆိုမစောတော့ဘူး"
"ဟုတ် ဟုတ်"
မယ်မင်းကြီးမခင်ေလးကအူတူတူနှင့်ပြန်ပါလာရှာလို့တော်သေးသည်လို့ထင်လိုက်ပေမယ့်...
"ဒေါ်ဒေါ်ဘာကိုမြင်လိုက်လို့လဲဟင်"
လူနားအတင်းတိုးကပ်ပြီးလေသံနှင့်မေးတော့ ဒေါ်ရွှေယုံမျက်လုံးပြူးရ၏။
မြင်လိုက်တာကတော့ လူလေးနှင့်ပန်းလေးကိုပါ။ မြင်ကွင်းထဲမှာပူးကပ်နေကြတဲ့ ကိုယ်နှစ်ခုကခင်လေးကြည့်ကြည့်နေတဲ့ကိုရီးယားကားတွေထဲကမင်းသားမင်းသမီးတွေလိုနမ်းနေကြတာဖြစ်၏။ တွေးရင်းတောင်မျက်နှာကြီးခပ်အမ်းအမ်းဖြစ်လာရတာမို့ ဒေါ်ရွှေယုံကခင်ေလးနှင့်ကွာေအာင်ရှေ့ပိုတိုးကာ လှေကားထစ်မှခလုတ်တိုက်မတတ်ဆင်းသည်။
YOU ARE READING
ချစ်လို့ လွမ်းလို့ သူ့အနမ်းတွေနဲ့နေချင်လို့(Completed)
Romance[Unicode + Zawgyi] Genre: Romance, Action Total Episodes: 70 Start date: ? End date: 2.9.23 IT company ရဲ့ CEO တစ်ယောက်ဖြစ်တဲ့ စူးရှလေးနက်နဲ့... ကွန်ပျူတာတက္ကသိုလ်ကျောင်းသူ မြတ်ပန်းသတင်း... သူတို့နှစ်ယောက်ရဲ့ စတင်တွေ့ဆုံခဲ့ကတည်းကတိုက်ဆိုင်မှုတွေနဲ့...
