تنهد فهد يضغط اصباعه على عينه من اعصابه ؛ اسمعني ولا تقول لرتيل على طول مهد لها الموضوع طيب .
ابعد امير شوي عن رتيل ؛ تكلم ، خبصتني .
غمض عيونه ؛ انا و ليان في مستشفى ال........
وسع عينه امير ؛ فيك شي ؟
فهد ؛ مو انا ، ليان الي في المستشفى تعال .
ركض امير يمسك يدين رتيل يرجع للسياره يحركها ؛ طيب دقايق واحنا عندك .
رمى جواله في حضنه وسمعها ؛ ليان فيها شي ؟ امير تكلم .
هز راسه بالنفي ؛ اذا وصلنا تعرفين .
رجع يدخل غرفتها وهو اساساً ما يعرف مين السبب في حالتها الحين ، تنهد ؛ تقومين وتقولين لي والي خلقني اني لاخذ حقك .
يمكن هذي اول مره يحس بشوق لها ، اول مره يشوفها قدامه بدون ما تتكلم ، ماكأن له فتره بسيطه يعرفها وكانت بالنسبه له كافيه انه يعشقها ويحبها ؛ والله انهم فرطو فيك ، ولا انتي ما تتفرطين ي بنت فيصل .
لف براسه على امير الي دخل والي وراه رتيل ، سمع شهقت رتيل وسرعان ما نظر بأمير ، فهمه امير واخذ رتيل يطلعها من الغرفه ؛ رتيل يابنتي !
كانت تبكي في حضنه ؛ شفيها ليش كذا ، امير تكفى .
حضنها امير يشد عليها ؛ ياعيون امير ، بخير هي بخير ما عليها خلاف .
كانت تهز راسها بالنفي في حضنه ؛ تكفى بدخل عندها تكفى .
هز راسه بالايجاب ؛ ادخلك والله اخليك تدخلين ، بس توعديني ما تقربين منها ، ترا اي حركة بسيط توجعينها يارتيل .
هزت راسها بالايجاب ؛ طيب
ودخلو الغرفه ، لاحظ امير ارتكاء فهد على الجدار وعيونه معلقه على ليان ، كانت هذي اول مره تشوف ليان فيها اول مره تلاحظها بالضعف الي قدامها كيف ان الشاش مغطي راسها والسيروم كيف معلق على يدها ومغروز فيها ، بلعت ريقها من المنظر ، هي تعرف انها اكثر بنت تدخل المستشفى على كثر اصاباتها الا هذي اول مره رتيل تشوف الضعف فيها اول مره تشوف عيونها مغمضه وكانت حركتها البسيطه تعتصر قلب رتيل بآلم وهي كل مره تدخل فيها على ليان في المستشفى تشوف كيف انها قويه ولا تظهر ضعفها ولا حتى ابسط الآلم تتحسه قدامها وم كانت تبين الا القوه ولا غيرها .
دخل الدكتور عليهم وشاف كيف ليان للحينها غايبه عن الوعي وتكلم بتساؤل ؛ للحينها ما قامت ؟
هز راسه فهد بالنفي ؛ لا ، في شي خطير دكتور ؟
ناظرهم الدكتور ؛ للأسف لو مرت ساعه اخرى وهي ما فاقت بكذا راح نرجع نسوي فحص نكشف اذا صارت اي مضاعفات من العمليه .
خفق قلبه بكل قوته حس ان الدكتور يتكلم بلغه مافهمها ؛ شقصدك بمضاعفات ؟
ناظر الدكتور ليان وكانوا كلهم مترقبين لتوضيح ؛ المعنى ، فيه مضاعفات كثيره ممكن تصير بعد العمليه ولكن كل هذي الاحتمالات تكون على حسب مناعة المريض ، من المضاعفات ممكن يكون فيه فقدان ذاكره خصوصاً ان الضربه كانت قويه واحتمال غيبوبه لا نعرف كم مدتها واحتمال...
وكان بيكمل لكن قاطعه فهد من مسك ياقته يثبته على الجدار ؛ مو قبل شوي تقولي انها بخير ؟ تلعب علي انت ؟ والله لو يصير لها شي انسى انك تشتغل هنا فاهم ؟!!
مسك امير فهد يبعده عن الدكتور وبحده ؛ فهد !
ناظره فهد يبتعد عنه ؛ فكني ، ما تسمع شيقول ؟ يقول غيبوبه ما تعرف شمعنى غيبوبه ، كذاب هو قال لي انها بخير وما فيها شي وانها بتقوم والحين يجيب لي طاري مضاعفات .
مسكه امير من جديد من شافه بيتهجم على الدكتور وهو عارفه نفسيه فهد الحين وتأكد ان ليان غاليه وحيل عليه من اندفاعاته ، مايصير فهد شخص ثاني الا وقت يكون الموضوع فيه شخص غالي عليه وهو اكثر واحد يفهمه كونه اكثر من مره يشوف شخصيته وقت يتهاوشون مع عيال المدرسه واذا تأذى امير يصير فهد شخص ثاني ما يعرف الرحمه ولا تكون في دربه حتى ؛ ولد اهجد !
ابتعد من شافه هدأ شوي والتفت على الدكتور من تكلم ؛ استاذ انا قلت احتمالات اذا طولت في نومها يعني ممكن واجهت مضاعفات وننتظر ساعه علشان نقدر نحدد حالتها ، عن اذنكم . وخرج من عندهم ، التفتت على رتيل من شاف دموعها تنزل لا شعوريا لكن بدون صوت وخفق قلبه يتجه لها ؛ رتيل .
ناظرته وهي مصدومه مو فاهمه اي شي من كلام الدكتور ؛ يعني وش ؟ امير يعني وش كلامه ؟ يعني ليان م راح تقوم ؟ يعني بفقد ليان ؟ .
ناظر فهد من تكلم والواضح انها واصله معه حده وزاد عليه كلام رتيل الحين ؛ يابنت تفاءلي خير ولا انطمي .
ناظره امير وهو عاقد حواجبه ؛ فهد !
مسك رتيل مع ذراعها يطلعها من الغرفه وجلس معها على الكراسي ؛ رتيل .
ناظرته وعيونها مليانه دموع ؛ مافهمت امير ، تكفى هي بخير صح ؟
هز راسه بالايجاب يمسك راسه يحطه على صدره وحاوط بيده على ظهرها يشد عليها ؛ بخير ياعيون امير بخير ، بس قالو احتمالات ، انتي تعرفينها اكثر منا رتيل ، ليان قويه ومناعتها اقوى ما تخليك وتروح صح ؟
هزت راسه بالايجاب تدفن نفسها في حضنها مو قادره تتحمل فكرة فقدان ليان ابداً .
