بعد مرور وقت طلع الدكتور وطمنهم على صحه خالد و ارسلوه الى غرفته
عند خالد بعد ماصحى
ابو خالد : الحمد لله على سلامتك يبه وباذن لله بس تطلع رايح اخطب لك البنت اللي تبيها
فواز بابتسامه : ومين سعيده الحظ ياخالد
خالد ناظر بتوق كانت متوقع انها تقول لفواز
ابتسمت توق وجلست جنب فواز ونطقت : نبي البنت منك
فواز : مني انا ؟
ابو خالد: اي يبه المفروض نجيكم عندكم بس تعرف الظروف وابشر باللي يتعنى لك
فواز : والله ياعم لي الشرف فيك وباهلك بس مين تقصد ؟
توق بضحكة : فواز شفيك كم اخت عندك
فواز بضحكه : اووووه هديل ؟
خالد بابتسامه : اي تعطيني اختك والا اخذ اختي منك
فواز بضحكة : شوف انك تاخد اختك مني ذي والله انك تخسي فيها اما اني اعطيك اختي تبشر بعزك ياخالد وين بلقى رجال مثلك يصونها
توت : يعني ايش نقوم نبارك له؟
توق : طبعا لا
فواز : وشوله ماتباركين؟
توق : يافواز م سالت البنت عن رايها يمكن مو موافقه
خالد : اي قبل كل شي البنت يافواز
فواز : ابد هذا حقها ماقلت شي بس ماتوقع هديل تقول لا
توق : مع ذلك اسألها
فواز : خلاص ابشرو انا الحين ماشي رايح البيت منها اتطمن على الاهل ومنها اسال البنت
توت بتسرع : والملكة يبه ؟
ابو خالد: استحي يابنت وش ذي الجرأة
تالين بضحكه: خليها يبه حنا ماصدقنا ع الله يجي احد يطل بوجهها
توت : توق شرايك تقولين لاختك شي عشان م ادفنها
توق بحده : تاليين
تالين : خلاص سكتت
فواز : يلا انا امشي سلامتك
طلع فواز ولحقته توق برا الغرفه
توق قربت وضمته بهدوء
فواز بهمس : توقي ؟ حنا بالمستشفى شفيك
توق : وش علي منهم انت زوجي يعني عادي
فواز : اشوفك صايره جريئه
توق : انا ؟ من زمان
فواز قرب منها وهمس باذنها : وريني هالشي الليله
توق توترت ونطقت بارتباك : لا هو انا ان شاء الله اتوقع اني بنام عند اهلي
فواز بابتسامه : لا هو انتي ان شاء الله اتوقع بتنامين بحضني اليوم وبتفهميني قصه خالد بلا لف ودوران ياحلوه عشان لا اخذك الحين وبعدها الله يعينك علي
توق : لو تهدأ شوي ياحلو
فواز وهو يقرب منها حيل : لو تسكتي شوي ياحلوه احسن من ما
توق ضحكه ودخلت بسرعه الغرفه ابتسم فواز وطلع
.......
نسرع الاحداث شوي
- طلع خالد من المستشفى وخطب هديل
- توق وفواز مكملين حياتهم بس ناقصهم ثمره حبهم
- توت ويوسف قررو يسوي الملكة والعرس بيوم واحد
- تالين وعزام مكملين حياتهم بوجود حور الصغيره اللي نورت حياتهم
- سالم وزوجته فقدو الامل من توق وسافرو مع العلم ان سالم كتب كل امالكه باسم بنته توق بدون علمها فقط خبر اخوه عبد الملك
- شمس مكمله حياتها مع عبد الملك اخذت حقوقها من ورث ابوها بمساعده البنات وابوهم ومبسوطه بالعائله اللي عوضتها عن كل شي
........
يوم ملكة ( توت& يوسف)
بالغرفه عند البنات كانت توت جالسه وتناظر بخواتها اللي يتجهزون التفت لها شمس
شمس : توت يلا اقولك عطيني يدك اخلصي
توت : ياشمس ما احب ذي الاظافر والصمغ يضايقني خلاص اظافري شزينهم
شمس : يابنت الحلال بتصير يدك احلى اسمعي الكلام
توت بغبنه : مابي خلاص عاد
توق قربت وجلست جنبها بهدوء: توت ؟ شفيك كل ذا عشان اظفر
توت : لا مو كذا بس اليوم حاسه بضيق
تالين بهدوء: عشان امي ؟
توت نزلت راسها و طاحت دموعها ونطقت بغصه: كل البنات امهاتهم معاهم يوم العرس الا انا حاسه نفسي وحيده
شمس بحنيه : وش ذا الكلام ياتوت امك الله يرحمها ربي اختارها
توق مسكت يدها ونطقت بغبنه : تدرين انا مره سمعت يقولون ربي ماياخد الا الانسان اللي ينجح باختبار الدنيا وامي كانت انسانه مؤمنه تقرا القران وتحافظ على الصلاه ربي يحبها ف اختارها وصدقيني هي بقبرها مبسوطه ومرتاحه لا تبكين ياتوت وخلي هاليوم مميز لا تزعليها بقبرها تكفين
توت مسحت دموعها ونطقت : الله يرحمها
تالين : اي كذا خلاص روقينا عاد
توق : يلا قومي والحين بتركبين لك اظافر وبتتونسي اليوم عرسك من زمان ماصارت لنا مناسبه حلوه كذا يلاا
شمس : بنت يلا لا تجلسي
كملو يجهزو وتوت ماغابت عن انظار توق اللي تحاول بكل ماتقدر تسد فراغ امهم بهذا اليوم المميز
.....
عند فواز ويوسف
يوسف بتوتر : اسمع البس اي بشت الاسود والا
فواز: ياربي عفوك ياولد بشتك الاسود جاهز الحين يوم عرسك قررت تغير مريض انت؟
يوسف: ياخي ماغيرت بس يعني وبعدين وين البخور ؟ هديل وينها المفروض تبخرني
دخلت عليهم هديل وكانت كاشخه ولابسه ابتسم فواز من شافها : واااو انستي الحلوه وش ذا الجمال
هديل بضحكه : هذا انا وقلت كذا لو شفت توق
فواز : ليه انتي شفتيها
هديل : اي رسلت لي بالستريك شكلها يوو يافواز راحت عليك
فواز: هيي بنت ماتشوفين اخوك هنا
يوسف: ياشيخ محد ميت على زوجتك عندنا الاحلى والاغلى
فواز بضحك ضربه ع كتفه : اقول احترم نفسك كله والا حرمي
هديل : مو وقتكم يلا
قربت وبخرت فواز وقربت عند خالد وصارت تبخره ابتسمت من لمحت بعيون يوسف نظره فهمتها زين ونطقت: مضيع شي في وجهي يالمعرس
يوسف بابتسامه باس راسها ونطق بحنيه : تصدقين اكثر شي بشتاق له هنا هو المحارش معك ياحظ خالد بس
هديل بخجل : هيي وش اللي ياحظ خالد لسى ماوافقت
فواز جلست وحط رجل على رجل ونطقت بثقه وابتسامه : واللي يقولك انك موافقه
هديل : شعرفك انت؟
فواز : اعرفك ياهديل انتي لو عندك نيه انك ترفضي كان من اول مافتحنا معك الموضوع قلتي مابي بس انتي موافقه بس خجلانه تقولي على العموم عندك وقتك وانا اخوك بس عاد ارحمي قلب الرجال وارفقي فيه ولا تطولي بالتفكير
هديل بخجل حطت المبخر على الطاوله ونطقت بهدوء: ودامك عارف اني موافقه وشوله ماعطيته خبر
فواز: ابي اسمعها منك مابي اتصرف من نفسي
هديل ابتسمت ونطقت بخجل : اجل بشره ولا تتاخر وقوله اني موافقه
ابتسم فواز من حس عليها خجلت ، هديل انتبهت لنظرات اخوانها لها اللي كلها ابتسامه ورضا طلعت من الغرفه متوجهه لغرفتها وقلبها يدق تفكر بان عند اخوانها وكذا كيف لو صارت عند خالد
.......
نمرر الساعات شوي تمت الملكة على خير وتوجهو كلهم للقاعه
عند توت ابتسمت من نزلت من الدرج وشافت يوسف عاطيها ظهره كان متوتر بالحيل ويفرك يده من التوتر متحمس ودقات قلبه تتسارع قربت توت بخجل وحطت يدها على كتف يوسف التفت لها وطاحت عينه بعينها ضحك من شافها وقرب ضمها بقووه وهمس باذنها : اخييرا يافرحه سنيني اخيرا صرتي لي وانا لك
توت بخجل بعدت عنه وابتسمت : حلو شكلي ؟
يوسف : حلو وبس ؟ حرام عليك تظلمين نفسك بكلمه حلو يشهد الله انك ختمتي الجمال كله
رجع يضمها همس باذنها بنبره اربكت توت وزادت بابتسامتها
يوسف: خذيتك من عيون اللي يبونك مرجلة وعناد مثل مايأخذ البحار من جوف البحر دُرة
توت بابتسامه وهي سانده راسها على صدره
" ماعشقت الا انت ياللي على قلبي تمون
يوم غيرك ماجذبني ولا زحزح غلاك
كن ربي خالقك كون والعالم بكون
واحسن بوصفك وزادك قبول مع حلاك
لا تبتسم لي يابو الثغر الفتون
يكفي اني من لمحتك وانا ما ابغى سواك "
زادت ابتسامه يوسف بعدها وقرب باسها بخفه وبلهفه
توت بعدت عنه بخجل من سمعت ضحك المصوره
توت بخجل : يوسف؟
يوسف : عيونه وقلبه وروحه وكل شي بيوسف امري يابعد كل اهلي
توت : مايامر عليك عدو بس عيب احنا مو لحالنا
يوسف بابتسامه : برايك انا عيني تشوف غيرك صار لي فتره طويله انتظر هاليوم ياكل اهلي اعذريني ماقدرت اصبر
توت بابتسامه حاوطت رقبته بيدها ونطقت بدلع: معليش حبيبي تقدر تنتظر لبعدين
يوسف بخقه : كل ذا الدلع وتقولين لي حبيبي وتبين انتظر لبعدين ارفقي بقلبي
توت بضحكة : سلامه قلبك ياروحي
يوسف بابتسامه : يشهد الله اني مُغرم بـ أصغر تفاصيلك من ضحكتّك لـصوتك لـ قلبّك
.......
عند تالين كانت تنتظر عزام بالغرفه ابتسمت من سمعت صوت الباب لفت بابتسامه له عزام من شافها وشاف كشختها ابتسم بس نمحت ابتسامتها من قرب واخد حور يبوسها
عزام : ياهلا ياعين ابوك وش ذا الجمال ياحوري
تالين ناظرته بمعنى وانا ابتسم عزام ورجع يبوس حور : اشتقت لك كثيير
صدت تالين بزعل وجت بتمشي بس مسكها عزام من ذراعها : وين ياحلوه
تالين بزعل : خلك مع بنتك هي بنتك وانا بنت الجيران اول ماشفتها سحبت علي
عزام : انتي ساحبه علي فتره ماقلت لك شي
تالين : مدري مين اللي صار لي يومين ارسل له اشتقت لك يصرفني
عزام: مدري من اللي ترجيتها كاني بزر تجي معي ورفضت
تالين : اصلا حتى لو كنت بجي الليله كنسلت خذ بنتك وروح
عزام بضحكة : تغارين من بنتك ؟
تالين : ماغرت بس ع الاقل كنت راعي مشاعري وانا انتظرك واخر شي تسفهني كذا
ضحك عزام وحط حور على الكنب وضبط وضعها بحيث انها ماتطيح التفت لتالين وشدها لها من خصرها ونطق بنبره حب : طيب واللي يقول لك اشتاق لك يا ام شتقولين
تالين بزعل : لو اشتقت لي كان ضميتيني تدري صار لي من متى ما ضميتك ؟
عزام بابتسامه : غرتي علي من بنتنا ؟
تالين بخفه : بنتنا ؟ ياحلو هالكلمه قطعه مني ومنك بنتنا
عزام بابتسامه : الحمد لله ربي رزقنني ببنتين
تالين : مين الثانيه ؟
عزام : انتي الاولى وحور الثانيه
تالين بابتسامه : يعني انا بنتك
عزام وهو يبعد شعرها عن عينها بابتسامه: انتي بنتي وحبيبتي وزوجتي وام عيالي وكل شي تكفين انهي هالمسخره وتعالي بيتنا بحضني والله قلبي مشتاق لك
تالين : حاضر الليله عندك
عزام : يعني اخذك معي الليله بعد العرس ؟
تالين : اي حبيبي
عزام ضمها بضحكه وكان مبسووط بالحيل وكانه ملك الدنيا : اخييرا بترجعي لي ولحضني
تالين : انا اصلا لك
ابتسم وباسها بخفه ورجع باس حور وطلع
ابتسمت تالين واخذت حور بحضنها ونطقت : نحبه صح ؟ نحب البابا مرره الله يخليه لنا
لاحظت ان حور ضحكت من كلامها ابتسمت وباستها بحنيه الامومه : الله لا يحرمني منك ولا يحرمك مني ان شاء الله ماتعيشي الا عاشته امك وخالاتك يابعد روحي
............
عند توق نزلت متوجهه للبوابه تنتظر فواز يجيها ابتسمت من حست بيدينه تضمها من ورا ولصق ظهرها بصدره وباس كتفها همس باذنها : ماتحملت لما هديل مدحتك قدامي قلت لازم اشوف حلالي بعيني
توق بضحكة وخجل لفت له وحاوطت رقبته بيدها : عطني مجال اناظر نعمه ربي علي وش ذا الجمال ياعيون توق وكل اهلها
فواز : لو سمحتي كلمتي حطي حقوقي
توق لصقت فيه ونطقت بدلع : ما يحق لك اخذ من كلامك ياولد عبد الله ؟
فواز: افا ياحبيبة خاطري انا كلي لك
توق : ياكبر حظي فيك
فواز : مدري مين فينا المحظوظ بس شوفي عندي لك مفاجئه بتعجبك
توق : شنو هي
فواز : ياحبي مو اسمها مفاجئه شلون اقولك شنو هي
توق : فوازي تعرف ان مافيني صبر ليه تحمسني
فواز : برايي تحملي شوي
توق : امممم عادي انا بعد عندي لك مفاجئه ومابقولك وش هي
فواز : اجل الليله جهزي نفسك بننام بالفندق
توق : ليه بالفندق
فواز: ابد لما حجزت ليوسف وتوت قلت ليه ما ادلع حبيبتي وناخذ لنا ليله بالفندق عادي
توق : حبيبي في بيتنا مو افضل؟
فواز : توقي لا تخربي خططي خلاص قلت كلمتي
توق بخبث: امممم يلا زين ان شاء الله الفندق فيه مسبح ومساج
فواز : قالو لك بالمالديف انتي؟
توق: على طاري المالديف شخبار شهر العسل؟
فواز : جايك جايك بس اصبري ع رزقك
توق : جد؟
فواز ؟ اكيد
توق بدلع حطت راسها على صدره وشدت عليه : طيب مافيني صبر قول لي وش المفاجئه
فواز بخقه وضحكه : توقي لا تخليني اخليك ماتحضري عرس اختك
توق بضحكه بعدت عنه ورفعت يدها بمعنى استسلم : لا لا خلاص اعلن استسلامي جلالتك
فواز سحبها من يدها له وباسها بقووه بعدت عنه و وجهها انصبغ من الخجل
توق بخجل : فواااز ياويل حالي شوف كيف صار وجهي كله منك
فواز : انشهد ان اللون الاحمر مازان الا عليك وبعدين عادي خلي وجهك يصير احمر تجيبين راسي بخجلك
توق : امممم والله؟
قربت بيشدها بس ركضت داخل وهي تضحك
فواز ابتسم وهمس : ياويل قلبك يافواز طحت على وجهك من دلعها
..........
مر العرس بشكل مميز كان كل شي حلو بالنسبه للبنات ماعدا غياب امهم كان تاركك فراغ كبير بالنسبه لهم بس وجود شمس وتوق خفف عليهم الالم
بالسياره عند توت و يوسف ابتسمت من حست بيده تمسك يدها وتشد عليها نطق بحنيه : انا عارف بشعورك ادري خايفه ومتوتره بس لا تخافين انتي بقلبي وعيوني
توت اسندت راسها على كتفه ويدها حاضنه ذراعه ونطقت بهمس مسموع : انا معك ما اخاف من اي شي بس في شي
يوسف : مابجبرك على شي انتي ماودك فيه
توت : يوسف عطني فرصه انت عارف اللي عشته مو قليل
يوسف : ادري حبيبتي وحاس فيه ومتفهم وضعك بس ابيك تحسين معي بالامان
توت ابتسمت ونطقت بحب: الله لا يحرمني
.............
عند تالين وعزام دخلت البيت متوجهه للغرفه فسخت عبايتها و حطت حور بسريرها ابتسمت من لفت وشافت عزام مستند على الجدار
تالين : شفيك واقف كذا
عزام : اتامل سيده بيتي
تالين : وما اشتقت لها
عزام بخبث قرب وشالها وحطها ع السرير واعتلاها ونطق بهمس : بموت من شوقي لها
تالين بخجل وخوف: عزام ياويلك تكون تفكر باللي في بالي
عزام : وليش لا
تالين : منجدك ؟؟ حور لسى صغيره
عزام : واذا ؟؟
شهقت تالين وجت بتقوم بس وقفها عزام
عزام: اشششش وين ؟
تالين : عزام لا تجن
عزام : من متى انتظرك والله اشتقت
تالين : اءءء بس يعني
عزام : اششش لا نتكلم خلي انفاسنا اللي تتكلم
قام وطفا النور ورجع لها وانتهت ليلتهم ....
.........
عند توق ركبت مع فواز السياره
توق بحماس : يلا وين المفاجئه
فواز: ناظري وراك
توق لفت للكرسي اللي وراها باستغراب : فواز شدعوه عليك يوم واحد بننام بالفندق جايب معك شنط السفر ليه
فواز بضحكة : لا صراحه ابهرتيني بذكائك
توق : اييش؟؟ ليش جايب الشنط
فواز ناظرها بطرف عين وضحك من سمع شهقتها
توق بحماس : بنساافر شهر العسل؟؟
فواز بضحكة: اي اي
توق تذكرت المفاجئه اللي قالت له عنها
توق : اءء فواز يصير نمر السوبرماركت
فواز: ليه حبيبي تبين شي
توق : اءء يعني قلت جوعانه تنزل تاخذ لي كم اكله
فواز : خلاص نروح مطعم
توق : فواز ابي سوبرماركت عادي
فواز : طيب على راحتك
وقف عند اقرب سوبرماركت التفت لها : يلا ؟
توق : احسني تعبانه انت انزل
فواز : توق انتي اللي تبين السوبرماركت مو انا
توق : طيب شفيها لو انت جبت لي يلا عاد فوازي
فواز: يلا امري لله وش تبين
توق : اي شي يسد جوعي
فواز: طيب يلا
نزل متوجهه للسوبرماركت اخذت توق جوالها بسرعه ودقت على الدكتوره كلها دقايق وجاها فواز لفت انتباهه من نزلت الجوال بتوتر
دخل السياره وحط الاغراض جنبها وناظرها : مع من كنتي تسولفين
توق : اءءء من يعني شسمه هو انا كنت اكلم توت
فواز بشك : توت بليله عرسها ليه تكلمك ؟
توق : شفيك تسال طيب
فواز: انتي منزلتني وماخرتنا عن المطار عشان تسولفين مع اختك ؟
توق : شدددخل لا
تنهد واشر على الاكياس : خذي كلي
توق بتسرع : لا مابي مو جوعانه
فواز بحده : تستهبلين انتي ؟؟ منزلتني ع اساس جوعانه واخر شي تقولي كذا
توق : شفييك عصبتت عادي يعني الحين حسيت بشبع
فواز : اللهم صبرك ياروح
توق : شفييك الحين ليش عصبت
فواز: تعرفي تسكتي ؟
توق : يع نفسيه
فواز : توووق
توق : خلاص سكتت فكني
حرك متوجهه للمطار وانظاره ما فارقت توق وكانه عارف انها مخبيه عنه شي
.............
بالمطار وصلو وخلصو الاجراءات دخلت توق وغيرت ملابسها بالحمامات ، مرت الساعات وركبت الطائره
توق : خليني جنب النافذه
فواز : وشوله ؟
توق : كيفي ابي اصور
فواز: بزر انتي ليه التصوير
توق : يليل يافواز اللي يشوفك بيقول شايب عادي كل البنات كذا
فواز : اجلسي اجلسي كذا والا فرقت معك يعني
جلست جنب النافذه استعدت الطائره للاقلاع
فواز ناظرها وشافها حاطه يدها على بطنها وكانها خايفه ع شي
فواز : توق ؟ شفيك حاطه يدك على بطنك يعورك؟
توق : اءءء اييي احس بطني يوجعني من التوتر بس عادي يعني اكيد بنسى كل ذا الالم دامك جنبي
فواز اكتفى بالابتسامه لها بس مازال مستغرب من تصرفاتها ابتسم من حس فيها تحط راسها على كتفه
توق : حنيه الكون كلها بحضنك ياحظي فيك
فواز باس راسها بحنيه ونطق : مدري مين المحظوظ
توق : برايي انا
فواز بهمس : بعدين اعلمك مين المحظوظ ياحلوه
توق: امممم حبيبي بسالك
فواز : سمي
توق : سم الله عدوك ، الحين اذا رحنا بيصير زي الافلام اجواء رومنسيه وكذا ؟
فواز بضحكة : يالله ياتفكير المراهقات
توق : وشو صدق اسالك وبعدين شدخل مراهقات
فواز: اوكي ياحلوتي ماله دخل بس باذن لله هناك تشوفي كل شي
توق : الله يصبرني
ابتسم وباس راسها بحنيه
..........
كتبو لي رايكم بالبارت في الكومنت ومتى حابين الختام تصبحون على خير 🤍.
