🕰️တီ....တီ🕰️
ရဲရင့်သွေး အနေနဲ့ဆက်အိပ်ချင်သော်လည်း ဒီနေ့လုပ်စရာလေးတွေရှိသေးတာမို့ မထချင်ထချင်နဲ့အိပ်ရာမှထလိုက်သည်။အရင်ဆုံးLaptop ဖွင့်လိုက်ပြီးနောက် emailဖြင့် cilent ဆီကို
နမူနာdesign ပုံစံပို့ပေးလိုက်သည်။ထိုနောက် ဖုန်းသံမြည်လို့ကိုင်ရန်ကြည့်လိုက်တော့...ကောင်းကင်မာန် ဖြစ်နေ သည်။
📱Morning....သွေး📱
📱 အင်း📱
📱 ငါအခု မင်းအိမ်ရှေ့မှာ📱
📱မင်းကမနက်စောစောစီးစီး ဘာလာလုပ်တာလဲ📱
📱မုန့်လာပေးတာလေ။မင်းအရင်တခါကောင်းတယ်ပြောတဲ့ဆိုင်က နို့အေးနဲ့
ဒင်ဆမ်းဝယ်ခဲ့တယ်📱
📱၁၀ မိနစ်နေရင် ထွက်ခဲ့မယ်📱
မုန့်ဆိုတဲ့အသံ ကြားလိုက်တာနဲ့တပြိုင်နက်ချက်ချင်း လေသံပြောင်းသံသွားတဲ့ ရဲရင့်သွေး။မုန့်လိုပြောလိုက်တာနဲ့ နှစ်ခါပြောစရာမလိုဘူးပဲ။
" ချက်ချင်းကို ရောက်ချလာတာပဲ "
ရေချိုးခန်းထဲမြန်မြန်ဝင်ကာ သွားတိုက်၊မျက်နှာသစ်ပြီးနောက် ခြံတံခါးရှေ့သို့ထွက်လာခဲ့လိုက်သည်။Alphard ကားအဖြူကို ကျောမှီထားပြီးသူ့ကိုပြုံးပြနေတဲ့ ကောင်းကင်မာန်။ တီရှပ်အဖြူကို အပေါ်က အနက်ရောင်ဂျင်းလက်ရှည်နှင့် style pant အညိုရောင်ကိုတွဲဝတ်ထားသည်။အသားညိုပြီးပခုံးကျော်တဲ့ ဆံပင်ကိုတဝက်စည်းထားတဲ့ သူ့ပုံစံကmodelတောင်အရှုံးပေးရလောက်သည်။
" မုန့်က ဘယ်မှာလဲ "
" မင်းမျက်နှာရော သစ်ခဲ့ရဲ့လား "
" သစ်ပါတယ်။မင်းကလည်း.... "
" ရော့... "
" ကျေးဇူးပါ...ငါသွားပြီ "
" နေအုန်း "
" ဘာလဲ "
" ငါ့ကို အိမ်ထဲမခေါ်တော့ဘူးလား "
" မင်းက ဒီနေ့အလုပ်မရှိဘူးလား "
" ဒီနေ့ နားရက်လေ။နောက်ပြီးမင်းကို တစ်ခုပေးစရာကျန်သေးတယ် "
မာန်....သူ့ကားနောက်ခန်းမှာထည့်ထားတဲ့အပြာရောင်လက်ဆောင်ဘူးလေးကို ယူလိုက်ကာသွေးရဲ့လက်ထဲကို ထည့်ပေးလိုက်သည်။လက်ဆောင်ဘူးကို
ယူပြီးနောက်သူ့ကိုကြည့်ပြီး မျက်ခုံးပင့်ကာဘာလဲဟု မေးနေသည့်သွေး ။
YOU ARE READING
မင်းဖန်ဆင်းတဲ့ ရင်ခုန်သံ
RomanceMain Lead Couple " ငါမင်းကို ချစ်မိနေတာကြာပြီလို့ပြောရင်မင်းဘာလုပ်မှာလဲ" * ကောင်းကင်မာန်* { Age - 26 Occupation - Chef Clothing Style - Freestyle & Well-dressed } " ငါတို့က သူငယ်ချင်းတွေလေ " ...
