في مكان ثاني
واقفه قدام بيتها و تناظره : اففف زمان عنه
دقت الجرس و فتحت لها الخادمه الي من شافتها فرحت و حضنتها
العامله : اشتقنا لك
سجى : يا روحي و انا اشتقت لكم كثير
ابتسمت العامله و راحت تقول لباقي العاملات ان سجى رجعت للبيت
كانو كل العاملات يحبونها لانها طيبه و متواضعه معهم
طلعت لغرفة خلود
سجى : وش جابك امس
خلود وهي تزفر : الواحد بالاول يقول سلام و ثانيا جنى صحبتي و جيت اشوفها
سجى : خلود لا نستهبل على بعض و انا حذرتك لا تقربين عليها
خلود : مالك حق تبعديني عنها مو لان حبيبتك جايه تبعديني و بعدين انا الي مفروض مني ابعدك عنها انتي الي بتئذينها مو انا و اساسا ماله داعي تكملين كلامك انا طالعه من بيتك و ما عاد ابي اعرفك ولا ابي يربطني فيك شي
سجى بصدمه من كلام خلود الاخير : يعني بتقطعين علاقتنا الي من انخلقنا و احنا سوا بس علشانها
خلود : زي ما انا اعرفك من سنين ف حتى هي اعرفها من سنين و انا ببعد عن اثنينكم ما بوقف بصفك ضدها ولا بسوي العكس انا نبهتها منك و انا بنبهك عليها يا سجى لو اعرف ان جنى تاذت شخصيا صدقيني ما بيحصلك خير و هذا انا نبهتك
انتي مشكلتك مع ابوها البنت مالك دخل فيها و بنسبه لك فما قلت لها شي عن مخططاتك بس علشان خاطر خالتي الله يرحمها لا اكثر
سكتت سجى وهي منصدمه وطلعت برا البيت متجهه للجامعه
__________
قبل كم يوم
نزلت سجى جنى عند البيت و اعطتها خبر انها بتروح لخلود
و على طول اتجهت لها سلمت عليها و قضت عندها اكثر الوقت الين بعد المغرب
كانت سجى مع خلود
سجى : وجع خير على فونك انا عندك خل نسولف
خلود : اكلم المعجبات
سجى : يع انتي باقي ع نفس اسمك الوهمي
خلود : يب
سجى : باد يعنني الغامض الخفي
خلود وهي تضحك : على زق ماله دخل بس ما احب اقول لاحد عني و كذا
سجى : قومي بس روحي جيبي شي بارد نشربه
خلود : من عيوني
قامت خلود تاركه فونها على الطاوله و بينما سجى جالسه و تقلب بالتلفزيون ازعجها كثر الرسايل الي توصل خلود
فسحبت الفون بنية تصمته بس لفتها حساب تعرفه
استغربت و فتحت الفون و دخلت الحساب و انصدمت لما تاكدت ان الي يرسل جنى
خلود : ورع وش تسوين بفوني
سجى بحده : خلود تعرفين جنى
خلود : اي جنى
سجى : خلود لا تلعبين علي تعرفين مين جنى
سكتت خلود و ما عرفت كيف المفروض منها ترد
سجى : طيب ليش ما قلتي لي
ضلت خلود ساكته
سجى : اليوم الي شفتي فيه صورتها وقتها عرفتي انها نفسها جنى الي اتكلم عنها صح
هزت خلود راسها بدون ما ترد
صمتها ذا هو الي زاد عصبية سجى
تهاوشو اثنينهم و طلعت سجى من عندها وهي معصبه .........
___________
ضلت تسوق وهي زعلانه و معصبه
ضايق صدرها من قرار صحبة طفولتها و كيف تهددها و كيف مقرره تقطع علاقتهم
حست نفسها صارت وحيده و مالها احد وهي الي مقضيه كل طفولتها معها و عارفه كل وضعها
ضلت تفكر الين وصلت للجامعه و خلصت اول كلاسين من يومها و طول الوقت ما شافت جنى
فتحت فونها و حصلت كم رساله من جنى شافتها و سكرت فونها مطنشه
اتجهت لورا كليتها و لبست سماعتها جلست عند شجره
