🍁أقدار ضائعة 🍁(باللهجةالجزائرية-التونسية)

part 7 🤍🦋

حاجة قبل ما تكملو تقرو ..فوت رجااءا هاذيك النجمة تاع التصويت كي تضغطو عليها صدقوني نفرح

نكملو......🙃✌

♡♡♡♡♡♡♡♡♡♡♡♡♡

Ilyas ~
بعدما هبطت لتحت نتفقد فالعمال و احوال المطبخ و النظافة لقيت حاجة ماعجبتنيش الطبق الي حاطين فيه لاسلاد دو فروي فيه مش مغسول مليح ..رغم الي كاين معاين للنظافة يشرف على هاذ الحوايج الا انو نحب نشوف بعيني ..المهم تنارفيت و العصب ركبني من هاذ الخدمة عيطت على المسؤولة مانحبش نعيط عليهم ولا نقلل منهم اما كيف توصل للاهمال فالخدمة مانعرف حتى واحد ..جيت خارج حتى نلقا طفلة واقفة عند الباب عينيها جاوني مألوفين كاني شايفهم قبل اما مش عارف وين ..تجاوزتها بعدما قلت لرضا يعاونها فجأة خزرت لشعرها كي درت هو شعر هاذيك الي كانت عند الوردة فالجاردان برا ..معقول هي ..بقيت سارح فيه مافقت كان على خزرتها فيا لملمت عينيا و كملت طريقي راجع لبيتي اما في طريقي لقيت اكره بنادم عندي ..
~~ رايح يتمشى بكل هيبة يديه داخل جيوبو فالكولوار الي يجمع كامل الغرف تاع ولاد العايلة و في نهايتو جناحو.. حتى تحل باب غرفة من وراه طلت منو ميساء ..الظاهر كانت تعس فيه من لالوب ..خرجت لاحقاتو تجري تعيط باسمو..  نسف كي سمع صوتها ..لحقاتو تتمشى معاه شادة في ذراعو
ميساء : الياس ..شبيك نعيط من قبيل ماسمعتنيش ؟!
الياس باقي يشوف قدامو : لا سمعتك و مليح ثاني
تبسمت تضحك ببسالة تلملم في كرامتها
ميساء : ههه باهي مش مشكل
وقف في بلاصتو و تنهد ممبعد دار شاف فيها ببرود و هي تتبسم و تنيم في عينيها ليه
الياس : وقتاش باش تفهمي ميساء و تحبسي لعب الغراوين هذا ..راني نكبر في قلبي و صابر عليك نقول بنت عمي مزالها  صغيرة و مش عارفة واش تعمل بالك المراهقة لحقتها روطار ..اما نتي زودتيها راكي ..واش باش نزيد نوضحلك اكثر من هك تحبي نقولهالك نقولك الي انا مانحب.....
بقات تسمعلو و عينيها بداو يدمعو من كلامو الي يقطع في قلبها كانو سكين ..كل تجريحو عداتو اما كي فهمت منو الي باش يقول انو مايحبهاش ماقدرتش تزيد تسمع ..ماقدرتش تزيد تتجرح اكثر بهاذ الكلمة بالذات ..ثقل هاذ الكلمة على قلبها باش يدمرها اكثر ماهي مدمرة...كلما حبت تفهم روحها نفس واش قال ماقدرتش قلبها يحكي في عكس هذا ..قلبها حبو مالصغر و مش قادر يحب غيرو و لا حتى يستوعب انو مليهش مقابل عند الياس..عارفة هذا اما مش حابة تعترف بيه لنفسها فمابالك تخليه هو يعترفلها بيه..كل الي قاللها مخها في هاذ اللحظة انو تسكتو ..ترمات عليه تبوس فيه..اي لقات البوسة افضل حل..وقت حطت شفافها على شفافو دموعها طاحو يجرو كانهم يستنو في حاجة تعيطلهم باش ينزلو..رغم هذا الا انو عجبتها اللحظة هاذيك طلعت يديها لرقبتو مكبشة فيه اما هو بقا مصدوم من واش بنت عمو قاعدة تعمل ..بقاو عينيه يرمشو و بدنو تشل مش لانها أثرت فيه بالعكس من صدمة الموقف..صح يعرف مشاعرها من جيهتو و كلما حاول يصدها تكبش اكثر اما ماكانش متوقع لهاذ الدرجة باش تتجرأ ..حواجبو نعقدو و عروقو برزو طلع ذراعو يحاول يبعدلها ذراعتيها على رقبتو و هي لصقت ماطلقاتو حتى كي سمعت صوت المصعد من وراهم حمد ربي الي البنادم هذا جا فالوقت ذاك و منعو و الا كان راح يتخنق
~~ اثر الصدمة شلني .ماقدرتش نصدق جرأتها و وقاحتها باش توصلها تعمل هكا ..و زيد على هذا لصقت فيا حسيت روحي راح نتخنق تقول اخطبوط لصق في وجهي يشطف فيه ..حمدت ربي وقت طلع المصعد و خرج منو عبد و الا كنت راح نقعد هكا بعدت عليا زعما حاشمة مسحت دموعها و هبطت راسها تتبسم و انا نشوف ..$@$#% طالعلي للراس ..عينيا ظلمو من هاذ المهزلة حبيت نعيط حتى تفكرت الي ماراناش وحدنا ..دورت راسي نشوف شكون حتى نتصدم بالطفلة هذيك صاحبة الوردة بقيت نشوف فيها و فهمت من ملامح وجهها واش كانت تخمم في مخها و زدت تأكدت كي نطقت
ملك : سامحوني يا عصافير الحب فسدتلكم المشهد أما الله غالب واش باش تعملو راكم مع ناس متخلفين كي يشوفو مناظر كيفكم لوكان يصيبو يتفلو عليهم فالوجه.. يا متخلقين انتم
و كملت داخلة لبيتها