معليش ع السحبه ي الشـيّوخ بس والله فتره فقدت شغفي حرفيا ف الكتابه و ان شاء الله بنرجع رجعة قويه
قراءه ممتعه 🙈✨.
*
*
*
*
تنهدت وقالت : طب ايش صار على سالم
ضحكت وقالت : تعالي ندق عليه
دقت عليه و مامرت الا كم دقيقه و رد عليها ابتسمت و حطت سبيكر الي مستحيل تتعايش بدونه : سلومم
رد وقال : هاه
اميره : اوف شفيك منفس
سالم : شسوي هنا
اميره : اهجد ترا بكره ترجع
ضحك وقال : ادري نفداس ، عسى ما شر
ضحكت و قالت : ابد الجيران يسألون عنك
شهقت نجد بصدمه : امييره
فتح عيونه بصدمه وقال : أحلفي
اميره : اي والله
سالم : ليه هي عطتس الجواب حق أمس ؟
قفلت اميره الاتصال فوجهه
نجد : اميره الله ياخُدِك
اميره : نجد ترا وربي اعطيتس واحدن على وجهتس الحين مسويه تستحين وشو
نجد : اشبك انتي انا بعدني م قُلت لُه إذا احِبُه او لا !!
صدت وهي تستغفر و طلعت ، و جلست نجد تفكر
-
اليوم الثاني تحديدا صباحاََ فـ الشركه >>
دخل غيث مسرع لانه جاء متأخر ، صادف نادر و ابتسم يسلم : السلام عليكم
ابتسم النادر و رد : عليكم السلام ، متأخر هاه
ضحك غيث و ضربه ع كتفه : بسوي نفسي م شفتك وانت داخل ، ضحك نادر وقال : ايه استر استر علينا
ضحكوا و طلعوا للطابق العلوي و اتجه كُلاََ منهم على مكتبه ..
-
فـ بيت ابو سلطان تحديداََ
سالم : الحين من الي بيرجعني هناك
فهد : والله عاد مالي شغل خليف تصرف فيه
شرق ب الشاي وقال : و الشغل يرجال
هرب مسرع و طلع وهو يضحك : يخصمون عليي
زفر سالم وقال : استغفرالله العظيم ، كلم غيث انت قل له بتوديني و بترجع ع طول
خلف : م عليك ازهلني يبو مشاري
ضحك وقال : حي عينك يبو سيف
وقف يعدل شماغه و قال : مشينا
سالم : ذلحين؟
خلف : اجل متى ترا مب فاضي لك
سالم : طيب اصبر
طلع خلف و ركب للسياره و طلع سالم وراه
-
فـ جِده تحديداََ
متجمعين كلهم بـ الحوش مع سوالف و ضحك
الجده بشرى : مطولين؟
ام سلطان : لا والله
ضحك وليد وهمس لـ سُميه : والله ذي طرده محترمه
شرقت سُميه ضحك وقالت : اي بالله
ضربتهم ام سلطان بخفه وقالت : بلا قلة أدب
ام فهد : سُميه نفداس اطلعي صحي البنات خلهم ينزلون نتجمع كلنا
أشرت على خشمها وقالت : على خشمي
ابتسمت وقالت : عليه الشحم
طلعت سُميه و دخلت عند اميره و نجد و أديم : قووموا انزلوا تحتت حدكم نووم نوم
اميره : اههخ طيب جايين
-
-
-
و فـ بيت محمد و الديّم
ابتسمت تجهز الفطور و قال : عندس شي اليوم؟
ديم : ايه بنزل عند جوهره
محمد : و زوجها مب فلبيت ؟
ديم : شدراني انا
زفر وقال : طيب متى ؟
ديم : اصبر باقي مو لحين بعد صلاة العصر
محمد : طيب
ديم : م ودك تفطر ؟
جلس وهو يلبس حذيانه : لا والله مستعجل
زفرت بهدوء و قالت : طيب
-
فـ الطريق مع سالم و الخلف فـ السياره
خلف : قالت لكم جدتي كم جالسين ؟
ضحك وقال : والله على حسب معلومات اميره انه شهر
فتح عيونه بصدمه وقال : الي تقوله صدز !!!!!
سالم : اي بالله ذا الي خابر به انا
خلف : واكبدي كبداه صدز
سالم : يقعدون هم حن شدخلنا فيهم
خلف : صح لسانك
ضحك وقال : صح بدنك
-
فـ بيت الجده بشرى
ام سلطان : ي بشرى مشينا للحوش
الجده بشرى : تمام مشينا
-
فـ الصاله تحديداََ
متجمعين يسولفون ، م حسوا الا بصوت ضحك بـ الحوش فزت اميره وقالت : والله صوت مب غريب !!
بيان : ودي اقوم اشوف بس شسوي ب سيف الحين
ام فهد : اهجدي انتي وياها
دخلت سُميه وهي تضحك : اهخ يربي
ريهام : منو برا ؟؟
دخلت أديم وراها : جاء سالم و معاهُ واحد
سُميه : واحد بعينس خلف ذا
فزت بيان بصدمه : خلف خلف ؟؟؟
سُميه : ايه ايه
انصدمت وقالت : وش جابه
سُميه : هو يلي جاب سلوم اخوي
فتحت بيان الدريشه بشويش تعاين و عبست بوجهها من شافته ب الحوش مع سالم و جدته : ليه م يدخل طيب
أديم : قال اِنُه مِستعجِل عِندُه شغل مدري ايش
دخلت عليهم نجد الي توها صاحيه : اشبكم ؟
اميره : ابد والله
نجد : ايش بتسوون عند الدريشه ؟
سُميه : نعاين خلف و سلوم
قطبت حاجبها وقالت : سلوم ؟
ضحكت اميره وقالت : ايه ايه سلوم جاء قبل شوي
ابتسمت بخفه وقالت : اها تمام
ام خلف : قوموا جهزوا الشاي
ريهام : ان شاء الله
مسكتها ام فهد و ضحكت : انتي مكانس هنا منتي رايحه تسوين شي اهجدي
ريهام : ي خاله م عليي شي خلني اساعدهم
سُميه : صادزه امي م فيه اجلسي لا درا فهد يويلنا
ضحكت وقالت : خلاص طيب
دخل سعود عليهم وقال : هاتو سيف ابوه يبيه
بيان : وليه ابوه م يدخل ؟
ضحك وقال : اسأليه
طلع سعود معاه سيف و نزل للحوش
-
فـ الشركه تحديداََ
غيث : هاه حمود شخبارك هالحين ؟
ابتسم وقال : نحمد الله على السلامة والعافيه
مسعود : جعله دومم وانا اخوكك
نادر : يخوان تكفون خل نسافر انكتمت وربي
غيث : م سمعت شي سمعتوا شي انتم ؟
لؤي : نويدر خل نخلص الأشغال و يصير خير
مُلهم : ذياب و الخلف مالهم حس ؟
نادر : ايه خلف داق علي قبل شوي قال انه راح يوصل ولد عمه ، عقد مُلهم حاجبه وقال : و ذياب ؟
غيث : ذياب م قال شي بس ان شاء الله خير
مُلهم : ان شاء الله
نادر : ايه وانت غيوث شصار على البنت الي بتخطبها
تنهد وقال : والله انت خابر الأحوال حمود توه طالع و أهل الخلف برا الديره و الشكوى لله
مسعود : م عليك وانا اخوك تقدر ان شاء الله
غيث : واذا البنت م تبغاني ؟
نادر : يولد خلك إيجابي شبلاك كذا
غيث : ان شاء الله ان شاء الله
-
و عنـد الجوهره و ديم و اريام
اريام : اهه والله الديره بدونهم م تسوى
الجوهره : اي والله انس صادزه
ديم : معقوله بيقعدون شهر !!
الجوهره : م ظنتي لان اميره قالت نص بيقعدون و نص بيجلسون مدري عنهم
ضحكت ديم وقالت : اولهم ريهام وبيان هههههههههههههههههههههههههههههههههههههههههههههههههههههههههههههههههههه
اريام : ايه ديوم و جوجي شصار معكم
الجوهره : ابد ف البيت مع نجودي
ابتسمت ديم وقالت : وانا من يروح حمود الشغل اروح لأهلي او انزل عندكم
اريام ضحكت وقالت : لو البنات هنا جدولنا عليهم
الجوهره : اي والله صادزهه ، لهم وححششه
تنهدت ديم وقالت : اي بالله حتى نيلو و خواتها سحبوا
ضحكت اريام وقالت : أدق عليهم؟
الجوهره : لا لا وين اهجدي يمكن مشغولين
اريام : امم طيب
-
و فـ بيت الجده بشرى
طارق : اوف سالم متى جيت ؟
سالم : يوه سلامات والله قبل شوي جيت مع خليف
ضحك وقال : الحمدلله على السلامه
ابتسم وقال : يسلمك من كل شر
عزام : اوه شعندكم
طارق : اقول مشينا للحوش
عزام : البنات هناك !
وليد : شدخلنا ب البنات نقعد عندهم حنا وشو
ضحك عزام وقال : زين امش
سالم : اطلعوا انتم مالي نفس اطلع
سعود : وليه حضرتك ؟
تقدم ينسدح بـ الكرسي زفر بهدوء وقال : مصدع والله
طارق : خلك لا بغيت شي نادنا
ابتسم وقال : تمام
-
و فـ الليل عند بيان تحديدا ، تدق على خلف متوتره من اليوم م يرد ولا يستلم الرسائل ، دقايق و جاها اتصال منه فز و ارتعش قلبها من سمعت صوته : أرحبي يادهر قلبي و رجعانه
ابتسمت بهدوء وقالت : البقى يحبيبي ، وينك مختفي
ابتسم يتكي على الجدار وهو يسمع صوتها : ابد ي عيونه والله جوالي صامت و الشغل كثيف هاليوم
زفرت بهدوء وقالت : خوفتني احسب صار شي ، بعدين تعال ليه جيت انت و سالم ولا فكرت تدخل اشتقت لك ترا !!
ضحك بِحُب وقال : ي نوم عيني والله تسجل علي تأخير ولا الود ودي ادخل ولعاد ارجع
ابتسمت وهي تسمع ضحكته : طيب ، متى جايين
تنهد وقال : ان شاء الله بكره
فزت تنط من الفرح : امانههه
ابتسم وقال : بشويش على نفسس ، ان شاء الله جايين الظهر انا و فهد
ابتسمت وهي تحاول تلقط انفاسها : اههخ ان شاء الله
ضحك وقال : روحي اشربي ماء نفداس ،
ابتسمت وقالت : طيب ، الحين توك راجع رح نام
ابتسم وقال : زين ، انتبهي لس و لـ سيوف ولـ الي فـ بطنـ .. ضحكت و قاطعته : وصلت المعلومه خلاص
طاح يضحك وقال : ايه زين يلا فمان الله
ابتسمت وقالت : استودعك الله الذي لا تضيع ودائعه
قفلت المكالمه بِحُب و حطت رأسها تنام و جمبها سيف
-
و عند البنات سهرانين بـ الصاله تحت يضحكون و يسولفون , و العيال بـ المجلس يلعبون بلوت مع ضحك سوالف و طقطقه ، و الباقي نايمين
-
عند ديم المحمد فـ البيت
دخلت للغرفه و شافت محمد جالس بـ الكرسي ع جواله ابتسمت وهي تنثر شعرها الحرير الي يجذب محمد
لفت وقالت : حمود بتنام ؟
ابتسم وهو يحاوطها من خصرها و باسها على خدها : لاجت حمود منس اضيع انا اضييع ي ديّميي
ابتسمت وقالت : لاجت الديمّمي منكك ادوخخ انا
ضحك وقال : ي بعد هالدنيا انتي ، ايه بنام
زفرت بهدوء وقالت : الصداع لعب فيني حتنا بنام
قرب محمد و انسدح على السرير ضحك وفتح حضنه لها بمعنى ( تجي لـ حضنه ) ابتسمت و قربت انسدحت على صدره وهو يلعب بشعرها
-
عنـد اميره و نـجد بـ الغرفه
نجد : الحين صِدق م شُفتي غيث صار لك فتره !
اميره : تستعبطين !! شلون اشوفه وانا وين وهو وين
ضحكت وقالت : م عليه ان شاء الله حيُخَطُبِك
زفرت وقالت : ان شاء الله كل خير
طلعت نجـد للمجلس الخلفي تجيب الشاحن ، تجمدت من شافت سالم موجود هناك زفرت بهدوء و دخلت بهدوء م تبيه يسمع حسها ، اخذت الشاحن بهدوء و لفت تبي تطلع م حست الا بيده تمسكها من وراء طاح قلبها وهو يقول : اميير...ه
لفت بصدمه وابتسمت بخوف وقالت : سَـم؟
تجمد وهو يشوف شعرها البُـني الي خطف قلبه و الشامه الي على خدها من شافها لأول مره وهو هايم فيها ، نجد : اشبك تطالع كدا ؟ تبا شي !!
ابتسم وهو متخدر فـ جمالها وقال :
فـيَ كـفها خاتـَم .. وفـيَ خدها خال
وفـيَ عينها غيم .. و عمـارات و بيوت
*
ابتسمت وقالت : صح لسانك
فز وقال : صح بدنس ، شسمه وش كنتي تبين
ضحكت بهدوء وقالت : ابد والله جيت اخُد الشاحن حقي نسيتُو هِنا ، انت ايش كُنت تِبغى ؟
ابتسم وقال : ابغاس انتي والله .
نجد : يـ سالم ايش قُلت لك قبل !!
قرب منها هي تحس بـ انفاسه و ريحة عطره العـود وصلت عندها ، وهو كـذلك يتأمل جمالها الي عجز يوصفه وقال : نجد تكفين والله يشهد علي اني حبيتس ! تكفين اخاف تروحين لـ غيري ي نجد والله اني تعبت من بعد الجوهره ولا ابي فقدانس ! انتي إذا م تبيني قولي من الحين لا تعوديني عليس ي نجد مانيب مستعد اعيش ذاك الشعور من اول و جديد
تنهدت وقالت : سالم تكفى خلاص
ابعد عنها و جلس على الكرسي وهو حاس بخيبة آمل وقال : طيب حفظس الله
نجد : سسـال.....
وقف صد عنها و طلع من المجلس ، طاحت دموعها وهي تحس انها كسرت قلبه ، طلعت مسرعه لـعند اميره و ضمتها بقوه ودموعها تنزل ورا بعض : اميييره والله ان م كان قصدي والله فهمني غلط !!
انصدمت اميره من المنظر وقالت : شفيس بسم الله
نجد : سساللمم سالمم
فزت برعب وقالت : يمه سلوم شفيه
نجد : ششف..ته ب المجلس و كلمني بس والله م قصدي ازععللهه ي اميره والله
مسكت اميره على قلبها بخوف وقالت : شقلتي له
جلست نجد و شرحت لـ اميره الحوار بـ الكامل
اميره : م عليتس نشوفه بكره خير ان شاء الله نامي الحين لا تخافين م عليه شي
نجد : أميرههه حتُجلُطينيي انا سمعته ب اذني وهو يقول تعبت من بعد الجوهره ولا ابغى افقدس و اعيش هداك الشعور
اميره : بكره ينسى
دخلت سُميه و هي سمعت كل الحوار وقالت : معليش نجد و أموره ع المقاطعه بس سلوم اخوي و اعرفه م ينسى شي ضايقه او حز ف خاطره و اكبر دليل للحين م نسى الجوهره
نجد : هيا خُدلك التانيه ترا الي فيني كافيني
سُميه : وهو صادز م تبينه قولي من الحين لا تعودين اخوي عليتس و تكسرون قلبه بعدين انا م عمري شفت خواني تطيح دموعهم من اي شي الا سالم اخوي من بعد الجوهره الولد م يبغى يرجع لشعور ذاك
-
يُتبع
-
معليش ع السحبه ي الشـيّوخ بس والله فتره فقدت شغفي حرفيا ف الكتابه و ان شاء الله بنرجع رجعة قويه
و اعتذر مره ع القطعه رح اتأخر ف التنزيل لان المدارس جت و بنشغل جدا 😋💙💙.
أنت تقرأ
كل الامان في حُبك وكل الاماني قربك
Randomرواية كل الامان في حُبك وكل الاماني قربك للكاتبة : رهف القحطاني ✍🏻 - ثاني إنطلاقه لي 🤎. - ترقبوا معنا الروايه ✨.
