"ترياق_قلبي"

البارت الثاني

علاء بقلق : ها يادكتور في اي طمني
الدكتور بابتسامة مطمئنه : الحمدلله جت سليمه المرادي بس هي السكر عندها وطي شوية
نوران: انا شربتها عسل اول مالقيتها كده وجبتها علي طول وكمان جبت العلاج بتاعها عشان لو حضرتك هتغير النظام بتاعها او كده
الدكتور: كويس انا فعلا هضيفلها نوع برشام وهغير في نظام العلاج شويه وياريت متسيبوهاش لوحدها عشان لو السكر وطي عندها اوي بعد كده وملحقنهاش لاقدر الله ممكن تروح فيها  اشكرُ المدام المرادي انها لحقتها في الوقت المناسب والله، وياريت حد منكم يتفضل معايا جوا اكتبله العلاج وافهمه نظام العلاج اللي هتمشي عليه
علاء بهدوء : هاجي انا.
ثم نظر ل نوران قليلا، قبل أن يتحرك ل تقطع نوران طريقه.
نوران بمقاطعه وعصبيه بعض الشيء : لا انا اللي قاعده معاها ومتابعاها هدخل مع الدكتور يفهمني هتاخدو ازاي وانت ابقا انزل اشتريه،
لتتابع كلامها إلى الدكتور القابع أمامها :  اتفضل يادكتور انا جايه معاك
وبعد مرور عشر دقائق خرجت نوران من الغرفه ثم اعطت الروشته لعلاء. حادثت علاء بهدوء وقالت:
انا هاخد طنط عندي فوق طول النهار عشان انت بتكون في الشغل وهي محتاجه رعايه وانا مش هعرف اكون تحت عشان الشقه وشغلها وكدا فهتكون معايا فوق افضل
رد عادل سابق اخيه علاء : تمام انا معنديش مانع بس بالله عليكي يامرات اخويا تاخدي بالك منها واي حاجه تحصل تكلميني على طول دا هي اللي باقيالي
نوران بطمانينه : متقلقش واي جديد هبلغك بيه زي انهارده اكيد
ذهب علاء ليحضر أدوية والدته ثم قال علاء بفضول 
تسلمي يانوران، بس معلش عندي سؤال هو انتي لي معرفتيش علاء ان ماما تعبت وف المستشفى زي ماعرفتيني
نوران بتوتر و كذب : لا لا انا اصلي اتصلت عليه بس كان موبايله مقفول تقريبا مكنش عنده شبكه فكلمتك
عادل بشك : تمام انا هدخل اطمن علي ماما واما علاء ييجي هنرجع البيت عشان انا مجبتش عربيتي
نوران: تمام
عاد الجميع للمنزل وذهب علاء لغرفة النوم وجلست نوران ووالدة علاء في غرفة الاستقبال ثم احضرت نوران الطعام لوالدة علاء واعطتها دوائها كما قال لها الدكتور وجلست بجانبها حتى ذهبت في نوم عميق وذهبت لتغير ملابسها

علاء بخضه: ماما حصلها حاجه
نوران بهدوء واطمئنان: اهدا ياعلاء طنط كويسه كلت واخدت علاجها ونايمه دلوقتي انا جايه اخد هدوم ليا وخارجه تاني نام انت
علاء باستغراب : مش هتنامي هنا!
نوران بهدوء: لا هنام برا مع طنط
علاء: لا نامي هنا وانا هخرج انام برا واخد بالي منها
نوران بتعب: لو سمحت ياعلاء انا مش قادره اتكلم واجادل كتير نام وانا هخرج ولو في حاجه هصحيك تصبح على خير
تركته وذهبت لتغيير ملابسها ثم ذهبت بعد ذلك بجانب والدته النائمه وبدات في الحديث بداخلها بحزن :
عارفه ياطنط انتي اللي خليتي علاء اتجوزني وبعدها حبيته معرفش لي مع انه معاملنيش حلو حتي كان دايما يدايقني ويقلل مني ومحسسني بنقص بس انا حبيته ومكنتش اعرف انه علي علاقه بواحده تانيه قبل الجواز بس مش هتفرق كتير اهو عارف واحده ومكمل بس عارفه ياطنط هو طيب اوي واحيانا بيصعب عليا عشان كده انا خدت قرار اني هبعد عنه قريب اوي وهحرره من العلاقه اللي هو مغصوب عليها دي وارجع انا لحياتي الطبيعيه ومن هنا لوقتها هحاول بقدر الامكان اني اسيب اثر حلو ف قلوبكم حتى لو حد افتكرني يفتكرني بدعوة حلوة انا من يوم مادخلت عيلتكم وانتي بتعامليني كويس جدا وبتحترميني بس ابنك لا بس عادي هو معاه عذره برضو اصل وجع القلب مش هين ووجوده مع واحده عمره ماتمناها اكيد وجعه جدا بس خير ربنا كبير اوي وليه حكمة في كل شيء مبسوطه انك بتحبيني ومبسوطه اكتر ان في حد ف العيله دي متقبل وجودي

انتهت نوران من الحديث مع تلك النائمه وذهبت للنوم في الجانب الاخر من الغرفه لكن استوقفها طرق الباب برفق فقامت لتفتح
في حاجه ياعلاء!؟
_اه جيت اقولك ان مرام جايه بكرا هي وجوزها عشان يطمنو على ماما عادل قالهم انها تعبت وجايين يشوفوها
نوران باقتضاب : تمام حاجه تانيه!
علاء بتوتر: لا لا اقصد اه بصي انا مش بخير وحاسس ان حرارتي عاليه خدت شاور ميا ساقعه وحاسس بسوخنيه جامده ف جسمي لو عندك علاج للحراره العاليه ممكن تجيبيه!؟
اقتربت نوران منه ووضعت يدها على جبينه برفق لتطمئن
لتشهق بخضه : يلهوي حرارتك عاليه اوي طب تعال هجبلك علاج واعملك كمادات
_لا هاتي علاج وخلاص
سحبت نوران يدي علاء بخفه : ممكن تسكت؟
نظر علاء ليدي نوران الممسكه به ليحاول سحبها بخفه : طيب بس انا عاوز علاج وخلاص.
مسكت نوران يده مره اخرى لتحسه على الحراك مردده: برضو بتتكلم تاني!
استسلم علاء لها مجيب :سكت اهو اما نشوف اخرتها
مدت له يدها ببعض الأدوية : خد من دا برشامه وانا هشغل التكييف
ثم احضرت نوران اناء واسع به ماء مثلج وقطع ثلج وجلست بجواره
_نوران لو سمحتي انا مش عاوز حاجه تاني شكرا
نوران بضيق: طيب انا اسفه التلج والميا اهم واعمل انت كمادات لنفسك بس اعملها عشان تمتص حرارتك العاليه وتهدا شويه واسفه مره تانيه لو دايقتك عن اذنك
تركته نوران وذهبت لغرفة الاستقبال واستلقت بجسدها على السرير لكن لم تنم من كثرة التفكير في علاء ومرضه وتلك التي يحبها وكم هي محظوظه بحبه لها ثم تذكرت حالتها ووضعها ومكانتها في حياته وتنفست بضيق وقالت بحسره: يارب فوضت أمري ليك ووكلتك أمري وانت خير وكيل يارب فرج كربي وكرب كل مهموم يارب
ثم ذهبت نوران في نوم عميق من بعد ارهاق اليوم بأكمله كي تستعد لليوم التالي

في غرفة علاء كان متسطح فوق سريره وشرد قليلا في خياله لكن قطع شروده صوت اتصال هاتفه فكان المتصل هو مريم لكنه لم يجيب على الاتصال وترك الهاتف صامت حتى الصباح

في منزل والد نوران: 
هناء بقلق: ماما انا حاسه ان نوران مش بخير
الام: لا هي كويسه انا كلمتها امبارح
هناء باعتراض واصرار : لا ياماما نوران مش بخير انا بحس بيها دايما ممكن تبان بخير لكن هي نفسيا مش كويسه
الام بعدم اهتمام لحديثها: يلا بس صحي مصطفى يصلي الفجر هو وابوكي في المسجد واتوضي وتعالي نصلي والصبح ان شآء الله نكلمها
هناء: حاضر
انتهى الجميع من صلاة الفجر وخلدو للنوم مجددا
في بيت نوران انتهت من صلاتها وجلست تقرا في كتاب الله العزيز بصوت رائع وتجويد فاستيقظ علاء على صوتها وجلس مكانه يستمع لصوتها العذب في القراءة بارتياح شديد وطمأنينه وبعدما انتهت من القراءة ذهبت لتتفقد حرارة علاء، قامت بدق باب الغرفه بهدوء
انا نوران ادخل!
_اتفضلي
نوران بتهتهه: عامل اي دلوقتي جسمك هدي شويه
_اه الحمدلله العلاج اللي اديتيهوني حلو جاب نتيجه وقيست حرارتي من شويه لقيتها طبيعيه
نوران: الحمدلله الف سلامه عليك
_الله يسلمك
عن اذنك
_نوران استني، اممم كنت عاوز اقولك شكرا على رعايتك لماما وليا
لا شكر على واجب انا معملتش غير واجبي
_صوتك حلو اوي في القران
نوران بخضه: مين انا!!
_ايوه صوتك جميل ونقي صحيت عليه وحسيت براحه وانا بسمعه
نوران بخجل: شكرا واسفه عشان صحيت بسببي تقدر تكمل نوم تاني انا خارجه ولو احتجت حاجه خبط علي باب الاوضه او نادي عليا
_لا خالص ولا يهمك بالعكس حبيت بداية يومي بسببك، و اه حاضر لو احتاجت حاجه هناديلك
تمام
خرجت نوران من الغرفه ونبضات قلبها تتسارع وهي تشعر بسعادة غريبه لم تشعر بها منذ بداية زواجها لكن لم تكتمل سعادتها هذه المره أيضًا...

يتبع..