لم تدم فرحة نوران طويلا لانها سمعت زوجها يحادث تلك اللتي تدعي مريم وشعرت بالغيره ثم تركت الغرفه وذهبت لتحضر الطعام
في غرفة علاء كان علاء يحادث مريم بهدوء
_ماشي يامريم هحاول بس مااوعدكيش اجي
انت مردتش عليا ليه امبارح كنت قلقانه عليك اوي
_انا كويس بس حصل شوية حاجات كده ومعرفتش ارد عليكي
طيب يالولي بس هستناك تعالي عاوزه اشوفك
_حاضر قولتلك هحاول يلا سلام
هتوحشني
_وانتي كمان باي
باي ياروحي
كانت نوران تحضر الطعام وجاءها اتصال من مرام (اخت علاء)
ايوا يانونو عامله ايه
_الحمدلله ياقلبي انتي عامله ايه
الحمدلله بخير طمنيني ماما عامله ايه دلوقتي
_طنط كويسه الحمدلله، هتيجي على امتا كده
ممكن على الساعه تلاته اجيب احمد واجي اطمن عليها
_ماشي ياقلبي هستناكي
تمام يانونو عرفي علاء لو وراه شغل او حاجه ينزل وميستنانيش انا ممكن اتاخر برضو
_متشغليش بالك انتي بس وتعالي
هاجي وعندي مواضيع كتير احكيهالك
_مستنياكي انتي ومواضيعك ربنا يستر المرادي
هيستر هيستر متقلقيش
_طيب يلا باي هخلص تحضير الاكل واكلمك
طيب باي
انتهت نوران من المكالمه واكملت تحضير الطعام
علاء: خلصتي
نوران بخضه: لا انت اي جابك المطبخ
علاء: هو ممنوع؟
نوران بهدوء: لا، هخلص واجيب الفطار ليك ولطنط
علاء بدهشه: طيب بس عينيكي وارمه لي انتي كنتي بتعيطي؟؟!
نوران بكذب: لا ده عشان منمتش كويس متشغلش بالك
علاء بعدم اقتناع: طيب انا خارج
تمام
في منزل والد نوران:
مصطفى: ماما انا عاوزك في حوار
الام: في اي ياحبيبي
مصطفى: يوسف صاحبي عارفاه!
الام: اه ماله
مصطفى: كلمني على هناء وانه عاوز يتقدم وانا شايف انه كويس دا صاحبي بقالي ست سنين وانا عارفه وعارف اهله وماشاء الله تعليمه كويس وشغله ومرتبه كويس وعنده بيت بتاعه هو وعيشته مرتاحه وكمان محترم جدا وعنده دين وبيتقي ربنا في معاملته مع الكل وبيحترم والدته واخته وعقله ماشاء الله ناضج وكويس جدا من وجهة نظري انتي اي رايك
الام: والله يابني الشاب كويس ومن جهتي مش ممانعه بس هكلم هناء واشوف رايها ولو معندهاش مانع هقولك تكلم ابوك ويوسف
مصطفى: تمام ياماما مستني منك رد
ــــــــــــــــــــــــــــــــــــــــــــــ
هناء: عارفه ياهدي انا من امبارح مش عارفه اذاكر محاضراتي وحاسه ان نوران فيها حاجه وعاوزه اروحلها بتصل عليها مبتردش هي عارفه اني بعرف حالتها من صوتها عشان كده مبتحبش تكلمني وهي مدايقه او مخنوقه
هدي: ان شآء الله خير ياهناء ذاكري عشان خلاص اسبوع والتاني ونلاقي نفسنا بنمتحن فاينل واحنا على الله اصلا
هناء: بحاول بس من التفكير مش عارفه اركز
هدي: لا اهدي وحاولي تقنعي طنط وتروحي تطمني علي اختك
هناء: اما ارجع البيت هكلمها تاني
هدي: خير ان شآء الله
في منزل علاء كان يجلس علاء بجوار والدته ويتناولا الفطور بينما كانت نوران تنظف غرفة علاء ووجدت هاتف علاء في الغرفه فتركته يكمل شحن لكن بعد دقائق قليل استقبل الهاتف رساله محتواها انت اتاخرت ياعلاء وشكلك مش جاي انا مستنياك ف الكافيه لو مش جاي عرفني امشي ثم استقبل مكالمه من مريم فحملت نوران الهاتف ثم وضعته بجانب علاء
أنت تقرأ
"ترياق_قلبي"
Short Story"وجود شخص يدعمك نفسيًا ويطمنك طوال الوقت، شيء لا يُقدَّر بثمن". ❤️ من قال ان الحب هو الحب الأول؟، لم تكن حبي الاول ولكن هي أتت لتصبح الأول حقاً والأخير، أتت هي لتصبح ترياق قلبي ودواء روحي، أصبحت هي الداء والدواء، ملاكي الحارس، هي كل شيء في الحياة، ل...
