مستشفى القلوب (محطة القدر)

المَحطة العاشرة

تبتسمين فيفقد الليل وعيه ويكتم

القمر تنهده ويسقط من السماء نجم

ربما عجزت روحي تلقاك، وعجزت

عيني ان تراك ولكن لم يعجز قلبي

ان ينساك فأذا العين لم تراك فالقلب

ابداً لن ينساك احبك جدا لا تسألني

ما الدليل أرأيت رصاصة تسأل القتيل

________________________________________

لَيـاࢪ _ درت وجهي حتىٰ أشوف منو الي سحبها و كان أشوف ࢪجـل هيأته ضخم و طويل ما ࢪكزت بملامحـه بالبدايـة گال :-

آلـن _ ؏َـفواً منو أنتِ و شنو داتنطيـن للطفل؟!

لَيـاࢪ _ أنا نزعت اللابكوت قبل لا أضمد جࢪح الطفل لذلك ما عࢪف أنا ممࢪضة و عباله أࢪيد أضࢪ الطفل ، أنا ممرضة لا تخاف هذا لابكوتي و تگدࢪ تسأل الممࢪضة ࢪَهـف و السكرتيࢪة إذا ما تصدگني حضࢪتك و كنت أعالج الطفل و حبيت أقدمله هدية و أفتح النوت و الهدية و تأكد منها , عبالي ࢪجل أمن لذلك شࢪحتله الموقف..

آلـن _ آهاا ؏ُـذراً مقصدي أشك بحضࢪتچ و أقلل من احتࢪامچ بس مشايفچ متواجدة هنا و لأن ملابسة اللابكوت شكيت بيچ..

لَيـاࢪ _ تمامـ ما صاࢪ شي تصࢪف حضࢪتك مناسب لازم تتأكد لأن أكوا هوايه ناس خطيࢪة ﷲ يبعدنه..

آلـن _ صحيح لذلك خفت , وأنا أحچي وياها ࢪفعت ࢪاسها بعد ما كانت منزلته و تحچي صفنت علىٰ ملامحها بࢪيئة جداً و حادة بنفس الوقت ؏ـيونها وسيعـة و مسحوبة و لونهم أصفࢪ و ࢪموشها طوال و بشࢪتها بيضاء ببياض الثلج و لابسة حجاب ؏ـنابي بارز بياضها أكثࢪ و لابسة عبايـة نظࢪاتها خجولة بنفس الوقت واثقة و نبࢪة صوتها من تحچي هادئة جداً انتبهت عليه اباوعلها و خجلت خدودها صاࢪوا وࢪديات , أنا شداسوي عيب اباوعلها هسه تاخذ نظࢪة مو حلوة عليـه شبيه نثولت..

لَيـاࢪ _ شفتـه يباوعلي بتࢪكيز خجلت أنتبهت علىٰ ملامحـة أسمـࢪ شويه و ؏ـيونه ࢪصاصي فاتح ملامحـة جذابة و نظࢪاته جداً حادة بحيث تخوف شعࢪه طويل و مࢪتفع مسوي بيه تسࢪيحة مࢪتبة , باوعتله بغفلة خجلت و نزلت ࢪاسي و ابعدت نظࢪاتي عنه..

آلـن _ فتحت الملاحظة و قࢪأت الي كاتبته أبتسمت و قدمتها للطفل گال ؛ شكࢪاً عمـو أنتَ همَ دكتوࢪ صح؟!
_ لا حبيبـي أنا داࢪس ماجستيࢪ هندسة حاسبات..

: حلوو عمـو أنا أࢪيد أصيࢪ مهندس مثلك..

آلـن _ أي ليش لا و تصيࢪ أحسن مني هماتين , فࢪح و باس الممࢪضة و باسني ، هي أبتسمت بخجل و كتبتله علاج ࢪاحت أدوࢪ علىٰ أهل الطفل ظلت تباو؏ بقلق لأن محد موجود ..

آلـن _ أهدي أنا ࢪاح اسأل عليهم أبقي أنتِ ويه الطفل إذا مُمكـن!

لَيـاࢪ _ أي اكيد أبقىٰ يمه بس شوفلي أهله من فضلك..