انقلب السحر على الساحر 3 (مكتملة )

بارت ١١

عاد البيت اخيرا بعد عنااااء طال وطال ..
لكنه طوال الطريق ساكت تماما تنظر له تستغرب ملامحه حتى وصلوا البيت
دخلت بسعادة ليس لها آخر وراحة وهي تحمد ربها مئات المرات استدارت لتجده ينظر لها نظرة لم تفهمها ..
اسراء باستغراب : بتبصلي كدة ليه ..
نظر لها بتمعن وهمس : ليه تحملتي كل ده لوحدك .. انا كل ما اتخيل قد ايه تعذبتي وعانيتي قلبي بيوحعني اوي انا زعلان منك اوي يا اسراء

ابتسمت واقتربت منه ووضعت راسها على صد.ره وهمست: لو كنت مكاني كنت حتعمل كدة ... عارف يعني ايه تنقل لحد بالنسبة ليك حياتك كلها مرض حيق.تله اه اتحمل لوحدي قد كدة مليون مرة بس انت ما تتأذيش

يوسف بألم : غلط غلط انا موجود عشان احمل عنك مش عايزك تحملي حاجة ارمي عليا وخلاص

هبطت دموعها بسبب نبرة صوته وهمست : حقك عليا يا روحي

احت.ضن وجهها وهمس : لو ما قدرتش احميكي واشيل عنك ما استهلكيش

اسراء بعدم تصديق : انت ما تستاهلنيش ده انت تستاهل ست الستات تستاهل احسن وحده في الدنيا

قب.ل جبينها وهمس : واهي بين ايديا الحمد لله

امسك يدها ومشى قليلا لتهمس احد العاملات: أستاذ يوسف اهل المدام هنا

اسراء بسعادة : بابا ركضت لداخل الغرفة لتحت.ضنه لتتفاجأ بصفعة جعلتها تسقط على الارض
لقد سمعت صوت كسر قلبه فقط تألم أكثر منها ..
ركض لها وضمها وهو مكور قبضة يده حتى لا يقت.ل حتى لو والدها اغمض عينه ينظم انفاسه وهبطت دموعه
شاهين بحدة : ازاي لسة مخليها في بيتك وحدة خاط.ية كدة انت المفروض تتطلقها وترميها في الشارع وحدة هربت سنتين يا عالم حصل فيهم ايه

لا لن يتحمل كل هذا الألم فالكلمات تميته اكثر منها
رفعت راسها له وقب.لت ذقنه وهي تهمس بابتسامه " انا كويسة ما تقلقش

نظرت لوالدها وهمست : بابا انا...
شاهين بحدة: انا مش بابا... انتي لا بنتي ولا اعرفك انا تبريت منك من يوم ما هربتي

تركها وخرج ويوسف غير قادر على الكلام ..
فلتت يديه وهمست بتماسك : انا حاروح اخد شاور
هز رأسه وصعدت للاعلى وهو منهار تماما
سيف من خلفه : اهدى يا يوسف كل حاجة حتتحل
يوسف بوجع : مش من حق حد يوجعها حتى لو ابوها مش من حق اي حد .. كفاية اللي شافته الفترة اللي فاتت كلكوا كنته شايفينها الجانية بس هيا تعذبت اكتر مني مش حاسمح لحد يوجه ليها كل كلمة بعد كدة كفاية كفاية عايز ارتاح
سيف بحزن : هيا تعذبت ايوة بس الطريقة كانت غلط كان في حلول تانية
يوسف : الحل التاني انها تتطلق وانا ما كنتش حاعمل كدة
سيف : خلاص اهدى وروح لمراتك خفف عنها واحجز وسافر
نظر للأعلى وهمس لنفسه : نفسي احطها في قلبي واقفل عليها
صعد غرفته كانت قد استحمت وبكت تحت الماء ثم ارتدت له أجمل شئ ووقفت تنتظره لأنها متأكدة انه يتألم اكثر منها
وقف يتأملها بتماسك فتح يديه لها لتركض في حض.نه
يوسف بحنان : عيطي يا اسراء
رفعت راسها تنظر له ليهمس : ايوة عيطي هنا مش تحت المية انا موجود يا اسراء
لتمسك به بقوة وكأنها تحتاج للاذن لتبكي بكل صوتها اغمض عينيه وزاد من ضمها وهو يمسد على ظهرها بحنان حتى هدأت تماما..
اسراء: بابا حيصالحني مش كدة
يوسف : انا حفهمه كل حاجة
اسراء بلهفة : طيب تعال نروحله دلوقتي
يوسف بغمز : بذمتك اسيب الجمال ده واروح افهمه ... انا ولا اعرفه
ضحكت وهمست: وحشتني ...
وسكتت شهرزاد عن الكلام غير المباح