ـ متنساش الفوت ورأيك يا جميل ..✨
______________
ـ تعالى بس يا مونه يعنى يرضيكى اختى هتولد بكرا وهى نفسها تاكل حاجه وانا ماجبهاش وبعدين بحكم الدرس احنا كل يوم رايحين جاين من قدامه يعنى مش هوديكى مكان بعيد.
'''عند الكاشير "
بتتكلم بتلقائيه : لو سمحت عايزه ساندوتشين لا خليهم تلاته ولا اقولك اربعه هى اتنين ونص وانا واحد ونص وان طولت اكله .
ـ يعنى هنرسى على قد اى .
ـ اممم خليهم اربعه علشان اختى هتولد بكرا ونفسها تاكل سندوتش من عندكوا وبدورى ان هبقى خاله عقبالك كدا فلازم البى الطلب دا علشان ترضى تخلينى اشيل بنتها .
ـ بسسس كفايه انا مالى بدا كله اتفضلى دورك ودا بقيت حسابك .
ـ براحه هو انا جايه اشحت منك يعنى .
ـ روحت وقفت على جنب انا ومونه علشان استنى دورى .
ـ اختى رايحه تولد بكرا تتخيلى الساعه كام .
ـ كام ي اخره صبرى ..؟
ـ الساعه 6 الصبح ولا اكننا رايحين نبيع لبن .
ـ كله بيروح يولد فى الميعـ
ـ رقم 112 ،112 .
ـ دا رقمى انا اهو انا اهو .
ـ هاتى الورقه وخدى الطلب .
ـ اتفضل اهى .
ـ بزعيق ونرفزه: رقمك 122 مش 112 يا انسه وهو مش طابور عيش بصى فى رقمك بعد كدا اتكلمى اتفضلى استنى دورك هنفضل نعلم فى البهـ....ايم لحد امتى.
ـ عينى رغرغة بالدموع واتكلمت بانفعال : اولا : انا ماخدش بالى من الارقام ،ثانيا:ماتزعقليش كدا انا مش جايه اشحت منك وخلى ليك الحاجه بقا مش عايزاها وياريت تتعلم الكلام الاول قبل ما تعلمه لغيرك .
مسحت الدموع واخدت ايمان فى ايدى ومشيت وفضلت اعيط ايمان فضلت تهدى فيا بس انا كنت منفعله وعماله ازعق : ي يعنى يرضيكى ان الحيـ...ـوان دا يزعقلى كدا دا بارد طب تعرفى انى عمرى ماهروح اشترى منهم تانى علشان دول ناس مش مؤدبين مش بيحترموا زباينهم .
"'بعد اسبوع "
مستحيل اروح يا ايمان بصى انتى خدى فلوس وهاتيلى معاكى واحد وانا هستناكى هنا .
ـ خلاص هاتى الفلوس واستنى هنا يا رؤى اتفقنا متروحيش هنا ولا هنا تمام .
ـ تمام تمام هستناكى يالا روحى بقا .
قعدت على جنب وفتحت الفون اتصور واضبط الصور عقبال لما تيجى بالاكل زهقت ولقيتها اتاخرت اتأفأفت لانى هضطر اروح اشوف الب...ارد دا ولا يمكن يضايقنى تانى فـ قعدت خمس دقايق قولت يمكن تيجى رنيت مردتش القلق اتملك منى وقمت جريت اروح المطعم .....
ـ لقيتها واقفه روحت عليها وتأكدت انها كويسه فاتكلمت : انا خوفت يكون حصلك حاجه علشان رنيت مردتيش فخوفت بس كويس انك بخير .
ـ متقلقيش انا كويسه بس مستنيه الدور لسه .
ـ لقيت الواد اللى عند الكاشير اللى اتخانقت معاه دا بيبصلى فقولت : طب انا اطمنت عليكى هروح استناكى فى المكان تانى تمام .
ـ خلاص ماشى انا فاضلى دورين او تلاته واجى .
ـ تمام ومشيت وكنت حاسه انه متابعنى بنظره .
ـ ايمان جات وقالتى انه فضلى يبص علينا وانا ماشيه ،قولتلها كبرى دماغك.
وروحنا على كدا .
أنت تقرأ
اسكريبتات روان أحمد ♥️
قصص عامةادخل عالمى بحيث يوجد المرح والكوميديا والكثير لتستمتع به وكل اسكريبت غير مرتبط باللى قبله.
