اذكروا الله
صلوا على رسول الله
___________
في احد الاسواق الشعبيه كانت تتجول وهي تنتقي الفواكه والخضروات
وقفت أمام ذاك الرجل صاحب الخمسين عام لتشتري بعض البرتقال
جنه : بكام البرتقان يا حج
البائع : الكيلو ونص بعشره يا بنتي
جنه : ليه يا حج ما في كل مكان الاتنين بعشره
البائع : لا هو كدا ولو مش عاجبك متخديش ومفيش في السوق حد بيبيع البرتقان دا غيري
جنه : وليه الاستغلال دا هي لعبه ، بعدين في واحده علي أول الشارع بتبيعه الاتنين كيلو بعشره والسوق كله بيبيعه كدا
شاب : لو سمحت ممكن تلاته كيلو برتقال
البائع : اهي دي الناس ولا بلاش
تركته وذهبت فلا تريد المشاكل ولتشتري من غيره
اخذ الشاب البرتقال ومن ثم دفع ثمنها وذهب
الشاب : يا آنسه
جنه : نعم عاوز ايه
الشاب : اتفضلي وبلاش تبقي تقفي كدا في الشارع وتعلي صوتك
جنه : انا معلتش صوت اي دا وانت مالك اصلا
الشاب : يعني بنصحك
أعطته البرتقال وذهبت
الشاب : يا آنسه
جنه : يا عم ابعد عن وشي بقي
الشاب: لا مش قبل ما تخدي البرتقال
جنه : مش عاوزه
الشاب : لا والله هتخديه
جنه : احلف بقي على نفسك
الشاب : لا معش انا مش حمل اصوم تلت ايام
جنه : عارف لو ممشيتش هصوت ولم الناس عليك
الشاب : انتي اصلا مش بتعرفي تصوتي
جنه : نعم
الشاب : يعني صوتك رقيق مش ممكن تصوتي
جنه : بسخريه : ما كنت بعلي صوتي من شويه
الشاب : لا معلتهوش
جنه : اووف هات
أعطته لها بيسمع فوجدها تضع المال بيده
جنه : دا حقها انا مش باخد حاجه ببلاش
الشاب : مش عاوز بس ممكن تدفعيلي حقهم بحاجه تانيه
ووضع المال بالشنطه الخاصه بالبرتقال
الشاب : كوباية عصير بقي يا برتقانه
جنه : نعم
الشاب : هنتقابل تاني
ورحل بينما هي نظرت لأثره بزهول هي لا تعلم من هو وايضا لا يبدو عليه أنه مراهق يتبع المعاكسه طريقه لاكن تجاهلت الأمر
جنه : هنتقابل تاني وهو انا اعرفك اصلا ،أوف
تركت السوق وعادت الي المنزل بعد أن أنهت من شراء ما تريد
جنه : ماما الحاجات في المطبخ
وذهبت الي غرفتها لتسريح قليلا ثم تنهض وتساعد والدتها
بعد فتره قامت ونظفت مع والدتها فهي البنت الوحيده علي ثلاث شباب هي الصغيره بينهم
في المساء جلست مع إخوتها ووالدتها ووالدها فاردف أخاها الأصغر
نادر : مين الي عمل المحشي
جنه : انا
نادر باستفزاز : ناقص ملح علي فكرا انا اعرف هتتجوزي ازاي
جنه : زي السكر في الشاي ومش عجبك متكولش
نادر : بقي كدا
جنه : اه هو كدا ،يماما
اسرعت تحاول الهروب بعد أن وجدته يجري خلفها
جنه : لو مبعدتش هه
نادر : هتعملي ايه ها ها
جنه بصراخ : يبابااا
سامي : ايع في ايه
جنه : ابنك عاوز يضربني
نادر : كدابه هي الي بتستفزني
سامي : اضربو رسكم في اتخنها حيطه عيال آخر زمن
جنه : طب يبابا
نادر: هه سابك ومحدش هينجدك من تحت ايدي
جنه: اي دا محمد
استدار برعب وهو يجهز كلامه للإعتذار لاكن لم يجد شيئ
نادر: اي دا يابنت ال
وجري خلفها حتي امسك بها كالص
جنه: محمد
نادر: لا يا حبيبتي مش كل مره
جائه الرد من خلفها
محمد : سيبها
حاول تكذيب نفسه أنه استمع الي صوت أخاه الأكبر لاكن الآخر حمحم ليأكد له صدق سمعه تركها بهدوء وهو يعتدل أمام من يقف أمامه بكل شموخ ينظر له رافعا حاجبه الأيسر اقترب منه بهدوء مخيف وبارد والآخر يحاول اخفاء رجفة يده وهو يضعها خلف ظهره مر محمد من جانبه واتجه الي غرفته
محمد بتحزير : متتكررش
نادر : امرك
ابتسم ذاك الغامض ودخل غرفته
في المساء جلست أمام التلفاز فجاء أخاها الاوسط من خلفها
عمرو : موركيش مزاكره
جنه : لا
عمرو : نعم
جنه : يا عم ارحم امي انا في الجامعه فالمزاكره دي بتبقي آخر شهر
عمرو : دا فشل
جنه : محمد
عمرو : مبخفش
محمد: والله
عمرو : ايه هخاف يعني
محمد : ملكش دعوه بيها
سحب الريموت منها وجلس اعلي الاريكه
عمرو : وانا هعوز منها ايه
جنه : قول كدا بقي عاوزني اقوم علشان تاخد الريموت وانا الي فكرتك خايف على مصلحتي
عمرو : ياه فهيمتيها وهي طايره
محمد: قوم انت وهي
جنه : لا بقي دا ظلم
عمرو : لا يا حبيبي الكلام دا ليهم مش ليه
اقترب منه محمد وأخذ الريموت وجلس
محمد : ليك انت وهي
عمرو : اووف
نظرت الأخري له بانتصار
محمد : جنه اعملي عصير
جنه : برتقان
محمد : ماشي
قامت بتجهيز العصير لاكن لا تدري لما تذكرته بتلك العيون السوداء والطول المثالي وذاك الشعر الاسود الساقط علي وجهه لم تشعر بتلك البسمه التي علت علي وجهه
نادر : في حاجه يابت
جنه : اععع يا بارد
نادر : وهو انا عملتلك ايه انا داخل اشرب لقيتك بتضحكي ، انتي ملبوسه يا بت
جنه : امشي ياض من وشي
نادر : انتي حره ابقي ارقي نفسك كدا غلط عليكي
أمسكت احد الاكواب ففر الآخر وضحكاته تملئ المكان
اخذت العصير وخرجت وبعدها جاء والداها من الخارج
مر اليوم بسلام
وفي اليوم التالي
كانت تجلس وسط إخوتها ووالديها وهم يتناولون الشاي
سامي : امم بما انكم متجمعين عندي ليكم خبر حلو
وجد نظرات الفضول علي وجوه الجميع حتي ذاك البارد أيضا
سامي : جنه متقدملها عريس .
بس كدا 😁😂
انتهى البارت
دمتم سالمين هاجر السيد
متنسوش الفوت ورئيكم
تفاعل بقي ياشباب
برئيكم اي هيكون رد جنه واخواتها
سلام
أنت تقرأ
رائحة البرتقال 🍊🍊
Short Storyكوب عصير لو سمحتي 💖 عصير ايه😶 عصير كهيئتك 🤭 ممكن توضح😳 رائحته متلك ولونه كلون عيونك يا برتقاله 🍊🍊
