هلاا حبايب اسفة ع تاخير بس اليوم الة فعلنة نت ونشرت البارت 😘😘
..... ريماز... تقرب يمي حاضن راسي واني احس جسمي كلة كام يرجف اريد بس يحجي ويطمني انو ماكوو شي وخرت عنة اباوع بوجهة ولدموع تلمع بعيني
وصوتي منبوح كوة اكدر احجي
... شهم شهم احجي ماكوو شي موو عايش اي عايش مامات
.. بقة ساكت مدنك وجهة ذبلان كلش رفع عينة بعيني وحجة بصوت ناصي
شهم.. الله يعوض اهم شي انتي سالمة
... احس كلبي وكف من حجة هيج بقيت ابجي بصوت عالي وصيح
.. لااا ماماات جذااب انتة جذاااب عايش عايش الصبح حسيت بي والله حسيت حتة نزلت ردت اكل الندى شهم حسيت ابني دفرني حسيت بنبضة الصبح
... كمش ايدي يهدي بية واني بس ابجي
شهم. اهدي والله موزين عليج راسج يكوم يوجعج ريماااز كافي موو موتيني لاتبجين هيج تكطعين كلبي
.... جريت ايدي منة وكمشت وجهة بثنين ادية اتوسل بي
... حباب كول مامات يعني الصبح هوة جان يودعني لو لا اكيد لااا شهم شبيك احجي شي
..رفع ايدة بسرعة من دموعة نزلن ودار وجهة عني يمسح بيهن هنا تاكدت انوو مات ماكوو بعد
بقيت صافنة ندار الي بسرعة باوعتلة بكسرة وجهة احمر وعيونة حمرر كلش
شهم. كافي رتاحي انتي تمددي لادكعدين مو زين
... تمددت بدون ماحجي ويا ماحس اكو احج يبرد كلبي بعد خلاص لازم اتقبل الوضع اول ماخليت راسي ع مخدة احس بطني تكطعت الوجع بدة شوية شوية يزيد بقيت الوب مكاني الحد مزاد الوجع ماتحملت كمت اصيح بعلوو صوتي
... بطنييي شهمم ماتحملللل بعد راااح امووت
شهم. اسم الله شبيج هسة مابيج شي
... بسرعة طلع يصيح للدكتورة واني احس روحي تطلع شوية شوية
دخلت هية وبدت تفص بل اجهزة اليمي
شهم.. شكوو دكتورة بيهة شي
ليش هيج فجاة صار عدهة وجع
الدكتورة.. هسة ننطيهة مهدء وصير زينة هاي لان البنج بدة يروح لاتخاف
... ضربت ابرة بل مخذي شوية هديت اني وبعدين غفيت مادري بروحي بعد شكد نمت
........ندى... بقيت كاعدة برة تقريب نص ساعة وشفت شهم طلع وجهة تعبان كلش وعيونة حمر بيدة جكارة شافني وتقرل يمي بقيت اني كاعدة تقدم يمي كعد اخذ نفس من الجكارة وحجة بصوت تعبان
شهم.... كوة نامت
ندى.. حطيت ايدي ع متنة اواسي
.. ميخالف شهم اتحملهة خطية نفسيتهة تعبانة
شهم.. مايحتاج توصيني ندى حاطهة بعيوني لو اعرف اشيل الوجع عنهة جا شلتة
.... بقينة ساكتين شوية وحجيت
أنت تقرأ
الشيخ (شهم)وبنت بغداد
Misterio / Suspensoقصة عن شيخ وبت بغداد تحجي القصة عن بنت يتيمة عاشت حياة صعبة كلش بس الله عوضهة بشخص يغير حياتهة للافضل ويسعدهة بس بعد معانا وتعب
