နေ့သစ် မန္တလေးကနေ ကလောသွားတဲ့လမ်းတလျှောက်လုံး စိုးရိမ်စိတ်ကြောင့် တစ်ရေးမှမအိပ်နိုင်ပါ။ကလောမြို့အဝင်ရောက်တော့မှသာ အနည်းငယ်စိတ်အေးနိုင်တော့သည်။နေ့သစ် အနေနဲ့တကယ်ပဲ
ဦးခန့်ညားသွေး ရဲ့ လက်ထဲကနေလွတ် မြောက်နိုင်ခဲ့ပြီပဲ။
" ရောက်ပါပြီ "
" ဒီအထိ ကားကိုဂရုတစိုက်နဲ့မောင်းပြီးပို့ပေးတာကျေးဇူးတင်ပါတယ် "
" ရပါတယ်၊ဦးလေးက သူဌေးခိုင်းတဲ့လုပ်ပေးရုံပါပဲ "
" သွားလိုက်ပါဦးမယ် ဦးလေး "
အဖြူရောင်ဆေးသုတ်ထားသော နှစ်ထပ်အိမ်လေး။ပန်းဆီရောင်စက္ကူပန်းလေးတွေက ခြံစည်းရိုးပေါ်တွင်အလှဆင်ထားသည်။ခြံထဲကနေ သက်လတ်ပိုင်းအမျိုးသမီးတယောက်နဲ့ကလေးမလေးတယောက်က သူ့ကိုလာကြိုနေ သည်။
" သားက စိုင်းနေ့သစ် လား "
" ဟုတ်ပါတယ်။ကျွန်တော်က
စိုင်းနေ့သစ်ပါ "
" ဒေါ်လေးနာမည်က သန်းသန်းပါ။ဒါက ဒေါ်လေးတူမလေး ကြယ်လေးတဲ့ "
သူ့ကိုကြည့်ပြီး ပြုံးပြနေတဲ့ကလေးမလေးကိုကြည့်ပြီး နေ့သစ်ပျော်သွားသည်။ဂုတ်ဝဲသာသာဆံပင်လေးကိုနှစ်ဖက်ခွဲပြီး အမြင့်စီးထားတဲ့ဒီကလေးလေးကအရမ်းချစ်ဖို့ကောင်းတာပဲ။
နေ့သစ် ကအရင်ကတည်းက ကလေးချစ်တတ်တာမို့ အထူးကုလုပ်ရင်တောင်ကလေးဆရာဝန်လုပ်ဖို့စိတ်ကူးထားတာ။
" လာ...လာအိမ်ထဲဝင်ရအောင်။သားလာမယ်လို့သူဌေးလေး ကဒေါ်လေးကိုဖုန်းဆက်ပြီး ပြောထားတယ် "
" ဟုတ် "
ရောက်ရောက်ချင်း သူ့ကိုနွေးထွေးစွာကြိုဆိုတဲ့ဒေါ်လေးကြောင့် နေ့သစ် အနည်းငယ်စိတ်သက်သာရသွားသည်။
ဧည့်ခန်းထဲရောက်တော့ စောနကကလေးမလေးက သူ့ကိုအအေးခွက်လာချပေး သည်။
" မီးမီအသက်က ဘယ်နှနှစ်ရှိပြီလဲ "
" ၆ နှစ်ရှိပါပြီတယ်ရှင် "
" ချစ်ဖို့ ကောင်းလိုက်တာ "
" သမီးရေ အောက်ထပ်မှာသွားဆော့ချည်နော်။ဒေါ်လေးက ဧည့်သည်ကို ညစာပြင်ပေးရဦးမှာမို့ "
YOU ARE READING
မင်းဖန်ဆင်းတဲ့ ရင်ခုန်သံ
RomanceMain Lead Couple " ငါမင်းကို ချစ်မိနေတာကြာပြီလို့ပြောရင်မင်းဘာလုပ်မှာလဲ" * ကောင်းကင်မာန်* { Age - 26 Occupation - Chef Clothing Style - Freestyle & Well-dressed } " ငါတို့က သူငယ်ချင်းတွေလေ " ...
