وضع الشوكة فوق الطاولة ومسح شفتيه بهدوء وهو يهز قدمه بتوتر..
لاحظت زوجته تصرفاته الغريبة خاصة وأنه لم ينهي طبقه حتى ..
قالت بتساؤل
" أحمد مالك اليوم مراكش عاجبني ؟؟ "
هز رأسه نفيا
" مكان والو..راني لباس "
دققت النظر لعينيه وقالت
" ما تكذبش عليا باينة في وجهك ..إحكيلي واش صرا "
تنهد ثم قال
" راني متقلق على نيران من لعشية نعيطلها بصح ما ردتش عليا "
لوت شفتيها وقالت
" وهاذي حاجة تقلق هكا ؟؟..عيط لراجلها سقسيه عليها ولا بلاك راهي مشغولة برك "
أحمد وهو ينظر للحائط الزجاجي بسهو
" راني خايف عليها يا سهام... راني خايف كاشما يكون بيها "
وضعت سهام يدها على يد زوجها وقالت
" ما يصرالها والو ...عيط ليونس وسقسيه "
هز رأسه ثم إتصل به ليجيب الآخر فورا ..
" مرحبا عمي أحمد كيراك "
رد أحمد
" راني لباس ونتا ولدي ؟"
يونس
" الحمدلله ..خالتي سهام راهي مليحة ؟"
تنهد أحمد وقال
" رانا قاع لباس اولدي..قولي برك نيران مراهيش ثما من ساع نعيطلها وما ردتش عليا .."
يونس
" اييه هذيك نسات تيليفونها هنا وقاتلي راح نخرج نشم شويا هواء وانا راني نخدم قلت نكمل ونلحقها .."
أحمد بحدة
" دير بالك عليها متخليهاش وحدها الدنيا ما ترحمش ..نوض !!"
قال يونس بإرتباك
" ما تخافش عمي كاين الأمن هنا .."
أحمد بتهديد والنزعة الأبوية قد تفعلت لديه
" إسمعني بنتي هذيك الجوهرة تاعي ... تصرالها حاجة نحرق الدنيا ...راك تسمع فيا ...بنتي أمامة عندك ..."
يونس بتوتر
" خلاص عمي ما تخافش ما يصرا والو ان شاء الله..وضوك تصبح بخير "
تنهد احمد
" ونتا من أهل الخير...كي تجي نيران قولها تعيطلي"
قال يونس
" ما تخممش رح نقولها"
أغلق الخط ..ووضع هاتفه فوق الطاولة !
لتقول سهام بتأنيب
" واش هاذي الهدرة؟...راك خلعت السيد كيفاش تقولو هكا باين بلي راح يتهلى في مرتو ..مش حتى توصيه وبنتك تعرفها ما تسمعش الهدرة تكون خرجت من راسها برك.."
VOUS LISEZ
لم تكن صدفة! ( مكتملة )
Short Storyآخر ما أتذكره من ذلك اليوم كيف تصنمت ناظرة للجدار بعد أن أغلق الخط في وجهي دون تفسير .. يليه دخول أمي وأبي وتساؤلهما عن سبب صمتي ... وبعدها شجار ضخم بينهما بعد تأخر الموكب وفوضى عارمة لضيوفنا الذين فهموا أن الزفاف تم إلغاؤه وان الفتاة الحسناء لأول م...
