نهاية الحزن
و بداية الحب ....
_^_^_^_^_^♡♡♡♡♡♡_^^^_^^_^_^_^
الجزء الثاني:صبابة الهوى
البارت الخامس
بقلمي: ميرال آل سعد
_^_^_^_^♤♤♤♤♤_^_^^^_^^_
لتنسون التصويت ع النجمة ووالتعليق ع الفقرة الي تعجبكم احب اقره تعليقاتكم و اعرف ارائكم بالقصة
_^_^_^_^_^_^_◇◇◇◇_^_^_^_^__^_^_^
ميس: اني زوجة ضباب و هذا الي جان بأيدي إبنه
الكل اتجهت أنظارهم لضباب الي مجتفه بُراق
سِنان : اتركه بُراق اتركه
تركه بُراق و اجه وكَف يمي يخزر بضباب
سِنان : ديربالك تتقرب البنية و تعال هنا يمي
انصاع ضباب لأمره و كَعد يمه
سِنان: احجيلي منو هالبنيةة؟ و كلامها صحيح؟
رجف فكه و هو يجاوبك
ضباب: بنية
نط عمو أمير من يمة و هو يستهزء
امير: ندري بنية لعد شايفيها ضفدع لو ابو الجنيب؟
ديسألك شنو علاقتها بيك
باوع ع أمير و رد ببرود
ضباب: وحدة صايعة
صرخت البنية و هي تبجي
ميس: كذاب و الله كذاب ، اخذني من نص بيتنا بحجة يحميني لأن مهددة بالقتل، اتزوجني بالسر ، و هسه من صار عدنا طفل يريد ياخذه و يشمرني
جرته امه من ايده و هي تسأله
ام ضباب: صدكَ هالكلام ضباب؟
عافها و طلع برى ، ظلت تباةع وراه و عيونها غرغرينا بالدمع
ردت عليها البنية
ميس: اي عمة صدكَ، ابنج استغلني و استغل ضعفي كوني بلا حول و بلا قوة ، و بده يطبق عليه وحشيته ، من ضرب و جلد و تعنيف و أذية وأشياء متخطر ع بالج
و هسه من شبع يريد يتركني
سِنان: شنو الجبرج تبقين وياه اذا منعفج؟
دنكَت راسها و عيونها تكت دموع
ميس: حبيته ، مكَدرت اعوفه
سِنان: بابا شنو حبيتي ؟
ام ضباب: ترى ضباب اثبت بهاي فعايله بيج انه مريض نفسي، و إذا حبيتي انتِ نفسه
مسحت دموعها من وجهه
ميس: مو مشكلة، الأهم يبقى وياي وويه إبنه
دخل ضباب ويا كلمتها يريد يضربها لزمه أمير و دفعه بعيد عنها
جرني بُراق اني و الطفل برى و ظلينا نسكت بيه و نلعبه
لحد ما نام و هو لازم شالي
أرجوان: بُراق شوف شلون نام
وخر ايده ع كيف من شالي ، و أخذه من أيدي
بُراق : خلي يولي ادبسز و انتِ شبيج سحتي وياه
أرجوان: و الله شكله يجنن
بُراق : يصير عدنا احلى منه الاجيلح هذا جنه ابوه
بقى يهز بي و يحجي وياي
طلع ضباب من الإستقبال و اجه علينا سحب الطفل من حضن بُراق ، عاط بيه
بُراق: ع كيفك ، لا ينملخ بيه شيي
ضباب: مو انتَ تعلمني شلون اتعامل ويه ابني
اندار عليه
ضباب: رجوة كَولي لأمه
قاطعه بُراق و هو يعدله
بُراق: اسمها أرجوان
ما دار اله بال كمل
ضباب: كَولي الها عكَب باجر الكِاها بباب المحكمة قبل العرضحالجي
لا تعرف شسوي بيها من سواية
ارجوان: عاد اترك الطفل يمها ، شوف شلون يريدها
ضباب : ما اتركه يمها
تركنا و هو يتجه للباب وراه امه
حضن كتفي بُراق و هو يبوس راسي من ورى الحجاب
بُراق: شفتي هاي الجوه الكَطعت روحها بجي ؟
ارجوان: اي قهرتني هواي
بُراق: لتنقهرين باجر تفره فر و تخلي يرجعها
اني رايح و راح اخذ اهلي وياي
رفعت راسي اله اريد احاجي
باسني عالسريع و طلع برى ، ظليت واكَفة دقايق انظم دكَآت كَلبي ، طلعت عليه رحيق و هي تسحبني
رحيق: بوسة سطحية شبيج كَلبج وكَف و خفتي
تعالي تعالي نصعد فوكَ نشوف هاي المصيبة
مشيت وياها
أرجوان : عمة شنو احس ما متفاجأة؟
رحيق : اكثر من مرة لكَفته يحجي وياها و لكَفت مرتين آثار خراميش بأيده و بركَبته
أرجوان: ابن اخوج معنف البنية
رحيق: صوجها ما طلكَته و سمطته بالف حذاء
اني يمد ايده عليه و ابقى عنده امداني
دخلنا لللغرفة الي خالين بيهه البنية كَاعدة يمها أسيل
كَعدنا احنا ع صفحة ، بدت عمة رحيق تسألها
رحيق: منين تعرفين ابن اخوية و شلون تزوجتوا
ميس: صيدليته قريبة ع بيتنا ، فمرة هدوا عليه خوالي و هو حماني ، بعدها ظل يتردد عليه
و اتفقنا نعقد حتى يحلون عني و ع اساس زواجنا ع الورق ، بس بعد شهر من العرس ابن اخوج
سكتت و دموعها تجري ع خدهه
رحيق: شسوة
ميس: ابن اخوج اعتدى عليه و ع اثرها حملت بباسل
ورى ما ولدته، بدت تظهر شخصيته السادية و بده يطبق كلشي بباله عليه
اسيل: معقولة تحبي لدرجة حتى لو متي اثر ضربه الج ميهمج
ميس: اي المهم هو يمي
طلعت من يمهم و اني راسي شبه راح ينفجر
دخلت لغرفتيالعرسان باجر يطلعون لتركيا، يعني محد يجينا نمت ع وجهي
_^_^_^^_^_^_^♤_^_^_^_^^♤_^^^^♤
رحيق:
كَعدنا ويا ضباب اني و أمه و سِنان نفتهم منه
سِنان: فهمني ليش ضميت زواجك
ليش ما شهرت بيه؟
باوع ع سِنان و نزل نظره
ضباب: مراح يعجبك جوابي
سِنان: المهم تروي فضولي احجييي
ضباب: يعني مستعد تسمع
سِنان: اي احجي
رجع ضباب ظهره ع القنفة خله رجل ع رجل و بده يحجي
ضباب: بداية ما عرفت ابوكم هو القاتل بديت اخطط ضدكم ، راقبتكم و عرفت كلشي عنكم
سِنان: اي هاي اعرفها شنو الجديد؟
ضباب: اي قبلت زواجك من رحيق حتى اتقرب منكم و انتقم ، قررت اول شي اصيد اسيل بس مكَدرت مجان بالها وياي و لا تكَعد يمنا
من بعد وفاة باهر انتبهت لشغلة مهمة و هي ارجوان ، كلكم متعلقين بيها
يعني كسرتكم اكبر تصير ، بديت اخطط حتى اوكَعها رغم صغر سنها، بس ما انصاعت الي و لا اتأثرت حتى من كبرت مكَدرت اسيطر عليها، إنما هي سيطرت عليه، جان ببالي اتزوجها بالسر و تحمل و افضحها ، سبقني بُراق و خطبها
كَلت اخطفها و اكسر راسكم بيها
مكَدرت كَلبي وكَف ضدي ، و صار العكس هي سيطرت عليه ، التقيت بميس صدفة و اتزوجها حتى احميها كَمت اشوف وجه ارجوان بيها و
قبل ليكمل كلامه وكَف سِنان و سدد لكمة قوية لانف ضباب كسره اله ووكَع عليه بوكسات
سِنان: شننووو ذنبنا و تنتقم منه
فوكَ نا دخلنا بيتنا و اعتبرناك واحد من اهلنا هيج تريد تغدينا و تكسر خشومنا
رد عليه ضباب و هو وجهه ينزف من كل مكان
ضباب: نفس ما غدرتوا ابوي و هو دخلكم بيته
ردت اغدركم
سِنان: هي شددددخلها يا سااافل تريد تنتقم انتقم من الزلم يا خنيث مو من النسوان
ازوعك اليوم حليب الراضعه يا كلب
كِوة وخرنا سِنان عنه و اني ادفعه نطلع من البيت
اندار و تف عليه
سِنان: حييوان
طلع قبلي ، وكَفت بالباب
رحيق: كل عمري اشوفك سندي و الي ينقذني دائماً ، بعمري ما تخيلت تضحي بيه لخاطر ترضي غرورك و تجبر ع ناس مالها غرض بأذيتك
من اليوم يا ضباب لا اني عمتك و لا انتِ ابن اخوي
اني متبرية منك و من كل صلة تربطني بيك
جنت معتبرتك رجال و ينشد بيه الظهر
بس مع الأسف غلططتتتت و رحت بعيد هواي بأمالي
بيتك هذا يحرم عليه لآخر بعمري و أهلي من اريد اشوفهم اروح لبيت عمي اشوفهم هناك
تركته و اني اطلع اركب ويه سِنان
حرك السيارة و هو ساكت ، صفنت عالشارع و اني ابحي بنص الطريق نزل مدري شنو جاب و رجع صعد
وصلنا للبيت ، دخلت كَبل لغرفتي بجيت و فرغت همومي ورى نص ساعة صعد سِنان
اجه كَعد يمي و هو يلمني بحضنه
تعلكَت بيه و اني اشهكَ
رحيق: الجنت اشوفه سند و حايط اميل عليه إذا ضكَتني الوسعة، اليوم تبين الي انه تل رمل مينسند عليه
سِنان: اني اهلج و ابوج و سندج و عندج ولدج ذول باجر يعينون كبرتنا ،و ارجوان و محمد شو يرجفون عليج
انزلي شوفي وجه رجوة شلون اصفر من شافتج دخلتي تبجين ، اجت تعاركني عبالها مزعلج
رحيق: اول مرة تتعاركون
سِنان: لا بكل مرة ازعلج تعاركني
و حالياً اني صاير مثلها بكل مرة تزعل بُراق اعاركها
رحيق: بُراق خوش ولد
سِنان: من اشوفه شلون صافن و مبتسم عليها
ابتسم ع ابتسامته، يذكرني بنفسي اول ايام خطوبتنا، غسلي وجهج و انزلي جوه
_^__^_^_^♤♤♤_^_^_^_^_^
ارجوان
نهاية السنة الرابعة ورى ما استلمت النتيجة
حددنا يوم العرس
أقترح عمي إسلام ناخذ الطابق الثالث كلنا النا
عدل عليه بُراق وراها بدينا نطلع سوة نجهز
ألاثاث ع فراغه بأيام إجازته
اخر مرة طلعنا نجهز للمطبخاشترينا كل احتياجاته و رجعنا للبيت نرتب صعدت عمتي و البنات يساعدونا
اسراء: ارجوان ذول الماعين عجبوني ضميهن الي من اصعد يمكم اكل بيهم
مهى: و ذول الاكواب النا نشرب بيهم كَهوة
لزمتهن عمتي من اديهن
ام بُراق:روحن فرن الشقه خاف بعد عاجبجن شي و ناسياته
اسراء: ايييي فددديتج يوم، تذكرت اكو ساعة جابوها البارحة اخذيها نخليها بالاستقبال
جرتهن و هي تريد تطلعن
أرجوان:عمة عمة يشاقن
تقدم بُراق و هو يبعدها عنهن و يحضنهن
بُراق: ليش هيج ضوجتيهن
ام بُراق: دشوف شلون ميتات ضحك بحضنك
رفعت راسها مهى و هي كاتمة ضحكتها
مهى : شبيها يوم يعني شبيها اذا اخذينا منهم شكم حاجة
اسراء: شراح يأثر
بقن يستفزنها و بُراق يأيدهن
دارت وجهه عمهه لكَت العودة مالت الماسحة سحبتها ، هنه شافنهه و ركضن نزلنا جوه ع السريع و هي وراهن ، سد الباب و تقدم الي سحب ايدي
بُراق : تعالي اشوفج شي
مشيت وياه دخلنا لغرفة فارغة، بيها لوح داير وجهه للجهة الثانية ، كَعدمي عالكرسي راح للوح شاله و جابه يمه ،عرضه الي
تفاجأت و اني اباوع عليها
اخذتها منها اشوفها
ارجوان: هاي صورتنا بالخطوبة ، شلون رسمتها
بُراق: مو اني ، اخت صديقي رسامة و راسمتنا، عجبتج؟
ارجوان: كلش حلوة ، حتى احلى من الواقع
بس ليش راسمتك بدقة و اني ممتهمة بيه
بُراق: لا نفس الشي
ارجوان: لا شوف حتى حواجبك جايبة رسمتهن بالضبط و اني مشخبطتني ، بُراق هاي منو راسمها؟
حك موخرة شعره و زم شفايفه
بُراق: اجتني هدية لزواجي من اخت صديقي و الله مو شخص محدد
أرجوان: ممم حلوة
عبس وجهه و تقدم شال صبغ موجود بالغرفة و شمره عليها
ارجوان: هاااااي ليش خربتها هيج و الله حلوة
أنت تقرأ
أنتَ تنقصني (صبابة الهوى)
Gizem / Gerilim_كَيف لَنا أن نفترِق؟ _كيف لنا أن نتفِق؟ انتِ كالجليد و انا كالقبس .. كيف لنا أن نكمل في هذا العشق؟ _داخلكِ نبات زاهر بيما داخلي حُطام مُبعثر ضامِر... _هل لكِ أن تجمعي حطامي و تضميني بين ذراعيكِ ؟؟ و تكون كل صباحاتي جميلة كجمال خديك؟؟؟ #ميرا...
