(Complete) 1986 သို့ ကုန်တိုက်နဲ့အတူ ပြန်လည်မွေးဖွားခြင်း

ch-1.1

Chapter 1.1

"လာကြပါအုံး လူတစ်ယောက်မြစ်ထဲကျသွားလို့ ကူညီကြပါအုံး"

ရိုးရှင်းသော ရိုးရာဓလေ့ထုံးစံများ၊ လှပသောတောင်တန်းများ၊ မြစ်ချောင်းတွေ့နဲ့ နိုင်ငံတစ်ဝှမ်းမှာ ကျော်ကြားသော ရှေးဟောင်းရွာတစ်ရွာဖြစ်သည်။ မြစ်ထဲမှာ ငါးတွေက အေးအေးဆေးဆေး ကူးခတ်နေကြတယ်

ကျန်းဟွေ့က တစ်ယောက်ထဲခရီးသွားရင် ရှုခင်းတွေကို ဖုန်းနဲ့ဓာတ်ပုံရိုက်နေသည်။

တစ်စုံတစ်ယောက် အော်ဟစ်အကူအညီတောင်းသံကို ကြားလိုက်တဲ့အခါ သူမကဖုန်းကို အိတ်ထောင်ထည့်ပြီး အမြန်ပြေးသွားခဲ့သည်။

မြစ်လယ်တွင် ရုန်းကန်နေတဲ့ကလေးငယ်တစ်ဉီးကို မြင်တဲ့အခါ သူမက သိပ်တွေးမနေဘဲ ပါလာတဲ့အိတ်ကို တာတမံဘေးတွင်ချပြီး မြစ်ထဲခုန်ချလိုက်သည်။

ကျန်းဟွေ့က မြစ်လယ်ကို လျင်မြန်စွာကူးခတ်ကာ ရေထဲက ကလေးကို ပွေ့ဖက်ပြီး ကမ်းဘက်ကိုပြန်ကူးလာကာ ကလေးကိုကမ်းပေါ်သို့တွန်းတင်လိုက်သည်။ ကလေးဘေးကင်းကြောင်းကိုမြင်မှ သူမသက်ပြင်းတစ်ချက်ချလိုက်တယ်။

ကမ်းပေါ်သို့တက်ခါနီးမှာ သူမခန္ဓာကိုယ်တစ်ဝိုက်တွင် ရေဝဲတစ်ခုဖြစ်ပေါ်လာတာကို ရုတ်တရက်ခံစားလုက်ရပြီး အားပြင်းတဲ့စုပ်ယူမှုတစ်ခုကသူမကို မျက်လုံးတစ်မှိတ်အတွင်းမှာတွင် မြစ်အောက်သို့ဆွဲငင်ကာ စုပ်ယူသွားတယ်။

အေးခဲတဲ့မြစ်ရေက သူမတစ်ကိုယ်လုံးကို ဖုံးလွှမ်းသွားပြီး နစ်မြှုပ်သွားတဲ့ဝေသနာက သူမကို အသက်ရှုကြပ်လာစေတယ်။

ကျန်းဟွေ့က သေဘေးမှလွတ်မြောက်ရန် ရုန်းကန်လိုပေမဲ့ မမြင်နိုင်တဲ့စွမ်းအားတစ်ခုက သူမ မလှုပ်ရှားနိုင်တော့အောင် ချုပ်ထားတယ်။
မကြာခင်မှာဘဲ အသက်ရှုကြပ်ပြီး မေ့မြောသွားကာ အမှောင်ထဲထိုးဆင်းသွားခဲ့သည်။

ကျန်းဟွေ့က သူမသေဆုံးသွားကြောင်း ရှင်းရှင်းလင်းလင်းသိလိုက်ရသည်။ သေခါနီးမှာ စိတ်ပျက်အားငယ်မှုနဲ့ နာကျင်ကိုက်ခဲမှုတွေက
သူမကို တုန်လှုပ်ချောက်ချားစေတယ်။