كان اسمه حبيبى

الفصل السابع

لااله الا انت سبحانك انى كنت من الظالمين

الفصل السابع

فتحت اول زرارين من بلوزتها واعادت وضع طلاء الشفاه بلون الفوشيا الفاقع.. وصففت  خصلات شعرها الاحمر النارى الذى يبدو جليا انه ليس لون شعرها الاصلى ثم طرقت عليه الباب
احمد من الداخل
_.ادخل
..كان  منكب على الورق امامه ولم ينظر اليها
فيروز بغنج
. الورق اللى حضرتك طلبته
سرق احمد نظر خاطفة لها.وبصوت صارم
  _ مين اللى سمحلك تدخلى هنا؟
فيروز بغنج وهى تميل على مكتبه لتظهر مقدمة صدرها من فتحة البلوزة 
._جايبة لحضرتك لحسابات اللى طلبتها 
اشاح احمد بوجهه عنها وهو يستغفر ربه بسره ثم.ضرب على المكتب بقوة قائلا  بحدة
_.انا طلبتها من مدام ماجدة مش منك انتى .وبعدين انا مش حذرتك قبل كده وقلتلك   ان دى شركة محترمة مش كبارية عشان تيجى بلبس زى ده .،يعنى العميل اللى جاى يعقد صفقة معانا هيبص للورق اللى قدامه ولا هيبص لجنابك ويعقد يتخيلك فى حض ........استغفر الله العظيم
شعرت بالاهانة واحمر وجهها بغضب  .
_انا ..
احمد بعصبية.
.اتفضلى على مكتبك يا انسه ومن بكرة تيجى بلبس محترم يناسب شركة محترمة زى شركتنا والا متوريناش وشك تانى .وده اخر تحذير ليكى .....براااا
خرجت من مكتبه وهى تبكى و تجر اذيال الهزيمة  ثم تهاوت على كرسيها
.اقتربت مدام ماجدة منها وربتت على كتفها مواسية
_..ماقلتلك احمد بيه مش بتاع الكلام ده .معلش اديكى اتعلمتى
.فيروز ببكاء
.هو فاكر نفسه مين عشان يكلمنى كده
.واللهى ما هسيبه ،ويانا يا هو
_ياحبيبتى احنا مش قد العالم دى كلى عيش احسنلك

داخل المكتب
احمد بعصبية مهاتفا بكر  
..بكر تعالالى على مكتبى حالا   
هتف بكر متسائلا بخضة
.فى ايه يا احمد ؟
_لما تيجى هتعرف ثم اغلق الهاتف
ذهب بكر الى مكتبه مسرعا ووجد باب المكتب مفتوحا
في ايه يااحمد مالك متعصب كده ؟
احمد بغضب
_مين اللى عين البت اللى بره دى ؟
.._هو ده اللى معصبك ؟اتقدمت مع مجموعة البنات اللى كانوا متقدمين لوظيفة السكرتيرة وانا اللى وافقت عليها لما عجبنى ال Cv بتاعها
احمد بحدة
._انت بتهرج يا بكر انت مش شايف لبسها وحركاتها عاملين ازاى ؟
..بكر ابتسامة مستفزة
_ياعم وماله خالى الشعب يعيش
ضرب احمد على مكتبه  بقوة ثم هدر بحدة
..ده لما نكون شغالين فى كبارية مش شركة محترمة ،
بكر انا اتغاضيت عن تصرفاتك الصبيانية لغاية النهاردة مش لانك صاحبى .، لانها بعيد عن الشغل، لكن لغاية شركتى ومش هسمحلك
تهز اسمى وصورتى اللى فضلت سنين كتير ابنى فيهم 
بكر بتوتر
..خلاص يا احمد انا هرفدها ومتضايقش نفسك ،الموضوع مايستهلش كل العصبية دى
تنهد زافرا لانفاسه
..لا مبحبش اقطع عيش حد،  انا لفت نظرها المرة دى بس لو كررتها تانى يبقى متلومش الا نفسها
_..حاضر يا احمد بس هدى نفسك .على فكرة
_ البش مهندس عمرو اتصل من الموقع وعايز موافقة انه يستمر فى الحفر بيقول نتايج العينة اللى اخدوها طلعت مبشرة جدا
تنهد احمد بابتسامة
..هايل ،شكله شاطر اوى البشمهندس عمرو ده
ابقى اصرفله مكافئة وسهله الامكانيات اللى محتاجها وانا ان شاء الله هروح الموقع اخر الاسبوع  اطمن بنفسي