☀️My Baby' sunshine My Little' sunflower🌻

ភាគទី1: ផ្ដើមរឿង

_ ព្រំដែនភាគខាងត្បូងនៃសហភាពសូវៀតជាតំបន់មួយដែលប្រមូលផ្ដុំទៅដោយបណ្ដាពួកម៉ាហ្វៀសង្គមងងឹត ពពួកឈ្មួញកណ្ដាលទីផ្សារសេរីក្នុងការទិញដូនិងដេញថ្លៃរបស់ខុសច្បាប់ជាដើម លើសពីនេះ មានល្បែងភ្នាល់កម្សន្ត កាប់ចាក់មនុស្សស្ទើររាល់ថ្ងៃដើម្បីសម្ដែងសម្ញែងបំប៉ោងអំណាច ប្រកួតប្រជែងជាមួយអំណាចធំៗនៃត្រកូលម៉ាហ្វៀ ក្នុងចំណោមនោះមានបណ្ដាវង្សត្រកូលបន្តពីដូនតាជាច្រើនជំនាន់ចំនួន3ក្រុម ដែលមួយក្រុមជាបក្សវង្សត្រកូលនាគ មួយក្រុមជាបក្សវង្សត្រកូលហង្ស ចំណែកវង្សត្រកូលអ៉ីរ៉ាហ្វារីដា ក៏ជាមួយក្នុងចំណោមនោះផងដែរ សព្វថ្ងៃគ្រប់គ្រងដោយកូនចៅជំនាន់ទី13ឈ្មោះ ចន ជុងហ្គុក!

_ រឿងរ៉ាវទាំងអស់ចាប់ផ្តើមពីកម្លោះមាឌតូចរាងស្ដើងម្នាក់កម្ពស់1ម៉ែត្រ73 កំពុងប្រញាប់រៀបចំឥវ៉ាន់ទុកដាក់លើកកៅអីដាក់បន្តុបលើគ្នា ដោយសារថ្ងៃនេះមានពួកក្មេងពាលសំដែងអំណាចចូលមករញ៉េរញ៉ៃនៅហាងថៅកែរបស់គេទើបគេត្រូវនៅរៀបចំទុកដាក់ដល់យប់ជ្រៅបែបនេះ ។

_ កំពុងប្រញាប់ប្រញាល់ញ៉ាប់ដៃញាប់ជើងផង ភ្លៀងរលឹមក៏បង្អុលចុះមក ថេហ្យុងប្រញាប់ចាក់សោររត់ចេញទៅ ដោយនៅក្នុងដៃមានកាបូបតូចមួយលើកទូលការពារទឹកភ្លៀង ។ គេរត់សម្ដៅទៅស្ថានីយរថភ្លើង គ្រាន់តែបោះជំហ៊ានចូលទៅដល់ភ្លាមមេឃក៏ឈប់ភ្លៀង? ថ្ងៃនេះពិតជាថ្ងៃស៊យរបស់គេពិតមែន ។ ថេហ្យុងឈររអ៊ូបោសសម្លៀកបំពាក់ទទឹកបន្តិចទើបដើរចូលទៅទិញសំបុត្រ
"អស់ហើយ!"សម្លេងនិយាយប្រកបដោយទឹកមុខភ្ញាក់ផ្អើល ថេហ្យុងគ្មានជម្រើសក្រៅពីដើរត្រឡប់ទៅចំណត់រថយន្តក្រុងរងចាំបន្តដំណើរពីបីតង់ ទម្រាំទៅដល់ផ្ទះទៀត។

_ ការរងចាំចំណាយពេល2-3នាទីឡានក៏បានមកដល់ គេថាថ្ងៃនេះជាថ្ងៃស៊យពិតជាស៊យពិតមែន ថេហ្យុងបោះជំហ៊ានចូលទៅចំពេលដែលអស់កៅអី ដោយសារឡាននេះជាជើងចុងក្រោយ មនុស្សចេញចូលប្រជ្រៀតគ្នាណាស់ គេគ្មានជម្រើសក្រៅពីឈរតោងកៅអីក្បែរបុរសមាឌធំម្នាក់ដែលពាក់មួក ពាក់របាំងមុខជិតឈឹង។

_ ជិះឡានឈរជិតគ្នាថេហ្យុងចេះតែលួចសម្លឹងផ្ទៃមុខគេ“មើលតាមការតែងខ្លួនដូចពួកម៉ាហ្វៀ?, វាមិនដែលម៉ាហ្វៀឯណាជិះឡានក្រុងមនុស្សច្រើនអញ្ចឹង មិនខ្លាចគេធ្វើស៊ីទេអី? ហឹស.តាមពិតជាក្មេងពាល” ថេហ្យុងឈរសម្លឹងវិភាគរូបគេ ដែលពេលគេចាប់អារម្មណ៍ងាកមកធ្វើងាកមុខចេញសម្លឹងរកមើលជើងចក់អីបែបហ្នឹង ហើយងាកទៅវិញញញឹមរាកទាក់បន្តិច ប៉ុន្តែពេលគេធ្វើមុខមាំងាកមុខចេញវិញតាំងវិភាគថាគេឈ្លើយទៀតអីណា..
"ឆើស.ចាប់ដាក់ប៉ុសប៉ូលីសមួយឥឡូវ"ថេហ្យុងគិតក្នុងចិត្តម្នាក់ឯងហើយពេបមាត់ពេបករមិនព្រមឈប់