السلام عليكم قصتنا مبينه من عنوانها شوي بيها نوع من الحزن نبدأ نتعرف على أبطال قصتنا...
اني ميار عمري ١٥ سنه احنا من محافظه الناصريه حياتنا مابيها اي نوع من الرفاهيه جبنها تعب بتعب احجي قصتي من البدايه حتى تفهمون كل أحداثها
احنا من عائله متكونه من ابويه اسمه احمد عمره ٤٨ سنه ماعنده وظيفه يشتغل عماله وامي رحمه عمرها ٤٦ سنه تشتغل بالبيوت او مرات تخيط للعالم وعندي اخ واحد اسمه حسين مقعد عمره ٧ سنوات
اني صف ثالث متوسط علاقتي سطحيه ويا البنات متنمرات ع ملابسي ودائما يحاولن يفشلني المهم اداوم يوميه نفس الروتين ماكو شي جديد
رجعت للبيت لكيت ماكو احد حتى حسوني ماكو ولا عندي تلفون اتصل بيهم وين طلعت للجيران كالو اهلج راحو للمستشفى كل ضني انو مثل كل مره لان دائما يتخربط بسبب وضعه لكن من رجعو شفت انو الي متخربط وجوي دخلو للبيت هو بابا بسبب انو من جان بالشغل وأكع من السكله وضهره حيل متأذي من هذا اليوم انو فوك الحمل صار حملين بابا صار صعب عليه الشغل ومنا علاج حسين امي كام الشغل ميكفينا اضطريت ابطل من المدرسه حتى أضل يمهم وامي تروح للشغل....
علاقتنا ويا عمامي اطلاقا مو زينه لان جدو جان مزوج ٢ بيبي ام ابويه توفت وضلت مرته الثانيه عدها ولد ٢ وذول من بعد وفاه جدو صارو حيل يكرهون بابا من قسمو الورث انطو هذا بيتنا ال بابا وسكتو وهو لا حول ولا قوه حتى بيتنا هذا مو قريب عليهم ف ماعدنا اختلاط بيهم اما اهل امي ف هيه وحيدتهم وبيبي وجدو متوفين....
يوم بعد يوم بابا تدهور حالته أخذنا للمستشفى لان منكدر الدكتور خاص ف كالو الا عمليه بسبب فقراته حيل متأذايه احنا مو حمل هيج مبلغ لو نبيع الفوكانه والجوانه منكدر نسوي العمليه
رجعنا واحنا الحزن مبين علينا ماكو اقل من اسبوع امي راحت للشغل واني ضليت ك العاده بلبيت أشو صارت الساعه ب ٨ ونص داكعد بابا علمود يتريك وياخذ علاجه ميكعد اريد احاول ميرد عليه طلعت اركض حافيه بالشارع وادك باب الجيران حتى يجون يشوفو اخذو للمستشفى من تلفون بيت ابو سرمد جيرنا خابرت ع ماما جتي الساعه ب ١١ جابو بابا بس هل مره جابو بتابوت مستحيل انسه هل يوم 7_6 2009 راحو دفنو بابا الجيران حتى ماسوينا فاتحه محد عدنا ولا احد يعرفنا راح بابا وانسد باب بيتنا اهنا ماما تغيرت علينا تغير جذري اني وحسين شغل صارت متشتغل تطلع من الصبح ترجع للمغرب بس منعرف وين جتي ايام حصره علينا الخبزه اني وحسين اروح ادك باب بيت ابو سرمد ينطونا من اكلهم وهيه مندري بيها وين اسالها وين ترحين دكول انت مالج دخل بيه وانتي منو تتحكمين بيه لزمت موتتني من الكتل سكتت ماكدر احجي بعد ورا تقريبا اسبوع من الكتله كعدت ك العاده هيه ماكو بس امي الي جانت عبايه والجواريب صارت كله لبس يخبل يوم مين انت معليج المهم كعدت لا هيه ولا حسوني بلبيت جتي سالتها عليه كالت اني خلصت طاقتي جبت عمري كله اربي بيكم يوم حلو ماشفت بحياتي انوب اكعد اربي معاقين يعني كميه الصدمه والكلام السم احسه بكلبي خنجر اهنا طلعت ذابه آخويه بدار الايتام والاضرب من هذا ماما طلعت مزوجه واحد متعرفه عليه وبما انو هيه الوصيه علينا لان احنا قاصرين ف لاعب بعقلها ومسجله بيتنا ب اسمه كالت الي انتي ضلين اهنا بلبيت تعيشين ويانا رجل امي اسمه حيدر بس هل انسان كلش مو راحه يعني عبالك هواي اشياء غامضه بحياته بس بيتنا الي جان من تمطر المي كله يدخل علينا هذا كله راح بيتنا تغير ١٨٠ درجه رممه كله امي احسن لبس احسن اكل ناكل بس مع كل هذا حنيه امي كلها راحت اختفت عبالك مو بنتها عبالك غريبه كاعده وياها بالصدفه سمعت امي ورجلها ديحجون بموضوع الي لفت انتباهي حسوني آخويه انو ماخاالي ب دار الايتام حسوني آخويه بايعين أعضاءه طلع رجل امي يتاجر بالأعضاء اهنا اريد استوعب الفكره ماكدر شلون انطاها كلب تبيع أعضاء ابنها خفت احجي خفت اسالهم ليش وشلون وشنو ذنبه صحيت من تفكيري وخوفي انو يرودن يبيعوني الشخص وياهم باجر العصر بساع وخرت من يم غرفتهم واني الحيره ماخذتني ليش هيج امي دسوي بينا زين اني شلون وعلى منو اروح ع منو التجا اذا هيه امي دتبيع بينا حرفيا انهضمت خاصه احنا ب2009 الموت والخطف وتجاره الأعضاء بفلس صارت حسيت بيهم انو يردون انو يطلعوني او حتى يمشون الوقت ف كالو اليوم نطلع برا نتعشى حاولت ماروح بس بعد ملحه واصرار من عدهم طلعنا رحنا لحديقه هيج مرتبه بس هو الوضع بذيج الفتره نهائيا مو زين كتلهم راح اخذ شاميه من ذاك المحل بعدني توني وصلت للمحل ماحس الا نشمرت من قوه الضربه الي صارت فتحت عيني لكيت روحي بالمستشفى راسي مخيط جسمي كله جروح وصوت صريخ الأطفال وريحه الدم مستحيل هل أمور تطلع من بالي اباوع مره يمي سالتني شلون صرتي سالتها ع الي صار كالت حزام ناسف دخل للحديقه وهاي شوفت عينج محد طلع من عدها ضليت مايقارب 4 ايام اني بالمستشفى الي عرفته انو امي ورجلها استشهدو زين اني هسه وين اروح اي احد ماعندي ولا عندي شغل يعيني بس المره الي اول يوم شفتها نهائيا ماعافتني اخذتني وياها البيتهم بس بيتهم جان بالموصل حرفيا انهضمت يعني حسيت روحي صدوك ذليله واحد من عائله وبيت صح جانت حالتنا مو هلكد بس أقلها عندي أهل هسه صفيت وحدي بهل دنيا تكفخ بيه رحت ويا هل مره لبيتهم جان عدها بس نور عمرها ١٧ سنه وياس عمره ٢٠ سنه للامانه كلش عائله محترمه وحبابين رجعت اداوم ونور صارت اخت وصديقه الي وياس كذلك اما خاله شيماء يعني يعجز الوصف عنها يمكن احسها تحبني أكثر من نور صار فتره الدوام طلعنا اشترينا ملابس قرطاسية وياس يجيب ويدردم اني ماخلص من النسوان شلعتن كلبي 😂😂اشترينا و تعشينا ورجعنا للبيت الحمدلله حياتي مستقره بس انشوف ليوين أضل دايمه هل فرحه الج يا ميار
نكمل أحداث القصه بجزء ثاني .....
