لـــــبــۅهـ أنــمــار
_______
الكاتبة/نورالهدى الوائلي
Nour Alhuda Al -Awaeli
•───≪•◦❈◦•≫───•
بداية ممتعة اتمنى لكم حسن التلاقي
نور ام حيدر /اكول علي أخذني نروح للسوگ اريد اشتري ملابس الي وللجهال تعرف منا وجاي عدنه خطبة ابن اختك هم لازم واحد يجهز من هسة
علي ابو حيدر /ادللي حياتي ميصير خاطرج اله طيب بس هسه اروح عندي تسجيل قصيدة ب الاستوديو ان شاءلله باجر العصر اخذج انتي والجهال وتشترون يلا اني راح اروح انتبهي لنفسج وللجهال باي حبيبتي
نور أم حيدر /تمام حبيبي الله وياك سالم يروحي
طلع علي طبعاً اني نور مرة علي الي يكون عم انمار
عندي 3 اطفال يتيمه امي ماتت قبل سنتين وابوي من زمان عندي جانت اختي مزوجة وعدهه 2 بنات
وحده اسمهه هديل مزوجه وطالعه والثانية اسمهه هاندا عايشه وي ابوهه مرات تجي يمي تغير جو لان ماعدهه احد بس هيه وابوهه اختي ميته واختهه مزوجه وطالعه ف اني اشتريلهه ملابس وغراض تجي يمي تغير جو حتى ما تضوج وحدهه قررت احاجي ابوهه يجيبهه الي حتى من اروح اشتري ملابس اشتريلهه واخليهه تجي وياي للخطبة ينكسر كلبي عليهه يتيمه ومكسوره خاطر طلعت الجهاز اتصلت على ابوهه
ابو هديل /السلام عليكم هلا ام حيدر شلونج خويه شخبارج ابو حيدر شلونه الجهال
نور ام حيدر /هلا بيك خويه الحمدلله بخير وانته شلونك شخبارك هديل شلونهه هاندا شلونهه
ابو هديل /الحمدلله بخير يسلمن عليج
تفضلي ام حيدر امري محتاجة شي
نور ام حيدر /ما يأمر عليك ضالم خويه بس اريد هاندا تجي يمي هاي الفترة تغير جو عدنه خطبة مال ابن حماتي واريدهه تجي تتونس وي البنات تشوف العالم تغير جو اذا متصير زحمه جيبهه الي
ابو هديل /غالية خيتي ام حيدر ادللي بعد شويه اوصلهه الج وخليهه شكد ماتردين
نور ام حيدر /تمام خويه مشكور يلا مع السلامه
سديته منه نزلت للمطبخ احضر العشه وي البنات
ام حسين زينب /اكلج نور ماترحين للسوك خيه فطومه والبنات موتني يردن يشترن ملابس للخطبة واني ما احب اخذهن ودوخه وكل وحده يرادلهه خلك ياله تشتري
نور ام حيدر /باجر اروح ان شاءلله عادي خيتي اني اخذهن فطومه وخوخه ونور وليلى ولبلبي وهم راح اخذ بت اختي هاندا وياي بعد من تريد تروح عادي لان علي ميحب يفتر وماعنده خلك وصبر يضل يحجي وما يخليني اشتري عاد اخذ البنات نتونس واذواق وكذا
زينب ام حسين /هههه اي والله الزلم خلكهم ضيك يضلون يحجون وياخذونج ركض ب السوك وانتي والله الج خلك تمشين وي ذني البراب.... هههه
نور ام حيدر /هههه شسوي خيه نتوالم اني وياهن لان من عمري شعبالج مزوجه وخلفت 3 يعني كبرت لا خيه بعدني صغيره هههه الزواج كبرني
أنت تقرأ
لـــــبــۅهـ أنــمــار
Romanceتروي القصة عن الحب من طرف واحد يشبه ان تكون غارق في منتصف البحر وتلوح لشخص لا ينظر اليك الحب من طرف واحد كانك تصب كل امآلك في أناء مثقوب ولقد قدر الحب على قلب فتاة تعرضت لــ أشـد أنواع الظلم تنكسر المرآه تتعلم كثيراً وتتغير نظرتها تجاه كل شيء ويصبح...
