အပိုင်း (၆၉) မုဆိုးကြီးပြန်လာပြီ ရှောင်မိန်လေးကလည်းပျော်နေတယ်တဲ့
ရှောင်ဟန်က သူအကုန်လုံးရှင်းပြပြီးချိန် ပိုင်လီဘယ်လိုနေမလဲလို့ ခိုးကြည့်လိုက်တော့ ထိုအမျိုးသားက သူ၏မျက်ရိုးများကို ဖိနှိပ်နေတာကိုတွေ့ခဲ့ရသည်။
ထိုတော့မှ သူတွေးမိသွား၏။ သူ့ခင်ပွန်းက နောက်ပိုင်းမှာ အမြဲပေါ့ပါးလန်းဆန်းနေပုံပဲရလို့ သတိမထားမိခဲ့ပေမယ့် အရမ်းပင်ပန်းနေမှာပဲ။ ဝက်ဝံကိုအမဲလိုက်ရတာကိုမပြောနဲ့ဦး တောင်ပေါ်မှာသုံးရက်လောက်နေခဲ့ရတာတွေ၊ ပြီးတော့လည်း နားချိန်တောင်မရှိဘဲ ချက်ခြင်း ဆိပ်ကမ်းမြို့ကိုသွားရပြန်ကာ သူပြန်ရောက်ချိန်မှာ အိမ်ကပြဿနာကလည်းစီးကြိုနေတော့ ဘယ်သူကများ စိတ်ရောလူရောမပင်ပန်းပဲနေမှာတဲ့လဲ။
ရှောင်ဟန်က ဤသို့တွေးမိချိန်တွင် စိတ်မကောင်းဖြစ်လာပြီး သူကမဝံ့မရဲနှင့်...
"ခင်ဗျား အဆင်ပြေရဲ့လားဟင်.."
ပိုင်လီကမူ ရှောင်ဟန်ထင်သလို လူက ပင်ပန်းခြင်းမရှိဘဲ သူကအမြဲပြဿနာတွေပဲဖြေရှင်းနေရလို့ စိတ်ညစ်နေတာသာရှိတာပင်။ သူက ရှောင်ဟန်စကားကြားတော့ ပြုံးပြလိုက်ပြီး...
"ပြေပါတယ် ကျိုးရှီက ဒုက္ခပေးတတ်တာပဲလို့တွေးမိနေရုံပါ ကောင်းပြီ ဒါကိုမနက်ကျမှ ပြောကျတာပေါ့ အခုတော့အိပ်ချိန်ပဲ"
ထိုသို့ပြောပြီး သူက အနားယူရန် အနွေးကုတင်ဆီထသွားသော်လည်း လမ်းတစ်ဝက်ရောက်မှ တစ်ခုခုကိုသတိရသွားကာ ပြန်လှည့်ပြောလိုက်၏။
"ဟုတ်သားပဲ မင်းညဘက်တွေအဝတ်မချုပ်နဲ့တော့ အဲတာက မျက်စိအတွက်မကောင်းဘူးနော်"
ထို့နောက် သူက ကုတက်ပေါ်တတ်သွားကာ လျှင်မြန်စွာပင် အိပ်မောကျသွားခဲ့တော့သည်။
ရှောင်ဟန်က ထိုလူအိပ်ပျော်သွားတဲ့ထိ ကြည့်နေကာ သူ့ခင်ပွန်းက အရင်နဲ့လုံးဝမတူဘဲ အခုနောက်ပိုင်းတွင် အရမ်းမြန်မြန်အိပ်ပျော်တက်သည်ဟု တွေးမိနေခဲ့သော်လည်း အဲတာက ပင်ပန်းတာကြောင့်ဖြစ်မည်ဟု တွေးမိခဲ့သဖြင့် ထူးထူးဆန်းဆန်းတော့မထင်မိခဲ့တော့ချေ။
YOU ARE READING
အမှိုက်ကောင်လေး၏ ပျော်ရွှင်ဖွယ်ဘဝ (Completed) အမွိုက္ေကာင္ေလး၏ ေပ်ာ္႐ႊင္ဖြယ္ဘဝ
Fantasyအမျိုးသားကိုယ်ဝန်ဆောင် "ကော"များပါဝင်သည်။ အမ်ိဳးသားကိုယ္ဝန္ေဆာင္ "ေကာ"မ်ားပါဝင္သည္။
