📍رواية: نسومة الشليقة🐸♥️ 📍بقلم: ام عمر🖋️

1☂️

📍روايـــة : نســومة الشــليقة 🐸

{م̷ـــِْن سلسلة فـಿـرفـشـಿـة🍿♥️}

📍بــقلم:أم عمر🖋️

اووهاايو 🙋‍♀️ انا  نسمة بينادونى نسومة عمرى 20 سنة قريت لعند تالتة ووقفت لانو عندنا البت م بتقرا الجامعة 😀😀😀💔 عندى4 اخوان ، البكر رمزي عمرو 25 سنة خاطب وشغال مع ابوى،  وبعديه انا ثم عبيدة وعمرو 18سنة  ممتحن تالتة،  واخيرا رهف ورغد وديل توئم عمرهم 11 سنة بيقرو فى رابعة، امى اسمها جهينة وابوى اسمو حامد

حاسرد عليكم بعد المواقف الطريفة الحصلت لي على شكل مقتطفات🙋‍♀️💜

__________________

«المقتطف الأول»

....... فى يوم مـن ايام الخميس امى رسلتنى للسوق عشان اجيب خضار الاسبوع ، لبست عبايتى عبد الواحد  وكوزت طرحتى المنقاوية  وطلعت للشارع،  اهاا بقيت ماشة  لعند ما حصلت بيت جيرانا البي قدام ، وقفت وشلت نعلاتى فى يدينى وبقيت ماشة بسرعة،  ( عندهم كلب لٱ انا بدورو لٱ هو بدورنى 🐸👋  ) 
لمن حصلت بر الامان لبست نعلاتى واتنفست وبقيت بضحك اصلا نادرا ما بَسْلم مــن كلبهم دا. 🌚 بس مستحيل فرحتى تكتمل 😀😀😄😄😄 عترت في حجر وجيت واقعة علي وشي خشمى اتملا تراب فففل
وكرعينى  واحدة جات طايرة والتانية جات قريبة لعنقرتي 🐸💔قمت سريع سريع عاينت يمين شمال لقيت مافي حد عاينت بهناك على الركن لقيت سيد الدكان راقد فالعنقريب الخاتيه جنب دكانو وبيعاين فينى،  اهاا عمك م̷ـــِْن ما شافنى شفتو عمل فيها نفسو نايم م بيدور يحرجنى 🌚👋

بقيت بحتت فى ملابسي وانا بنبز وبتزهج ،تلفونى رن لقيتها صحبتى المقربة صفاء(مشت للخرطوم عشان تقرا الجامعة)  اهاا بقينا نتونس ونتونس لعند ما حصلت الزلط وقفت لي مواصلات وقعدت  فى كرسي جنب الشباك واحنا لسانة بنرغي و نتشمشر  شوية كدة قلت ليها ادينى خالت سوسن(امها) اسلم عليها،  قالت لي: امي قاعدة فى بيت الجيران اصبري البس توبي وامشي ليها،  خليكى على الخط ما تقفلي قلت ليها ټمـٱمـ ،  اهاا الوقت داك جا شاب مززز قعد فالكرسي الجنبي انا ريالتى دي سالت عدييييييل،  بيشبه الممثلين الامريكيين السمر ديلاك. 😍😍😍😍 طوييييل طووول الا تسقع حتن تشوفو و معضضضل ولونو اسمر هاادي وعامل شعرو كيرلي وملابسو دي وااضحة انها ما من هنا 😍👋👋 طبعا الاخو كان لابس سماعة  فى اضانو اليمين وانا كانت مقابلانى جهتو الشمال فعشان كدة ما كنت عارفة، اهاا الاخو مـن ما قعد قال:عاينى انا عاوز اقول ليكى حاجة، يمكن دا ما وقتو لَـگِنْ ما قادر ادس عليكى اكتر م̷ـــِْن كدة  اهاا انا طبعا استغربت اتخلعت عدييييل اججي دا بيعرفنى مـن وين ؟🤨🤨🤨🤨

عاينت ليه وقلت:اتفضل قول،  الشاب عاين لي باستغراب ورجع عاين  قدامو طبعا لقانى رافعة التلفون فى اضانى فافتكرنى بتكلم مع حد فالتلفون يعنى الاتنين فاهمين غلط 🐸💔

بعد فترة قال:ااا انا بحبك و.. وعايز اتقدم ليكى  ،  يلا انا هنا لمن جانى صداع  دقيقة براحة فهمني انت منو وبتعرفنى م̷ـــِْن وين ولا دي كاميرا خفية ولا دي شنو 😀😀😀😀؟؟

كنت شايلة لي ورقة وكاتبة فِيَھ الحجات الامي عايزانى اشتريها،  شرطت نهاية الورقة وكتبت فيھ رقمي و التفت عليه وبإبتسامة خجولة قلت ليه :طيب عاين انا بصراحة اتفاجئت م̷ـــِْن كلامك دا وهسي م عِنـديّ  ليك رد لَـگِنْ هاك دا رقمي لبعدين كدة اتصل عليا وباذن اللّـه حاكون اتوصلت لقرار😊😘

الشاب لفت شافنى باستغرب طلع السماعة م̷ـــِْن اضانو وقال لي وهو بيعاين فالورقة  : معليش شكلك متلخبطة انتى ولا حاجة ؟؟؟

انا عاينت للسماعة الفي يدو ورجعت عاينت ليه ابتسمت بخلعة  وقلت ليه : اا لالا م هناى ما قاعدة اتكلم معاك انت 😀😀😄😄😄😄 الولد هز لي راسو ورجع عاين قدامو  واضح انو ما صدقنى، 
انا قبلت بجهت الشباك وبقيت ببكى وبتمخت غايتو شلاقتى دى لْـۆ ما خليتها حاتخت فى مواقف موحرجة اكتر م̷ـــِْن كدة 🐸💔

يتبع...